[sror2017]

السلام عليكم



- انا لن اتطرق ل تفاهات بعض مشجعي الاهلي بسب والدة تركي ال الشيخ



- الدول العربية كمصر تحتاج الى استثمارات اجنبية و هذا ما نسمع اليه كثيرا في الاعلام السياسي و الرياضة اصبحت جزءا من السياسة فهي دائرة صغيرة داخل دائرة كبيرة



- الاستثمار الاجنبي يتعامل بالدولارات بمعنى سيكون اقتصاد البلد قوي و ايضا ستضمن الاف الوظائف من ابناء بلدك و ايضا لا ننسى الضرائب وغيرها



- قناة بيراميدز بالطبع كانت تملك كادر مصري سواء كان اعلامي امام الكاميرا او خلفها لا اعلم كم عدد العاملين فيها ولكن ستغلق عليهم الابواب بسبب تفاهات البعض .



- بيئة طاردة - بعد هذه الاحداث ستولد هذا الشعور المأساوي ان لن تريد احد ايا كان في بلدك فسيعاملوك بالمثل وانت كمصر تريد الاخرين لانك تملك اقتصاد ضعيف او في مرحلة تطوير بعد الربيع العربي



- بريطانيا : تطور الدوري الانجليزي بسبب الاستثمارات الاجنبية و اصابت العدوى حتى الفنادق و المطاعم و الشركات فاصبحت بعض الدول تملك املاك في بريطانيا اكثر من العائلة الملكية البريطانية و لم يقولوا بيخربوا البلد و من هذا القبيل



- خسروا شخصا كريما اضاف حبكة للكرة المصرية وسيرجع الصراع اهلاوي وزملكاوي و هذه ظاهرة ليست جيدة ان بكون الاهلي ٩٠ مرة بطلا للدوري من اصل ١٠٠



- واخيرا الابتعاد عن هذه التشنجات هو الحل السليم فالاستثمار في اوروبا هو الحل و انشاء قناة محترفة و بلاقيود افضل في اوروبا و ليس في بيئة طاردة

[qassem]

كلام محترم ومحزن على حال بلدنا التي يدمرها أطفال

[محمود المصري5050]

كلام صحيح تحياتى

[asdman2]

كلام محترم ومحزن على حال بلدنا

[isah2]

مش هتلاقي غير الزمالكاوية اللي بيدافعو عنه
وبعدين بتضرب امثله في اندية متكافئة ماليا مش لاعب مصري ميسواش المبلغ اللي يدفع فيه ويروح بيراميد يعلي ويقول 10 مليون دولار
السنة الجاية مش هتلاقي حد بينافس اصلا بعد مايرفعوا عدد اللاعيبة المحترفين ل7 او 8 وهو اللي هيشتري طبعا والباقي هيتفرج عليه
المهم انكو طبعا مبسوطين عشان هو اللي بيشتريلكو ال 15 لاعب بتوع كل سنة

[sror2017]

المشاركة الأصلية كتبت بواسطة isah2

مش هتلاقي غير الزمالكاوية اللي بيدافعو عنه
اولا انا مش زمالكاوى
وبعدين بتضرب امثله في اندية متكافئة ماليا مش لاعب مصري ميسواش المبلغ اللي يدفع فيه ويروح بيراميد يعلي ويقول 10 مليون دولار
هل باريس سان جيرمان مثل باقى اندية الدورى الفرنسي باريس مسيطر على الكورة الفرنسية بستثمارات قطرية ورغم ذلك مفيش اى نادى اعترض على ملك نادى باريس عشان ناس وعية وعارفة ان الاستثمارات دى فى صالح اقتصاد البلد

السنة الجاية مش هتلاقي حد بينافس اصلا بعد مايرفعوا عدد اللاعيبة المحترفين ل7 او 8 وهو اللي هيشتري طبعا والباقي هيتفرج عليه
هو الاهلى طول عمرة بيفرغ الاندية من اللعبين الجيدين والكل بيتفرج علية حتى بيخدو لعبين جيدين جدا وبيقعدو على الدكه مش بلعبو خالص عشان مفيش اندية تتنافس معاه فى اى بطولة ولما يجى نادى بستثمارات عشان ينافس ويرفع من الكوة فى مصر تقولى السنة الجاية محدش هينافس
المهم انكو طبعا مبسوطين عشان هو اللي بيشتريلكو ال 15 لاعب بتوع كل سنة

هو لو بشترى 15 لعب لزمالك زى ما انت بتقول الاهلى دخلو اية دى حاجه تخص الزمالك مع الراجل وبعدين هو لما كان بيخلص لعيبة للاهلى وبيدفع كذا مليون فى دعاية انتخابات الخطيب مكنتش بتتكلمو ليه

[ahmedsuperman]

كان بيدعم زيه زي الخرافي للاهلي ومنصور البلوي للذمالك كل دول دعموا بس لم يتدخلو في الانديه ده جه الاعلي رمي كام مليون وعاوز يركب ويقلبه عزبه الاهلي نطره راح اشتري نادي عموما الموضوع سياسي مش كوره استثمار ايه! يصرف مليار جنيه هيلمهم امتي! هيكسب من وراهم كام! اللي جمهور الاهلي عمله وصلهم ان في طبقه من الناس تقدر تشتريها بفلوسك بس في ناس تانيه اللي هيه مصر بجد مش للبيع وبيردو علي سفاله معاليك لما شتمت طه اسماعيل ومحمد فضل وهيثم عرابي وعلاء نبيل ولا يشتم براحته طال عمره والناس تسكت

Sent from my Infinix-X600-LTE using Tapatalk

[اوكا2010]

المشاركة الأصلية كتبت بواسطة isah2

مش هتلاقي غير الزمالكاوية اللي بيدافعو عنه
وبعدين بتضرب امثله في اندية متكافئة ماليا مش لاعب مصري ميسواش المبلغ اللي يدفع فيه ويروح بيراميد يعلي ويقول 10 مليون دولار
السنة الجاية مش هتلاقي حد بينافس اصلا بعد مايرفعوا عدد اللاعيبة المحترفين ل7 او 8 وهو اللي هيشتري طبعا والباقي هيتفرج عليه
المهم انكو طبعا مبسوطين عشان هو اللي بيشتريلكو ال 15 لاعب بتوع كل سنة

كلامك صح جدااا

[محمود الكدوانى]

عليكم السلام ورحمه الله
بالنسبه لموضوع الشتيمه اكيد مرفوض من اى حد
مش معنى انى اختلف معاك الجمهور يشتم
بس هوه سؤال يعنى ؟؟؟
لما تركى قال ع الاهلى دول عصابه ومش عارف ايه
ولما قال فلوسى وعاوز كمان يلم فلوس الناس اللى طلعهم اعارات فى بلده
كل الناس بقيت مسؤلة عن فلوس تركى
وكل شوية واحد يطلع يقولك الاهلى يرجع للراجل فلوسة
ولما طلع غلط ف الشيخ طه
ولما طلع وقال اتمنى انى مش اشوف محمد صلاح فى كاس العالم
ولما تطلع كل شوية شركه صله وتقولك نفسخ العقد مع الاهلى ؟
حضراتكم مش اتكلمتوا على التفاهات دى كلها ليه ؟؟؟
ثانيا حضرتك بتتكلم عن استثمارات
فين هيه حضرتك ؟
هوه اللى بيحصل ف مصر استثمار
اشترى اى لاعب بفلوسى
هوه لو اخد الدورى والكاس عشر سنين هتجمع تمن الفلوس اللى صرفها
متقوليش ده استثمار فى مصر
الاستثمار ليه معايرر تانيه
اكاديميات اشترى ناشئين اعمل حاجه تطلع ليا فلوس ارجع فلوس
مش اشترى وارفع اسعار لاعبين
قولى حضرتك مين ف مصر يساوى
الملايين دى كلها اللى بتدفع فى اللاعبين
وهوه الاستثمار حضرتك
انى اعمل تؤامة مع نادى منافس ليا ف الدورى ؟
هوه التؤامة انى اشترى كميه اللاعبين دى لنادى منافس ليا ؟
بعد اذن حضرتك لو انت عاجبك تركى او محب ليه دى حاجه تخصك
بس مش تقولى استثمار

[arabking]

كل الاحترام لصاحب الموضوع بس هقول لحضرتك حاجة يمكن تاخد بالك منها اولا ده مش استثمار ده خراب مستعجل للبلد هل تعلم ان طال عمره من ساعة محضرتة شرف مصر وخلي للمليون جنية ملهميش اي قيمة المليون جنية اللي ملهمش قيمة حضرتك وانا مش هنعرف نجبهم بما يرضي الله كل الاستثمار اللي هو هيعمله في مصر هيكون بالفتنة وصحاب المصالح مش مصر فعلشان احنا بنحب مصر مينفعش يكون موجود واحد بيشتري اي مخلوق مهما كان بفلوسة هو لو كان يعرف يعمل كده في بلده اكيد مكنش فكر في مصر ابدا يعني من الاخر الموضوع مش اهلي ولا زمالك خالص

[scarabeo]

السؤال اللي بيطرح نفسه
لما المستثمرين الخليجيين بيروحوا بستثمروا في أوروبا بيتحكموا في المنظومة الرياضية زي ما شوال الرز عمل في مصر؟
الاجابة محدش فيهم يقدر ولا حد هيسمحلهم بكدة.

[جلال ابو سعيد]

ورجعنا تانى زمالك واهلى ونسينا الموضوع الاصلى فين مصر من كل الكلام ده ولا مصر هى الاهلى والزمالك فقط

[جمال عبد السلام]

موضوع جميل بس للاسف هناك اشياء ابعد منها من الرياضه تحدث انا لو مستثمر فى نادى وادعى اننى انافس على جميع البطولات هل من العقل اننى ادعم فريق منافس وبقوة لى على البطولات بملايين وجلب مدربين ولاعبين لهذا النادى او غيرة الموضوع فيه اشياء غريبه عن كونه استثمار ايه رأيكم فى تمرد الاعبين على الاندية لرفع قيمة العقود بالنظر للمستثمر الجديد طب حد مقتنع ان اى لاعب موجود يساوى هذه المبالغ الطائلة الحاجة الل حصلت وهتحصل تمرد الاعبين والبقاء لمن يدفع اكثر طب كان عجبكم مستوى المنتخب فى كاس العالم وماحدث من هرج ومرج بسبب تصوير قنوات خاصه مع الاعبين من أجل الدولارات وتسابق الاعبين على التسجيل ولو الاعب اصبح عقدة 100 مليون مش هيشبع هى دى الرياضه فى مصر مع ظهور الاستثمار والبقاء لله فى الاندية الشعبيه