[إبراهيم داود]

الناس اللي بتسأل عن خطوات التقديم للمسابقة والورق هيتقدم قبل النتيجة ولا بعدها .

1 - أول شيء تشوف تخصصك مطلوب في إدارتك اللي انت تابع لها طبقا للعنوان اللي مكتوب في البطاقة ، ولو غيرت محل الإقامة لازم يكون مر سنة علي الأقل بعد تغيير محل الإقامة ، ولو التخصصات مش موجوده علي النت تروح تسأل في إدارتك عن التخصصات المطلوبة .
2 - لو لاقيت تخصصك مطلوب في إدارتك ، هتدخل تسجل علي الرابط ده ، والرابط ده هيشتغل يوم السبت القادم إن شاء الله وهيستمر لمدة أسبوع .
وده رابط التقديم على النت علي موقع الوزارة .
http://tempcontract.emis.gov.eg/
3 - وانت بتسجل لازم تكتب بياناتك صحيحة وبدقة وتكون بياناتك مطابقة للأوراق عشان لو في حاجة مخالفة للشهادات أو كاتب تقدير أعلي أو أي شىء مخالف للشهادات سيتم استبعادك نهائيا من المسابقة ، لأن سيتم مراجعة البيانات اللي في الاستمارة مع الشهادات اللي قدمتها .
4 - بعد ما تسجل بياناتك علي الموقع ، وتكون مستوفي الشروط هتعمل حفظ وتطبع الاستمارة من علي الموقع بعد التسجيل مباشرة .
5 - بعد ما تطبع الإستمارة هتاخدها مع الشهادات و الأوراق اللي مطلوبة وتروح تقدمها للإدارة التابع لها خلال الأسبوع القادم .
يعني هتقدم الأوراق مع الإستمارة قبل إعلان النتيجة .
6 - سيتم مراجعة الأوراق والشهادات ومطابقتها مع الإستمارة اللي طبعتها من علي النت من قبل اللجنة المشكلة في الإدارة .
7 - بعد انتهاء أسبوع التقديم علي النت وتقديم الأوراق ، سيتم تحديد موعد المقابلة الشخصية والاختبارات .
8 - بعد ذلك سيتم ترتيب المتقدمين وفق للمعايير والقواعد التالية بالترتيب :-
1 - محل الاقامة في البطاقة يكون مطابق للإدارة التابع لها ويكون مر عليها سنة علي الأقل في حالة تغيير محل الإقامة .
2 - الأعلى في مرتبة الحصول على المؤهل الدراسي ( الأعلي في التقدير ) وليس بالنسبة المئوية .
- امتياز
- جيد جدا
- جيد
- مقبول
3 - الأعلى مؤهلا ( دكتوراه - ماجستير ) .
4 - الأعلى في درجة الاختبار والمقابلة .
5 - الأقدم تخرجا .
6 - الأكبر سنا .

بعد ذلك سيتم إبرام العقود مع الفائزين لإستلامهم العمل بداية شهر مارس المقبل .
وبالتوفيق للجميع إن شاء الله .

[إبراهيم داود]

الموقع التقديم يعمل الان
http://tempcontract.emis.gov.eg/?fbc...UxJRsMfVR5Jst4

[hossamso]

الله ينور عليك ..... تسلم إيدك

[ابراهيم مختار جادالله]

احسنت اخى الغالي

[ahamed4005]

لو سمحت ايه حل مشكلة طباعة النموذج لان بعد التسجيل الموقع بيفضل علي نفس البيانات بدون اظهار كود التسجيل

[إبراهيم داود]

المشاركة الأصلية كتبت بواسطة ahamed4005

لو سمحت ايه حل مشكلة طباعة النموذج لان بعد التسجيل الموقع بيفضل علي نفس البيانات بدون اظهار كود التسجيل

استخدم جهاز كمبيوتر
وبتحتاج وقت تصبر عليها شوية
وانت بتدخل البيانات عاوزه بسرعه