[mr_kingofegypt]

فى البدايه احب انوه ان فيه مشكله كبيره جدا فى الفرجن الجديد من h7 وان وبالذات مع سوفت 233 السوفت ده يا اما فيه حاجه ناقصه يا اما فيه مشكله فى التعديل عموما المهم انا اتضحلى الموضوع ده لما الجهاز بتاعى مسح القنوات فعليا بعد سوفت233 لآنى استخدمت 227 و230 و232 والجهاز محصلش فيه حاجه اول ما الجهاز اخد سوفت 233 مسح القنوات تانى وده يدل ان السوفت فيه حاجه فعلا وانا مش اول واحد لاء فيه ناس كتير ظهرت معاهم الحكايه دى مع سوفت233
---------------------------------------------------------------------
نيجى بقى للموضوع المهم بأختصار اللودر مبيحلش اى مشكله ولا بيدى اصلا من اساسه السوفت للجهاز خصوصا الفرجن الجديد اللى تصنيعه بداية السنه دى اللودر بيعد وخلاص على الفاضى انا اتأكدت ازاى انا عندى 3 اجهزه h7 اتنين منهم شاريهم السنه اللى فاتت واللى بيعمل المشكله بتاعت مسح القنوات مشتريه السنه دى فى شهر يناير انا عرفت ازاى بقى الموضوع ده عشان محدش يقولى انى بتفلسف وبقول اى كلام وخلاص جربت اللودر مع الجهاز اللى بيعمل المشكله الاول لاقيته اخد فتره كبيره جدا فى عمل السوفت تعدت الساعه ولما بيخلص مبعملش اى حاجه خالص حاولت ارستره برضه نفس الموضوع واقف على بوت أكن الودر عمل مسح نهائ للفلاشه (مش اداله السوفت) فقولت اجرب على رسيفر من القدام فعلا السوفت حمل فى مدة ربع ساعه فقط وبعد اما خلص الجهاز عمل ريستارت لوحده فقولت اجرب التانى فعلا عمل نفس اللى حصل ففهمت ان فعلا التصنيع الجديد لفرجن السنادى فيه مشكله انه متعملش بالبلدى تعبئه جيده للفلاشه وقت التصنيع(دى من وجهة نظرى المتواضعه)
----------------------------------------------------------------------------
نيجى بقى لحل مشكلة البوت
بعد لما وقعت فى المشكله دى وجربت مليون طريقه وخلاص يأست وقررت انى اروح باب اللوق وادور على شحن فلاشه هناك
1-الجهاز بعد اللودر واقف بوت ومبيفتحش
2- لو جربت اعمل سوفت عن طريق الفلاشه (الطريقه التقليديه ملف files وأغير اسم السوفت لGxRom.bin وبعدين ادوس زرار الريستارت من ادام مع فتح زرار البور ) برضه مبيقبلش
الحل شغلت اللودر مع وضع الفلاشه واول ما الودر بدأ يعد دوست زرار الريستارت من ادام لاقيت الجهاز استجاب للفلاشه بدل مايستجيب للودر ولغى وظيفة اللودر وكتبلى على اللودر كومبليت
انا عن نفسى فهمت من التجربه دى ايه ( معرفش ولا فهمت حاجه ليه الجهاز استجاب للفلاشه باللودر وستجابش من غير اللودر الله أعلم)
وعشان اكون أمين معاكوا انا جربت الطريقه دى اكتر من مره ونجحت معايه
-----------------------------------------------------------------------------
(ملحوظه بعد حل مشكلة البوت مشكلة مسح القنوات متحلتش)

[hasan aladawy]

يا غالى اللى مجنن الناس من الجهاز مشكلة مسح القنوات وملهاش حل الا فى التوكيل

[mr_kingofegypt]

المشاركة الأصلية كتبت بواسطة hasan aladawy

يا غالى اللى مجنن الناس من الجهاز مشكلة مسح القنوات وملهاش حل الا فى التوكيل

صدقنى يا أخى العزيز عن تجربه المشكله دى مع تصنيع السنه دى
وبعد نزول سوفت233 بالتحديد لو عندك اى جهاز تصنيع السنه اللى فاتت هتلاقيه شغال كويس جدا جدا فوق الممتاز ولا بيتأثر باى سوفت جديد حتى لو فضلت طول اليوم تعمله سوفتات

[mixman]

طب التوكيل ده فين بالظبط و بكام ؟؟؟؟
انا والله حطيت الرسيفر تاني فى الكرتونة وشيلته وشغال على رسيفر التيلفزيون العقيم لحد ما يكون في حل
وشكلها كده هطول لحد ما ******* مدتة تخلص ... ربنا يستر

[mr_kingofegypt]

المشاركة الأصلية كتبت بواسطة mixman

طب التوكيل ده فين بالظبط و بكام ؟؟؟؟
انا والله حطيت الرسيفر تاني فى الكرتونة وشيلته وشغال على رسيفر التيلفزيون العقيم لحد ما يكون في حل
وشكلها كده هطول لحد ما ******* مدتة تخلص ... ربنا يستر

فى الاسكندريه ياغالى

[mr_kingofegypt]

لازم عشان الموضوع يبقى موجود للنقاش اعمل رد لنفسى
بس انا شايف ان المفروض ان الموضوع يتثبت عشان مشكلة البوت اتحلت بصعوبه معايا وبطريق غير متوقعه

[mohamedsat]

تحت التجربة

[essam300]

مشكله البوت ضع سوفت 181 في الفلاشه وتعمل فولدر مكتوب باسم files واكتب علي سوفت 181 ,,, GxRom.bin وضعه في الفولدر المكتوب عليهfiles وبعد نزله علي فلاشه نظيفه مايكونش عليها فيروسات او معطوبه ووبعدين افصل الكهرباء عن الريسفر واول ماتشغل الريسفر اضغط علي زر الرستارت من قدام هيستجيب للسوفت وهذا الحل مش مع كل السوفتات فسوفت 181 بيقبله علي طول وبعدين نزل السوفت اللي انت عايزه بعد كده من الفلاشه عادي دي لمشكله البووت