[ابوفريدة]

السلام عليكم,,
انا عندي جهاز كيوماكس 999 hd v2 شبيه v3
من كام يوم قطع كل اشارات الافقي (H) علي القمر الاوروبي وشغال العمودي بس ، علي الرغم ان ده مش موجود علي النايل سات (كل الترددات شغالة والحمد لله)
افتكرت ان العيب من العدسة او الطبق ، بس جربت ريسيفر تاني علي نفس السلك كل الاشارات اشتغلت .
والغريبة ان الاشارة الافقي بتيجي علي الاوروبي علي الريسيفر لما اشغل معاه ريسفر تاني علي سلك تاني (بس لازم اجيب قناة علي الاوروبي مش النايل سات) عشان انا عندي جهازين ومركب عدسة 2 مخرج ودايسك ...
فهل معني كده ان المشكلة في الريسيفر نفسه ولا ايه ,,, برجاء المساعدة ضروري جدا ,,

[الحاج شريف]

ماهى المسافه بين الريسيفر والعدسه ، وهل نوع السلك جيد بمعنى الموصل الداخلى للسلك سميك
وما طول السلك من الدايزك لعدسة الأوروبى
الأسئله دى ضروريه لتحديد سبب العطل
عندما تفقد الأفقى معناه أن الجهد عند العدسه غير كاف أقل من اللازم ، لكن العمودى لا يؤثر فيه إنخفاض الجهد
ولذلك قد ينجح ريسيفر فى تشغيل الأفقى لأنه جهده أعلى قليلا من الريسيفر الذى يظهر معه العطل
وقد تكون وصلة الدايزك رديئه فينخفض الجهد عند العدسه
والله أعلم

[ابوفريدة]

انا مركب عدسة 4 مخرج الفني قالي انها من افضل الانواع ولسه جديدة اسمها (كامكس) تقريبا ,,, والدايزك اسمه (استرا) ,,,, اسف علي كتابة ماركات بس انا عايز اعرف المشكلة فين ,,, والفني قالي الريسيفر يدخل صيانة وانا مش واثق في كلامه عشان لما كان شغال لوحده قبل كده قبل مااشغل اكتر من ريسيفر معاه كان بيلقط افقي ورأسي
انا حاليا مشغل 3 ريسيفر نايل سات واوروبي ,,,, اتنين تمام والكيوماكس هو اللي بقي فيه مشكلة الافقي بعد مازودت معاه الريسيفرين ,,,, وجربته علي اكتر من سلك برضه نفس المشكلة ,,, والغريبة اني لما بشغل ريسفر تاني معاه في نفس الوقت واجيب اي قناة علي الاوروربي الافقي بيشتغل فيه عادي جدا ,,, بجد حاجة غريبة ,,, ومش هينفع اخد سلك مباشرة من العدسة عشان انا مشغل قمرين زي ماوضحت ,,,
,,,

[ابوفريدة]

???????????????????????

[الحاج شريف]

المشاركة الأصلية كتبت بواسطة ابوفريدة

???????????????????????

حضرتك لم ترد على الأسئله عن السلك وكررت نفس السؤال وبالتالى لم يجد جديد فى الحوار لنرد على حضرتك

[ابوفريدة]

السلك نوعه جيد جدا بشهادة اكثر من فني ,,, وبالنسبة للمسافة بين الريسيفر والعدسة فتقريبا مسافة 7 ادوار سكنية ,,, والمسافة بين الدايزك وعدسة الاوروبي تقريبا متر ,,, ونوع الدايزك والعدسة انا ذكرتهم ,,,, ومتشكر جدا علي الاهتمام

[@أشرف عباده@]

المشاركة الأصلية كتبت بواسطة asharif

ماهى المسافه بين الريسيفر والعدسه ، وهل نوع السلك جيد بمعنى الموصل الداخلى للسلك سميك
وما طول السلك من الدايزك لعدسة الأوروبى
الأسئله دى ضروريه لتحديد سبب العطل
عندما تفقد الأفقى معناه أن الجهد عند العدسه غير كاف أقل من اللازم ، لكن العمودى لا يؤثر فيه إنخفاض الجهد
ولذلك قد ينجح ريسيفر فى تشغيل الأفقى لأنه جهده أعلى قليلا من الريسيفر الذى يظهر معه العطل
وقد تكون وصلة الدايزك رديئه فينخفض الجهد عند العدسه
والله أعلم

تحياتي لحضرتك استاذنا الكبير