مراجعة EH e9 و استفسارات هامة حوله

NVHD620GM · #1 2019/02/26, 06:41 AM

بسم الله الرحمن الرحيم
مراجعة لبعض النقاط في جهاز استقبال EH e9

* الجهاز كوري بالفعل و لسه متواجد في القاهرة

* الهيكل بتاعه فيه فتحات لعدد اتنين كامة لكنه لا يحوي اي كامات
* و يقبل اضافة لأن السوكيت موجود و ظاهر من فتحات التهوية و اظن انه فيه سوكيت واحد لكامة واحدة
* التيونر بتاع الجهاز سريع نسبياً لكنه ابطأ من غيره ويميزه انه قوي و دقيق
* مش بيشوف وحدات الوايرلس بتاعة الكمبيوتر اللي تم تجربتها علي اجهزة اخري وشافتها
* بيشوف وحدات الوايرلس المصممة للريسيفر و اللي بتتباع بأشكال و ماركات مختلفة في كل محلات الريسيفر
* مفيهوش امكانية الاتصال عن طريق الضغط wps كما هو الحال مع اجهزة الكمبيوتر
* لما تيجي تدخل كلمة السر بتدوخ علي الحروف و مش بتلاقي كتير منها زي النقطتين فوق بعض مثلاً وهنا الاستفسار : ازاي ندخل الباسورد اذا كانت اللوحة ناقصة رموز كتير زي
: | \ @ % &
نجيب الرموز دي منين ؟؟
* مش بيقبل توصيل كيبورد و يا ريته بيقبل كانت مشكلة الوايرلس اتحلت
* مفيهوش لمبة سنسور تقول انه لاقط الريموت ولا لاء زي سترونج
* مفيهوش لمبة اشارة تنور اخضر مع الاشارة و احمر لو مفيش اشارة
الشاشة بتاعة اللوحة الامامية شيك جداً لكن الارقام صغيرة و باهتة نسبياً
* اللوحة الامامية فيها خمس ازرار فقط واحد باور و اتنين صوت و اتنين قنوات ؛ ولا يوجد ما يخص القائمة او اوك
* فيه كارت لان داخلي لكن متغطي بحتة صاج ممكن نزعها و تشغيل النت بالكابل
* الجهاز مفيهوش أنالوج تيونر ولا منفذ سكارت ولا منفذ كمبوننت و الظاهر ان الموصلات دي اصبحت من الماضي لدرجة ان كتير من الناس نسيتها علماً بأن الموضوع بدأ انالوج و بعد كدا اوديو فديو و بعد كدا اس فيديو و سكارت وبعده كمبوننت وفي النهاية الهاي دفنيشن.

* صوت و صورة اجمل بكتير من ريسيفرات اخري منها كيوماكس
* التعامل معاه مش سهل ولا صعب ؛ لكنه بكل تأكيد أصعب من سترونج و كيوماكس
* رغم انه مش جديد و انه موجود من حوالي ست سنين الا انه متفوق علي ريسيفرات كتير في عدة امتيازات منها الصوت و الصورة و التيونر
* الريموت 56 زرار
* الجهاز يقبل 8000 قناة قمرية سواء تليفزيون او راديو
* ثمان قوائم للمفضلة
* يدعم الصورة عالية الدقة حتي 1080P 50H
* مزود بوحدتي USB علشان واحدة لللاسلكي و التانية تسجل منها
* بيدعم دايزك 1.0 و 1.1 و 1.2 و 1.3

* يدعم خاصية Blind Scan لبحث القنوات الجديدة على جميع الأقمار.
*
* امكانية ترتيب القنوات أوحذفهاأوغلقها بكلمة سر .
* امكانية اعادة تسمية القنوات باللغة العربية .
* يدعم تحديث السوفت وير بواسطة USB .
* يتمتع بقراءة عدد كبير من صيغ وامتددات الفيديو والصوت والصورة ( xvid & avi & mpeg & mpeg4 & mb3 & jbeg وصيغ أخري ) . .
* يوجد خاصية EPG لمدة 7 أيام.
.
ونرجع تاني للسؤال : ايه حل الوايرلس ؟ هل ممكن يتم كتابة كلمة المرور علي الكمبيوتر و تمريرها بواسطة يو اس بي ؟

و بشكل عام : الجهاز يستحق الاقتناء ؛ ولو كان اتحسن بإضافة النواقص كان هيكون خارق

NVHD620GM · #2 2019/02/26, 08:14 AM

تم احصاء 18 رمز غير موجودين في كيبورد الجهاز

: | \ ~ % *
( ) ^ < > -- } ؟ ? ؛ ; ,

حلها ملف يتكتب علي الكمبيوتر بس هيبقي صيغته ايه و يتكتب فيه الباسورد ازاي
او يكون في اي طريقة لتوصيل كيبورد كمبيوتر

NVHD620GM · #3 2019/02/26, 08:57 AM

غيرت الباسورد علي الفاضي
الكيبورد بتاعته عقيمة مش بتكتب الا 23 رقم او 19 حرف فقط كحد أقصي
يعني لازم اعمل باسورد ضعيف جداً علشان يقبله
هل من حل ولا اعتبر انه ريسيفر بلا انترنت ؟

فنى سابق · #4 2019/02/26, 04:42 PM

انت مصعب الموضوع ليه على نفسك
اجعل باسوورد الراوتر لديك مكون من 6 حروف ورقمين فقط بدون اى رموز
اعتقد 23 رقم او 19 حرف كافيين جداااا لعمل باسوورد أمن بدون اللجوء لاستخدام رموز
او حل اخر اعمل ربط للرسيفر بأي موبايل اندرويد عن طريق الــ hotspot
وشوف الربط هيتم معاك بنجاح ام لا
http://www.masrawysat.com/vb/showpos...84&postcount=1

NVHD620GM · #5 2019/02/27, 01:14 AM

اقتباس:

المشاركة الأصلية كتبت بواسطة م/رمضان حجاج

انت مصعب الموضوع ليه على نفسك
اجعل باسوورد الراوتر لديك مكون من 6 حروف ورقمين فقط بدون اى رموز
اعتقد 23 رقم او 19 حرف كافيين جداااا لعمل باسوورد أمن بدون اللجوء لاستخدام رموز
او حل اخر اعمل ربط للرسيفر بأي موبايل اندرويد عن طريق الــ hotspot
وشوف الربط هيتم معاك بنجاح ام لا
http://www.masrawysat.com/vb/showpos...84&postcount=1

اولاً : شكراً لرد حضرتك
ثانياً : في ناس بتعمل اكتر من اربعين حرف و رمز في كلمة السر وده حق مكفول و الاجهزة و التقنيات بتدعمه و مهم للأمان مش لعبة يعني
ثالثاً : الحل المتوافر حالياً للعيب ده هوة عمل سيد مخصوص في الراوتر بإسم مختلف و كلمة سر مقبولة للرسيفر وبعد التأكد من نجاح الاتصال بينهم نرجع للراوتر و نعمل اخفاء للبرود كاست
ورغم انه حل رخم و فيه لوي للذراع الا انه ينفع لحين التغلب علي المشكلة بملف او سوفت اكثر تطور
=================
رابعاً : ظهرت مشكلة جديدة عند البحث (الشبكي) علي القمر بدر
مجرد ما يبدأ البحث في التردد 12341 بيعمل ريستارت و ميحفظش اي قنوات للقمر
علماً انه نفس الجهاز شغال تمام مع اقمار اخري زي نايل سات و الاوروبي و الاماراتي و الروسي
ونفس التردد موجود في النايل سات و اظنه كمان في الاوروبي
يبقي اشمعني !
اغلب الظن انه السوفت الموجود في الجهاز ده معيوب من مصدره اي من المصنع

NVHD620GM · #6 2019/02/27, 01:55 AM

ظهرت مشكلة جديدة عند البحث (الشبكي) علي القمر بدر
مجرد ما يبدأ البحث في التردد 12341 بيعمل ريستارت و ميحفظش اي قنوات للقمر
علماً انه نفس الجهاز شغال تمام مع اقمار اخري زي نايل سات و الاوروبي و الاماراتي و الروسي
ونفس التردد موجود في النايل سات و اظنه كمان في الاوروبي
يبقي اشمعني !
المشكلة علي سوفت s3f0e00a-11022-13174F
وجاري تجربة سوفت آخر بعد ضبط المصنع

NVHD620GM · #7 2019/02/27, 02:02 AM

تم تجربة سوفت s3f0e00a-11022-1069A
و النتيجة هي عند الوصول ل 80% وعند نفس التردد اللعين يتم اعادة التشغيل دون حفظ لأي قنوات او تردد ات
وان استمر العطل يبقي ده جهاز زبالة
مش شرط انه الموديل كله طبعاً
ممكن يكون القطعة دي بس اللي تالفة مع الحظ المعاند كالعادة
لأن في ناس تانية مشتكتش منه
.
ملحوظة : اكيد في حد ممكن يقول طب ما يحط ملف و يشتري دماغه !!
مهو اصل انا شاري جهاز علشان اشتري دماغي و احط باسورد ضعيفة
واشتري دماغي و احط ملف قنوات الله اعلم مين عامله
واشتري دماغي و ميبقاش من حقي اعمل بحث عن القنوات وقت ما احب
لا انا كدا اشتري دماغي و اغير الجهاز اسهل
فياريت اللي عنده حل حقيقي يتكرم و يشارك بيه
لأنه بصراحة حلول المسكنات مبتنفعش معايا
وعارف ان اغلب الاجهزة في مصر فيها مشاكل وعارف انه الحلو مايكملش
لكن طالما الموقع غرضه تعليم و مساعدة الناس - مش انا بس - يبقي كل اللي عنده معلومة يتكرم بعرضها لتعم الفائدة
وشكراً لكل من يقرأ

NVHD620GM · #8 2019/03/01, 04:14 AM

عرفت ان زميلي في الشغل جاب نفس الجهاز و بالصدفة في نفس اليوم !!
الظريف انه اتصل بيا يستفسر مني هل لقيت حل للعيوب اللي اتكلمت عنها او لاء
بسأله ليه يابني ؟؟

قال ان عنده عيوب مشابهة منها عيب الريستارت
فقلتله يبقي كدا جهازك كوبي من جهازي
يعني نفس الموديل و نفس كل حاجة بما في ذلك الباتش
عموماً الحل الحالي لمشكلة التردد الهباب ده هوة:

* الدخول لقائمة الترددات و مراجعتها بالكامل

* و حذف التردد الهباب ده

* و بالمرة حذف اي تردد اتلغي من القمر
* وبعد كدا اضافة كل التردد ات اللي جدت و تم اضافتها
* بعد كدا البحث دون تشغيل خدمة البحث الشبكي
* في حال تشغيل البحث الشبكي أو الأعمي هيرجع التردد اللي بيسبب المشكلة و يعمل ريستارت و تبقي كأنك معملتش حاجة

NVHD620GM · #9 2019/03/05, 09:14 AM

بعد مجهود تم عمل ملف قنوات يشمل اربعة أقمار ترتيبهم في القائمة و علي الدايزك كالآتي :
نايل سات
هوت بيرد
عرب سات
ياه سات مع اكسبريس
الملف يحوي ثمان مفضلات هم :
01 Cartoon
02 Drama
03 Islamic
04 Movies
05 Music
06 News
07 Sports
08 Variety
وطبعاً اللغة انجليزي
ولم يتم اضافة قنوات مشفرة
طبعاً اللي يحمل الملف يقدر مستقبلاً يضيف القنوات المشفرة
لكن محدش يشغل بليند ولا نت سكان مع القمر التالت بدر
و ياريت اللي يجرب الملف و يعجبه يقول رأيه علشان الناس تستفيد
الملف مناسب للجهاز اللي اتسحب منه وهوة EH E9 واي جهاز من نفس عائلة الجهاز ده من ناحية المعالج و نوعية ملف القنوات
ويا ريت لو اتحلت مشكلة التردد اللعين او اي حد من حضراتكم اكتشف حل ينشره لتعم الفائدة

فنى سابق · #10 2019/03/05, 01:45 PM

اقتباس:

NVHD620GM

شكراً لتعبك ومجهودك ياغالي
اتفضل اعمل موضوع جديد وارفق به السوفت والملف الخاص بالجهاز
ولو امكن ترفق بعض الصور من الملف ليكتمل الموضوع

NVHD620GM · #11 2019/03/06, 07:51 AM

اقتباس:

المشاركة الأصلية كتبت بواسطة م/رمضان حجاج

شكراً لتعبك ومجهودك ياغالي
اتفضل اعمل موضوع جديد وارفق به السوفت والملف الخاص بالجهاز
ولو امكن ترفق بعض الصور من الملف ليكتمل الموضوع

مفيش مشكلة
ممكن اعمل موضوع جديد و احط فيه ملف القنوات و معايا ملفين سوفت

صور الجهاز نفسه ممكن اجيبها من الانترنت و ارفقها
لكن صور القوائم هل ليها طريقة اقدر بيها اعمل سكرين شوت و انقلها من الفلاش للكمبيوتر ؟؟
ولا اصورهم بكاميرا موبايل ؟
منتظر رد حضرتك و ان شاء الله بعد الشغل ابتدي في الموضوع الجديد

فنى سابق · #12 2019/03/06, 03:02 PM

الموبايل يفي بالغرض يا غالي

NVHD620GM · #13 2019/03/09, 03:28 AM

تم
جاري تصغير الصور لتسهيل الرفع
اتمني ان الموضوع يكون مفيد للناس

فنى سابق · #14 2019/03/09, 08:50 PM

شكرا لك
مغلق لانتهاء الغرض

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مساعدة في شراء جهاز ig مناسب استفسارات هامة جدا	eslamfly	اجهزة بريفيكس و اى جى و دريم 2100 (HD)	4	2014/02/25 04:46 PM
جوله فى باب اللوق	صياد النجوم	اجهزة ستارسات و ستاركوم (HD)	23	2013/03/03 01:01 AM
استفسارات هامة بشأن الباراكليبس المحول إلي دنجل	إبراهيم 2006	الأرشيف و أهم المعلومات الثابتة	2	2010/11/27 11:06 AM
استفسارات هامة عن دنجل واي 6 أو ستاربورت 9400 المحول لواي 6	إبراهيم 2006	الأرشيف و أهم المعلومات الثابتة	13	2010/11/09 04:11 AM
استفسارات هامة من الاخوة المختصين بالقسم ارجو الرد	FA279	الأرشيف و أهم المعلومات الثابتة	5	2010/10/15 08:32 PM