[hisham fathy]

السلام عليكم و رحمة الله و بركاته
اخوانى الكرام يا ريت اللى شغال بنت اورنج يقولى نظلمة اية
لنى مشترك فى اتصالات 2 ميجا بس فيها عيبين وحشين اوى
1- كل 18 ساعة بيفصلو النت و بيرجع يشتغل تانى بعد دقيقة و دى مشكلة بالنسبالى لبعض الاسباب لاداعى لذكرها

2- كل يوم تقريبت من الساعة 6 او 7 النت بيقل اوى لدرجة ان سرعة التحميل بتوصل ل 30 كيلو بايت على الرغم ان السرعة 2 ميجا و بيرجع النت لطبيعته تانى بس بعد منتصف الليل

انا دلوقتى بفكر الغى نت اتصالات و اشترك مع اورنج 4 ميجا
و عاوز اعرف هل اورنج فيها عيوب زى دى ولا لاء
و شكرااااااااااا

[amr300015]

اخي اتصلات افضل نت في مصر اوعي اكلسن خدها من مجرب العبين دولا ولا حاجة جانب اللي شوفتها من تي داتا

[ايهاب الجهيني]

انا بفضل اورنج
بكل العيوب انا شايفها احس
ن من غيرها

[@أشرف عباده@]

حاول تشوف حد من الاصدقاء تكون عنده الخدمه للتجربه ...ومع احترامي وتقديري للجميع انا اشرح لك فودافون وعن تجربه وافضل عن تى اى داتا المحتكرة

[hisham fathy]

شكرا لمشاركتكم اخوانى الكرام
انا لا افكر للعودة لتى اى داتا مطلقا لان كنت مشترك معاهم لمدة 10 سنوات و قدمت على خط جديد و اشتركت فى اتصالات ... لكن مع هذه العيوب بفكر فى اورنج على اساس ان انها 4 ميجا و 150 سعة تحميل .... و لم افكر فى فودافون لان سعة التحميل قليلة ...

لذلك من لدية نت اورنج يا ريت يدينا فكره عن مميزاته و عيوبه لكى يستفيد الجميع

[nosmile2009]

اورانج افضل بمراجل 4ميجا 300جيجا كوتا دونلود والسعر 250كلام فارغ لكن تى داتا اسوء شركه عن تجربه اتصالات شيئه جدا فودافون سعرها غالى بالنسبه لكوتا بتاعتها القليله
افضل شركه اورنج اتكل على الله وهتستريح من وجع الدماغ والدفع عن طريق فورى متاح

[hazzuma]

المشاركة الأصلية كتبت بواسطة hisham fathy

كل يوم تقريبت من الساعة 6 او 7 النت بيقل اوى لدرجة ان سرعة التحميل بتوصل ل 30 كيلو بايت على الرغم ان السرعة 2 ميجا و بيرجع النت لطبيعته تانى بس بعد منتصف الليل

نفس مشكلتى ،عشان كدة حولت لڤودافون،أنا فى العاشر،حضرتك منين؟،،،عموما، طالما تكرر نفس السيناريو فى أكتر من مكان او مدينة،تبئى شركة تعبانة والخدمة سيئة للأسف،،،تحياتى

[hisham fathy]

باذن الله انا هكنسل اتصلات و اشترك فى اورنج عوما اخى الكريم انا من القاهرة حى الزاوية الحمراء

[دكتور منعم]

وانت مغمض أورانج طبعا

[محمد الاسكندرانى 2]

انا اورانج من 2011 انصحك تشترك فيها واحسن من غيرها بكتييير وعن تجربه

[general9088]

احب اوضح نقطة صغيره المشاكل كلها حسب الضغط على عدد الاجهزة الموجوده بالسنترال اللى انت تابع ليه وثانيا جوده سلك تليفونك من السنترال وباكد من السنترال الى البوكس اللى انت موصل عليه يعنى لو هما تمام يبقى النت زى الفل على اى شبكه سواء تى اى داتا او فودافون او اتصالات او اورانج اى شبكه المهم اللى ذكرتهم واللى يقولك غير كده قوله انت كداب

[mandi]

بتعتمد على كثافة الاشتراكات فى السنترال dslam ده بيشيل عدد معين لكل شركة اسأل الاول الناس الى وخدين من السنترال بتاعك علشان ممكن تكون الخدمة اسوأ

[mand_bond]

شركة اورانج حاليا سيئة جداااا وبقالى شهرين مقدم والروتر مستلمة من ثلاث اسابيع ولم تصلنى الخدمة وخدمة عملا كدب كلها حتى اننى قدمت شكوى منهم فى الجهاز القومى للاتصالات حسبى الله فى دى شركة

[محمد كنج]

النت كلة فى مصر ضعيف العيب الاجهزة بتكون صينى فى بعض الشركات الانترنت او الفنيين ماعندهمش خبرة او جشع شركات النت اوعدم صيانة النت

[القادم75]

أنا كنت اتصالات وكنسلت من 4 شهور وحاليا شغال اورانج بسرعة 4 ميجا ، أفضل كتير جدا من اتصالات الصراحة