[مهندس محمد سمير]

كنت عامل محلين فى ارض املاك دوله من فتره وتم ازالتهم فى حملات الازاله اللى فاتت
المهم اتعمل قضيه ومعرفتش غير يوم الجلسه وتم الحكم عليه بشهرين حبس و2010 جنيه غرامه وللعلم انى عملت تنازل لشخص اخر من فتره تقدر بــ 10 شهور قبل عمل اى محاضر او الازاله
وكلت محامى ومنه لله ميعرفش اى حاجه عن المحاماه وعملت مصالحه من الجهه صاحبة الولايه وهى الصرف بعد دفع تكاليف ازالة والافاده بانه تم رد الشئ الى اصله وعرفتهم انها لاتخصنى وانه تم عمل المحضر باسمى غلط وكان ردهم ان المحضر اتعمل باسمى لانى انا اللى قمت بالبناء على الارض
اول جلسه تم ايقاف الحبس وتم تاييد الغرامه عملت استئناف وعرفت انه اصلا معندوش نيه انه يتكلم فى حاجه تانى وقاللى ان القضيه 16/4 وعرفت بعدها انه كدب عليه والقضيه كانت 9/4
كلمته يوم 15/4 على اساس ان القضيه تانى يوم زى ما قال وكان رده ان القاضى هيايد الغرامه واكد لى كده لان طبعاً كان متاكد لان القضيه كانت قبلها باسبوع والغرامه اتايدت فعلا
المهم سالت واحد معرفه كان شغال معانا وخرج معاش قال ان فيه حاجه اسمها معارضه استئنافيه كلمت محامى تانى قال ان طالما المحامى حضر فى جلسه الاستئناف فلا يصلح ان يتم عمل معارضه استئنافيه ولكن جميع غرامات التعدى على املاك الدوله لا يتم تاييدها بناءاً على الماده رقم كذا من القانون وذكر الماده بتاع القانون لانى مش فاكرها بصراحه
المهم دلوقتى ايه وضعى انا حالياً
هل لابد من دفع الغرامه دى ولا فيه اى وسيله امامى علشان اعملها
وحالياً الارض لايوجد عليها اى بناء وانا خايف اللى اللى اخدها منى يقوم بالبناء عليها مره اخرى ويتعمل فيه انا محضر تانى فماذا افعل

[الباشا وليد]

السلام عليكم ورحمه الله وبركاتك
هو فعلا لو المحامى حضر جلسة الاستئناف فانت ليس لك الحق فى عمل معارضة استئنافيه ولذلك عليك الـتأكد بنفسك من سكرتير جلسة المحكمة
هل الحكم حضورى ولا غيابى يعنى المحامى حضر ولا لا
فلو المحامى حضر اصبح الحكم نهائى لكن قابل للطعن بالنقض وهو امر قد يكون مسبتعد انك تطعن بالنقض لتكاليفه مقابل مبلغ الغرامة المقضى بها
اما اذا لم يحضر فعلا الجلسة يمكن عمل معارضة استئنافيه وفى هذه الحالة يمكن ابداء كافة الدفوع