[حمادة مجدى]

بالنسبة للبث علي التليفزيون الارضي اشارة الاريال العادي ضعيفة وكل وسائل الاستقبال المتوفرة لاستقبال القنوات الارضية ضعيفة جدا وان كانت منعدمة في اغلب المناطق.
سمعت قريب ان في اجهزه شبيهة بالرسيفر هتنزل لبث القنوات الارضية بصورة جيدة , هل دي معلومة صحيحة؟؟ ولو مش صحيحة ايه افضل طريقة لمشاهدة القنوات الارضية بصورة جيدة؟؟

[saeedhamed]

اضم صوتي لصوت اخي الكريم نرجو الرد حتي يتمكن الجميع من الاستفاده ورمضان كريم علي كل الاخوه

[احمد عبدالله محمود]

بث ارضى مش عارفين نشوفه فى دولتنا
والله حاجه تكسف

[حمادة مجدى]

واللي يغيظ ان أحمد شوبير بيقول تقدر تتفرج ع القناة أرضيا بتقنية hd بالله ده اسمه كلام!!؟؟

[mahmoud521]

لازم اريال برده وده حسب محطة الارسال و مدى قربها و بعدها عن مكانك لازم الجهاز او الريسفر محتاج اريال

[شرف عياط]

نحن في صعيد مصر محافطة سوهاج معدومين حتى البث الارضي لايصل الينا بصورة جيدة فكيف نستقبل هذة القناة على الاجهزة التى نمتلكها ... اعتق ان البث متوفر فقط لساكنى القاهرة وضواحيها فقط فماذا نفعل وما ذنبنا نحن اهالى الصعيد

[حمادة مجدى]

المشاركة الأصلية كتبت بواسطة شرف عياط

نحن في صعيد مصر محافطة سوهاج معدومين حتى البث الارضي لايصل الينا بصورة جيدة فكيف نستقبل هذة القناة على الاجهزة التى نمتلكها ... اعتق ان البث متوفر فقط لساكنى القاهرة وضواحيها فقط فماذا نفعل وما ذنبنا نحن اهالى الصعيد

أخي الكريم نفس الحال في أقاليم مصر ايضا , عندنا المنوفية ومفيش أي بث أرضي نهائي

[hamadaelgendy]

انا من المنوفيه وحاولت كتير اجيب القناه بس مفيش فايدة بردو ياريت لو في حل حد يقول

[حمدى شعبان]

اسمها قناه الفنكوش

[ziedan2000]

تم استقبال القناة على شاشة ال جى 43 بوصة تدعم البث الرقمي فى الاسكندرية باريا ل داخلى والصورة ممتارة وكذلك الاولى والثانية والنيل للرياضة

[playstation.2]

سواء كان جهاز تلفزيونك يدعم البث الرقمي أو لا وسواء كنت تمتلك جهاز الإستقبال المعلن عنه أو لا فكل هذا يعتمد بشكل رئيسي على قربك من محطة الإرسال وإن كنت خارج نطاق التغطية فلن تستطيع إستقبال القنوات مهما كنت تمتلك من أجهزة

[ابو جنا العربى]

وبالنسبه للشرقيه معدومه الشبكه شلت التلفزيون فوق سطح البيت ومفيش فايده الى مش ساكن فى القاهره او الاسكندريه ميحولش

[محمداحمد]

وبالنسبه للغربيه معدومه الشبكه شلت التلفزيون فوق سطح البيت ومفيش فايده الى مش ساكن فى القاهره او الاسكندريه ميحولش

[على محمد نور]

المشاركة الأصلية كتبت بواسطة محمداحمد

وبالنسبه للغربيه معدومه الشبكه شلت التلفزيون فوق سطح البيت ومفيش فايده الى مش ساكن فى القاهره او الاسكندريه ميحولش

انا من الغربية وتحديدا من كفر الزيات واستقبلت القنوات على شاشة ال جى 32 بث رقمى والصورة أحسن من صورة الريسيفروبالنسبةللاريال عبارة عن قطعة خشب حوالى 60 سم ولفيت عليها حوالى 2متر سلك 1مم من ناحية ومثلهم من الناحية الاخرى واشتغل تمام التمام وان شاء الله سأقوم بتصويره ورفعه هنا لمن يحتاجه وشكرا لكم .

[mahmoud336]

انا من الغربية مركز قطور والقناة شغاله زى الفل بجودة عالية على شاشة توشيبا سمارت 32 ومن غير إريال خارجى .هو إريال داخلى عبارة عن سلك كهربا عادى مربوط فى قطعة ال rf