[Yasser Abdullah]

الاخوة الافاضل رجاء المساعدة فى تحديد نوع هذا الطبق حيث اكد البعض انه باراكليبس امريكى خاصة ان هتاك ستيكر ابيض برقم الموديل على البولار والحله كما هو واضح بالصور والبعض الاخر اكد انه ECC مصري لذا برجاء المساعدة فى تحديد نوعه للاهمية

[mohmad1mohmad]

باراكليبس

[الباشا وليد]

طبق براكليبس امريكى

[المهندس/احمد جمال]

المشاركة الأصلية كتبت بواسطة Yasser Abdullah

الاخوة الافاضل رجاء المساعدة فى تحديد نوع هذا الطبق حيث اكد البعض انه باراكليبس امريكى خاصة ان هتاك ستيكر ابيض برقم الموديل على البولار والحله كما هو واضح بالصور والبعض الاخر اكد انه ECC مصري لذا برجاء المساعدة فى تحديد نوعه للاهمية

الحد سكينه فى باركليبس ياغالى
اما ECC حرفه ملفوف

[محمود احمد89]

المشاركة الأصلية كتبت بواسطة الباشا وليد

طبق براكليبس امريكى

سؤال أ/وليد لو تسمح البولار دا أمريكى ولا مصانع أبو دواريتين حديد عند دراعات البولار

[عادل ربيع]

الطبق باين جداً انه باراكليبس ولكن البولر ليس بولر الباراكليبس

ويااااااا سلام لو سقط تحت يدددددي

[محمود احمد89]

المشاركة الأصلية كتبت بواسطة عادل ربيع

الطبق باين جداً انه باراكليبس ولكن البولر ليس بولر الباراكليبس

ويااااااا سلام لو سقط تحت يدددددي

تمام ياعم عادل جزاك الله خير على الأفادة

[المهندس/احمد جمال]

استاذ محمود احمد89
البولار فى الاصل لطبق الباركليبس او شركه باركليبس هى للى صممته
فقامت شركه او المؤسسه العسكريه بتصنيع نسخه من طبق الباركليبس هتلاقى القطر والعمق واحد
البولارين نفس الشكل ولاكن بولار الباركليبس محمل فى خامه
الباركليبس ليه كذا بولار مختلفين فى الشكل
بولار شبيه بريفكس
بولار شبيه لبولار مصانع
بولار نصف كفه وجنش زى بولار ابو عبد الرحمن القديم
بولار اتش تو اتش

[Yasser Abdullah]

افهم من كلام حضرتك يا استاذ احمد ان الطبق مش باراكلبس امريكى ولكن من انتاج المؤسسة العسكرية برجاء التاكيد للاهمية

[المهندس/احمد جمال]

المشاركة الأصلية كتبت بواسطة Yasser Abdullah

افهم من كلام حضرتك يا استاذ احمد ان الطبق مش باراكلبس امريكى ولكن من انتاج المؤسسة العسكرية برجاء التاكيد للاهمية

كلام غير سليم

طبق باركليبس امريكى من شكل الحله حد سكينه وبدون لحام وسريال اللى عليها
مصانع الحربيه قامت بتقليد شكل البولار فقط ولاكن خامه
غير محمله يعنى بولار خفيف وحجم الحله قطر وعمق واحد
ولاكن المصانع الحربيه الحله اطرافها ملفوفه زى طبق البريفكس
طبق بيكون نصف لحام وخامه رديئه

[الباشا وليد]

المشاركة الأصلية كتبت بواسطة Yasser Abdullah

افهم من كلام حضرتك يا استاذ احمد ان الطبق مش باراكلبس امريكى ولكن من انتاج المؤسسة العسكرية برجاء التاكيد للاهمية

الطبق باركليبس امريكى 240 وبحالة جيدة ويحتاج الى محترف
علشان يطلع افضل استقبالات عليه ويعتبر عملة نادرة حاليا
تصميم عالى الدقة والجودة وبدون لحام
لو انت مشترى الطبق مبروك عليك

[محمود احمد89]

المشاركة الأصلية كتبت بواسطة 00ahmedgamal

كلام غير سليم

طبق باركليبس امريكى من شكل الحله حد سكينه وبدون لحام وسريال اللى عليها
مصانع الحربيه قامت بتقليد شكل البولار فقط ولاكن خامه
غير محمله يعنى بولار خفيف وحجم الحله قطر وعمق واحد
ولاكن المصانع الحربيه الحله اطرافها ملفوفه زى طبق البريفكس
طبق بيكون نصف لحام وخامه رديئه

تمام أستاذ أحمد شكرا على الأفادة كان معايا بولار زيه عشان كدا كنت بسأل

[الباشا وليد]

المشاركة الأصلية كتبت بواسطة محمود احمد89

سؤال أ/وليد لو تسمح البولار دا أمريكى ولا مصانع أبو دواريتين حديد عند دراعات البولار

احتمال كبير يكون داه البولار الامريكى الاصلى وعليه السريال
و بولار المصانع الحربية او البنجامين شبه تلك البولارات المقتبس فى التصميم منه

[Yasser Abdullah]

فعلا البوﻻر عليه السيريال نمبر الطبق دة انا اشتريته سنة 1997 وكنت مركبه فى شالية عندى وبعد كل السنين والعوامل الجوية حالة الطبق زى ما شوفتوا فى الصور من غير ما اعمله اى صيانه طول السنين دى الفكرة ان كان فى واحد عايز يشتريه منى لكن بعد تاكيدكم انه باراكليبس امريكى ﻻ يمكن افرط فيه ابدا هركبه فى البيت عندى

[الباشا وليد]

المشاركة الأصلية كتبت بواسطة Yasser Abdullah

فعلا البوﻻر عليه السيريال نمبر الطبق دة انا اشتريته سنة 1997 وكنت مركبه فى شالية عندى وبعد كل السنين والعوامل الجوية حالة الطبق زى ما شوفتوا فى الصور من غير ما اعمله اى صيانه طول السنين دى الفكرة ان كان فى واحد عايز يشتريه منى لكن بعد تاكيدكم انه باراكليبس امريكى ﻻ يمكن افرط فيه ابدا هركبه فى البيت عندى

يعنى اكثر من 20 سنة ومازال بحالته رغم عوامل المناخ المختلفة!!!! دى ميزة المنتج الاجنبى
نقطة مهمة لو لم تنقله بعد المحافظة عليه من الفتل والخبطات
ونقلة بطريقة صحيحة