[تميم عبد العزيز]

مصدر يكشف ليلا كورة أسعار أجهزة استقبال "تايم سبورت"

نص الخبر

قال مصدر بالهيئة الوطنية للإعلام، إن إحدى شركات الهيئة، تطرح نهاية الأسبوع الحالي أجهزة استقبال البث الرقمي للقنوات الأرضية، وذلك لتمكين المصريين من مشاهدة مباريات كأس الأمم الأفريقية المقامة في مصر في الفترة من 21 يونيو وحتى 19 يوليو المقبل.

وأضاف المصدر، الذي فضل عدم نشره اسمه، ليلا كورة، السبت: "الجمارك أفرجت منذ يومين عن شحنة الأجهزة، التي جرى التعاقد عليها، لإتاحة بث القنوات الأرضية بجودة فائقة".

وأوضح المصدر: "الجهاز عبارة عن إريال حديث، وسعر الإريال الداخلي 350 جنيهًا، أما الإريال الخارجي يصل سعره لنحو600 جنيه".

وتابع المصدر: "العميل هيحتاج إريال خارجي لو التليفزيون في دور أرضي أو مكان الشبكة والتردد فيه ضعيف، وإريال داخلي لو مكان مفتوح والشبكة قوية".

يذكر أن الهيئة الوطنية للإعلام كانت قد أطلقت قناة تايم سبورت بالتزامن مع منافسات كأس أمم أفريقيا 2019 التي ستقام في مصر خلال منتصف العام الجاري.

وتستضيف مصر كاس أمم أفريقيا 2019 بمشاركة 24 منتخبًا لأول مرة في تاريخ البطولة ابتداءً من 21 يونيو حتى 19 من يوليو الذي يليه.

المصدر : لمشاهدة أمم أفريقيا.. مصدر يكشف ليلا كورة أسعار أجهزة استقبال "تايم سبورت"

[احمد سعد]

ليه مش لها لازكة الف جنية على بطوله مضروبه القنوات الفضائية كتير خليهم يشربوه

[تميم عبد العزيز]

المشاركة الأصلية كتبت بواسطة احمد سعد

ليه مش لها لازكة الف جنية على بطوله مضروبه القنوات الفضائية كتير خليهم يشربوه

بفرض صحة المصدر (انا شخصياً اشك في الاسعار دي) فهو يقصد ان هيكون اما (الجهاز + اريال داخلي) بـ 300ج او (الجهاز + اريال خارجي) بـ 600ج

المشكلة انهم مش عارفين ان الفلاحين في الحقول و الحطابين علي الجبال و العمال في المصانع و الشباب في المدارس و المعاهد و الجامعات كنا متخيلين ان الجهاز هيبقا عامل زي الجهاز اللي كان بيتبع و يتنادي عليه في ميدان رمسيس و العتبة اللي كان اسمه حرامي الدش ب 20جنية مع اريال ارنب و القصة خلصت

[saadalbana]

والله ولو 200جنيه غالي جدا
يبقي نسمعها علي القهوه ب2.5جنيه وكبايه شاي

[حلمى العطار]

ولا شىء من دا كله صح لان الخبر
لم يصدر من موقع الهيئة نفسه الى الان
و لو على الاريال الخارجى فدى سهلة
اريال داخلى ويتركب على السطح يغنى عنه
اما الجهاز فهو ضرورى للى معتدوش شاشة
تدعم البث الرقمى او جهاز عرض قديم
وبرجاء عدم التسرع فى الحكم على الاشياء

[ahmed2000]

انا الجهاز الرقمي الارضي موجود عندي حاليا في غزة واشتريته بثمن 35 شيكل اي ما يعادل 185 جنيه مصري

[الحسام المنتصر]

فعلا بطولة ما لهاش اى لازمة
اولا . 32 دولة يعنى المستوى فى الحضيض وفرق تعبانة لا ترقى لمستوى المشاهدة
ثانيا . حتقول فيها محترفين اقولك المحترفون جايين يعملوا الواجب وخلاص وكل واحد خايف على نفسة ويقول يارب اخرج منها على خير
ثالثا . عك تحكيمى بامتياز . يعنى حاجة تجيب الضغط
وفى النهاية كله بزنس وكله عايز يكسب من المتفرج الغلبان
تحياتى

[shta123]

المشاركة الأصلية كتبت بواسطة الحسام المنتصر

فعلا بطولة ما لهاش اى لازمة
اولا . 32 دولة يعنى المستوى فى الحضيض وفرق تعبانة لا ترقى لمستوى المشاهدة
ثانيا . حتقول فيها محترفين اقولك المحترفون جايين يعملوا الواجب وخلاص وكل واحد خايف على نفسة ويقول يارب اخرج منها على خير
ثالثا . عك تحكيمى بامتياز . يعنى حاجة تجيب الضغط
وفى النهاية كله بزنس وكله عايز يكسب من المتفرج الغلبان
تحياتى

[HANIGOL]

مش بتفق معاكم فى انها بطولة ملهاش لازمة لا بطولة مهمة طبعا . انا اللى شايفة مبالغ فية هو سعر الجهاز المفروض اخرة يبقى 150 جنية دا لما نقول غالى اكتر من كدة يبقى مختلفوش عن بين سبورت فى حاجة

[الحسام المنتصر]

المشاركة الأصلية كتبت بواسطة HANIGOL

مش بتفق معاكم فى انها بطولة ملهاش لازمة لا بطولة مهمة طبعا . انا اللى شايفة مبالغ فية هو سعر الجهاز المفروض اخرة يبقى 150 جنية دا لما نقول غالى اكتر من كدة يبقى مختلفوش عن بين سبورت فى حاجة

المقصود من انها بطولة ملهاش لازمة .انها لاتستهال كل هذا العناء
والمصاريف .خد عندك جهاز للبث الدجيتال .. اريال معرفش بيعمل ايه .. جهاز لاستقبال البث الارضى .. وفى الاخر حتلقى ان المباريات التى تستحق المشاهدة تتعد على اصبع اليد الواحدة .. لا تستحق كل هذا الهرى ..وممكن مشاهدتها فى اى مكان ده المقصود من الموضوع .. تحياتى واحترامى للجميع

[فارس عبدة]

ولو حتى بقى ب 100 مش هشتريه مالو البلغاري زي الفل التعليق اجنبي مش مشكله ع الاقل احسن من شلبوكه ..

[mohamed_raslan]

لو الكلام صحيح يبقى
السعر مبالغ فيه جدا

[م.عصام العوامى للصيانه]

والله مناجايبو لو 150 جنيه هيا دي كوره الواحد يخصر عليه 2 جنيه حته

[الحسام المنتصر]

المشاركة الأصلية كتبت بواسطة فارس عبدة

ولو حتى بقى ب 100 مش هشتريه مالو البلغاري زي الفل التعليق اجنبي مش مشكله ع الاقل احسن من شلبوكه ..

الله ينور عليك .. تحياتى

[الحسام المنتصر]

المشاركة الأصلية كتبت بواسطة م.عصام العوامى للصيانه

والله مناجايبو لو 150 جنيه هيا دي كوره الواحد يخصر عليه 2 جنيه حته

الله ينور عليك .. تحياتى