[sherifhamed2015]

اولا : اريد ان اشتري ريسيفر جديد يكون فاتح beoutq ويكون حديث ويحتوي علي جميع ******* الحديثه زي التاندبرج ويحتوي علي ***** قوي وثابت ويحتوي علي **** يكون جيد فيريت حد يفيدني ويرشحلي اشتري ايه ويريت يعرفني سعره هيكون في حدود كام
ثانيا : انا عندي تركيبه اقمار علي طبق متر بريفكس والمكان في المنصوره مركب هوت بيرد (سنتر) + نايل سات + اموس + البلغاري + يوتلسات 16 + عرب سات وكان عندي استرا 19 بس شيلته لان مفيش ولا قناه بقت بتفتح علي الcccam زي الاول كلهم اقفلوا فدلوقتي انا عاوز اركب استرا 23 بقالي اسبوع بحاول كل يوم بس مفيش فايده حاولت بكل الطرق اللي موجوده علي المنتدي وعلي النت كله بس مفيش فايده فيريت حد يفيدني لان دلوقتي انا ماينفعشي اغير وضعيه الطبق عن ان يكون الهوت بيرد سنتر انا بس اقدر اضيف اقمار علي الوضع ده زي مااضفت اقبل كده فهل ينفع اجيب الاسترا 23 علي الوضع ده وازاي ؟ (هوت بيرد سنتر طبق متر بريفكس المكان المنصوره) ولا متعبشي نفسي اصل بسمع ان الاسترا 23 جيد علي الشير فيريت حد يفيدني
ثالثا : انا مركب دايزك 8 مخرج بس فيه مشكله ان الريسيفر عندي فيه اختيارين بس ( دايزك 1.0 او دايزك 1.0/1.1 ) مينفعشي اختار 1.1 بس (ريسيفر HI-TECH AG 999 Z2) فدلوقتي الاقمار كلها شغاله كويس بس لما الغي النايل سات وساعه ما شغله كل الباقي يفصل مش فاهم ليه علي الرغم انه بيشتغل كويس ومعاه 3 اقمار علي دايزك 4 مدخل وحاولت وغيرت مدخله علي الدايزك ال8 مفيش فايده وركبت الدايزك 1.0 قبل 1.1 وركبت فيه النايل برده بيفصل الاقمار وركبت بالعكس 1.1 قبل 1.0 برده بيفصل الاقمار مش فاهم ايه الحكايه وليه لما بوصله هو اللي بيشتغل لوحده كويس ويفصل الباقي فيريت حد يفيدني
وفي الاخير انا اسف للاطاله الشديده بس ملقتشي اي مكان تاني اقدر استفيد منه غير هنا ومتشكر ليكم مقدما ولسعه صدركم

[7amodo]

حجاوب على اولا : انصحك برسيفر qmax h8 حيعمل كل المطلوب
اتمنى حد يفيدك بخصوص باقى تسائلاتك

[sherifhamed2015]

شكرا لحضرتك

[sherifhamed2015]

طيب ياجماعه اي حد يرد عليا بس في موضوع الريسيفر غير الاخ الفاضل اللي رد عليا علشان انزل اشتري

[esam_2020]

المشاركة الأصلية كتبت بواسطة sherifhamed2015

طيب ياجماعه اي حد يرد عليا بس في موضوع الريسيفر غير الاخ الفاضل اللي رد عليا علشان انزل اشتري

Qmax H8

[sherifhamed2015]

شكرا لحضرتك

[MSINGER]

الاجابه على اولا ممكن ريسيفر ستارسات t30 بنفس سعر h8 تقريبا بس ال **** شهر واحد بس و ***** فورايفر 15 شهر و فاتح قنوات بى ...... على العرب سات بدون نت
و بالتوفيق ان شاء الله

[ذياد الحسينى]

طيب حضرتك عايز ريسيفر فى حدود كام
لإن الريسيفرات الفاتحة للبى اوت كيو بتبدأ من 500

[sherifhamed2015]

متشكر ليكو كلكم والله ياجماعه بس انا خلاص اشتريت qmax h8 ياريت واكون شاكر افضالكم موضوع القمر استرا 23 وموضوع الدايزك شويه يشتغل وشويه يعلق حتي علي الريسفر الجديد وانا لسه شاري الدايزك مفيش من 5 ايام احترت والله

[sherifhamed2015]

الحمد لله اولا وثالثا خلصت منهم اشتريت qmax h8 وبالنسبه لثالثا فالمشكله ماكنتشي في الدايزك كانت في عدسه النايل سات وغيرتها

باقي بقه ثانيا وهي الاهم اللي لحد دلوقتي مفيش حد عاوز يجاوبني علي الرغم من امتلاء المنتدي بخبراء التركيبات يارب حد يجاوب

[sherifhamed2015]

ولو موضوع الاسترا هيبقي عويص فياريت حد يقولي علي قمر كويس قنواته كتير فاتحه علي الشير سواء فوريفر او سيسيكام يكوم مابين الهوتبيرد والبلغاري