تركيبتي الخاصه

sherifhamed2015 · #1 2019/07/05, 03:28 PM

من اليمين : نايل سات + اموس + البلغاري + يوتلسات 9 + هوت بيرد (سنتر ) + يوتلسات 16 + استرا 19 + بدر و سهيل سات
هذه هي تركبيتي الخاصه باختصار
هذه التركيبه + Qmax H8 + ***** فوريفر + ***** cccam قوي مدفوع = لن يفوتك اي شئ في العالم

SALAH SALEM · #2 2019/07/05, 03:35 PM

فين الموضوع
ما تكمل موضوعك يا استاذ وتكتب اقمار ايه ال استقبلت وقوة الاشارات
وصور من القنوات
والا سيتم غلق الموضوع

bareh · #3 2019/07/05, 04:33 PM

الله ينور

يوزرسيف محمد · #4 2019/07/05, 05:49 PM

دورى ابطال افريقيا والكونفدراليه تشوفها فين على طبق متر
وتحياتى لك ولهذا العمل

almazlom2020 · #5 2019/07/05, 07:06 PM

يااخى اذكر لناا المكاان وهل تستقبل كل قمر بكامل تردداتة وهل الاشارة ممتازة لكل قمر انا اشك لانى حاولت استقبال قمر 9 شرق بجانب الاوروبى طبق 130 ولكن لا توجد اشاارة

sherifhamed2015 · #6 2019/07/05, 07:30 PM

انا اسف معلشي كنت مشغول شويه ردا علي الاسئله المكان في المنصوره
بالنسبه للاستقبال نايل سات 1213 قناه
هوتبيرد 1293
البلغاري 82
اموس 220
يوتلسات 16: 765
بدر و سهيل 518
استرا 19: 52
يوتلسات 9: 279
وعلي فكره عدد القنوات ده مش ثابت بيزيد مع البحث الاعمي بس انا زهقت من كتر ترتيب القنوات
بالنسبه للبطولات الافريقيه عندي الBeoutq
وباقه سبورت 4 قنوات وباقه فايف 5قنوات ودول علي قمر اموس
وباقه ارينا 5 قنوات علي البلغاري
وباقه سبورت 2 قناه علي يوتلسات 16
وباقه كوزموت سبورت 8 قنوات علي يوتلسات 9 بس بصراحه لسه مشفتهمش لحد دلوقتي بس اسمع انها بتعرض بطولات افريقيا لكن انا مريح دماغي وبتفرج علي البي اوت
وبالنسبه للاشاره الاشارات كلها ممتازه جدا بالنسبه للقنوات اللي موجوده عندي بس
ولو في اي اسئله تانيه انا تحت امركم

mina_2000 · #7 2019/07/06, 02:50 AM

اقتباس:

المشاركة الأصلية كتبت بواسطة sherifhamed2015

انا اسف معلشي كنت مشغول شويه ردا علي الاسئله المكان في المنصوره
بالنسبه للاستقبال نايل سات 1213 قناه
هوتبيرد 1293
البلغاري 82
اموس 220
يوتلسات 16: 765
بدر و سهيل 518
استرا 19: 52
يوتلسات 9: 279
وعلي فكره عدد القنوات ده مش ثابت بيزيد مع البحث الاعمي بس انا زهقت من كتر ترتيب القنوات
بالنسبه للبطولات الافريقيه عندي الBeoutq
وباقه سبورت 4 قنوات وباقه فايف 5قنوات ودول علي قمر اموس
وباقه ارينا 5 قنوات علي البلغاري
وباقه سبورت 2 قناه علي يوتلسات 16
وباقه كوزموت سبورت 8 قنوات علي يوتلسات 9 بس بصراحه لسه مشفتهمش لحد دلوقتي بس اسمع انها بتعرض بطولات افريقيا لكن انا مريح دماغي وبتفرج علي البي اوت
وبالنسبه للاشاره الاشارات كلها ممتازه جدا بالنسبه للقنوات اللي موجوده عندي بس
ولو في اي اسئله تانيه انا تحت امركم

طب حضرتك رابط كل الاقمار دي ازاي.
ديزك كام مخرج ولا كذا ديزك

sherifhamed2015 · #8 2019/07/06, 11:44 AM

دايزك واحد 8 مدخل

hazzuma · #9 2019/07/06, 12:48 PM

اقتباس:

المشاركة الأصلية كتبت بواسطة sherifhamed2015

دايزك واحد 8 مدخل

تصحيح،،،،الدايزك،8 مخرج،،،،ألف مبروك،وبراڤو عليك

sherifhamed2015 · #10 2019/07/06, 01:32 PM

اقتباس:

المشاركة الأصلية كتبت بواسطة hazzuma

تصحيح،،،،الدايزك،8 مخرج،،،،ألف مبروك،وبراڤو عليك

شكرا لحضرتك جدا

يوزرسيف محمد · #11 2019/07/06, 01:44 PM

تركيبه هايله برافو عليك
ممكن تشرح لينا خطوات العمل واحدة واحدة لو فاضى يعنى
تحياتى

تميم عبد العزيز · #12 2019/07/06, 02:18 PM

اتمني لو تكتب علي الصورة اسماء كل قمر بجانب العدسة الخاصة به
هتكون الافادة اعم و اشمل لغير المتخصصين زي حالاتي

sherifhamed2015 · #13 2019/07/06, 02:29 PM

الموضوع بسيط جدا اهم حاجه في بدايه التركيبه وعلشان متتعبشي فيها كتير لازم يكون عندك اساس تبني عليه وهو انك بتلقط الاوروبي ومعاه النايل سات علي مسطره بحيث تلقطهم باشاره جيده اول ما القمرين يظبطوا معاك ثبت الطبق علي وضعه بعد كده الاقمار الباقيه كلها سهله وليها فيديوهات علي النت انا لو كنت عملت التركيبه في يوم واحد كنت صورتها فيديو بس انا عملت زي مانا قولتلك انا كان عندي بس الاوربي والنايل لفتره طويله بعد كد ه بقيت كل ماتضرب في دماغي قمر اشوفله فيديو واطلع اركبه لحد ماوصلت لعدد 8 اقمار المقصود انك مش لازم تتعب نفسك في يوم واحد وتركب كله اللي هتتعب فيه بس الاساس اللي هتبني عليه بعد كده وهو الاوربي والنايل وكل متلاقي نفسك فاضي في يوم في السهره اطلع ركبلك قمر وزي مانت شايفهم في اللصوره كده بالنسبه لميل العدسات او ميل السلك كلهم واحد وكل ماتبعد عن السنتر الميل يزيد سنه بسيطه وبالنسبه لميل وش العدسه بمواجهه الطبق كلهم ماشييين مع الهوت ماعدا الاسترا 19 وشها لفوق شويه والبلغاري برده وشه لفوق بس سنه بسيطه ولو لاحظت الصوره ودققت فيها كويس هتشوف التفاصيل اللي بقلك عليها دي والبنسبه للاقمار الملاصقه لبعض زي النايل واموس وزي الهوت ويوتل9 اربطهم مع بعض ب أفيز حديد افضل من اللاصق وده واضح في الصوره وهتشتري الأفيز من عند اي حد ميكانيكي او بتاع اكسسوار توكتوك قوله انا عاوز افيز اكبر مقاس وبالنسبه ل التصاق عدسه يوتل 9 والهوت ويوتل 16 حط مابينهم من الخلف اي حاجه تساوي وضعهم بالنسبه لبعض لانهم لما بتركبهم بيضموا علي بعض من الخلف وده برده واضح في الصوره

الخلاصه

الموضوع سهل و بسيط ومش معقد واعمله خطوه خطوه براحتك خالص ماتستعجلشي وانصحك تعمل زيي لو انت هتركبه بنفسك اعمله علي اكتر من يوم متتعبشي نفسك في يوم واحد
بس كده ولو في اي سؤال تاني انا تحت امركم

tiko · #14 2019/07/06, 10:34 PM

ممكن اعرف ايه أفضل أنواع ال lnb اللي اشارتها بتبقى اقوى.

sherifhamed2015 · #15 2019/07/07, 10:58 AM

اقتباس:

المشاركة الأصلية كتبت بواسطة tiko

ممكن اعرف ايه أفضل أنواع ال lnb اللي اشارتها بتبقى اقوى.

انا اسف قوي بس انا مش متخصص في مجال السات فمعرفشي ايه افضل انواع lnb انا بركب اي lnb المهم انها تكون شغاله كويس وتجيب ترددات كتير بالبحث الاعمي فانا بتأسفلك للمره التانيه لاني مش هقدر افيدك في الموضوع ده

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اليكم تركيبتي المكونه من اربعه اقمار	ABDO54	تركيبات الدش و الدش المركزي	1	2018/01/30 06:40 AM
تركيبتي الاول في المنتدي 6 اقمار شيرينح على طبق متر برفيكس	Makawy	تركيبات الدش و الدش المركزي	4	2015/09/03 06:52 PM
بالصور..تركيبتي على طبق متر و طبق اخر 85 سم	nemanja vidic	تركيبات الدش و الدش المركزي	7	2014/10/30 08:39 PM
تركيبتي المتواضعة NileSat - Thor 5 - Hotbird	playstation.2	تركيبات الدش و الدش المركزي	42	2014/10/22 04:34 AM