[ايمن قاعود]

الريسيفر بيمسح قنوات كل فترة يعنى مثلا كل شهر الرجاء الحل وبارك الله فيكم

[حسام الدين مصطفى]

طول عمرها ماركة الاسترا بتمسح القنوات
من ساعة ماظهرت فى 2001 تقريبا
واول مرة اشتريته اتصدمت بانه مسح ورحت رجعته
-----------------------
المهم
ساكتب لك مااعرفه
------------------
1 - اذا طفيت الجهاز من المفتاح الخلفى او نزعت فيشته او الكهرباء قطعت
( فى الغالب تيجى تفتحه تلاقيه مسح )
2 - اذا كنت بترتب او بتحذف او بتبرمج قنوات واثناء ذلك حصل ان حد طفاه
او الكهرباء فصلت
( برضه ح تلاقيه مسح )
3 - عند فتح الجهاز وانت بتحط الفيشة راحت اتهزت منك مرتين
يعنى بدأ يفتح وراح قفل وفتح ورا بعض
( برضه ح تلاقيه مسح )
4 - عند فتح الجهاز من المفتاح الخلفى او المشترك او اى مفتاح انت عامله له
ورحت انت ضغطت فتح وقفل مرتين قبل ما يبدأ يحمل
( برضه ح تلاقيه مسح )
يعنى كل ماسبق يؤدى لمسح القنوات
وتقدر تتفادى ده بأنك :
1 - تتعامل من الريموت فقط عند طفى الجهاز الاول
2 - لا تطفيه من اى مفتاح بطريقة مفاجئه - من الريموت الاول
3 - اهتم انك تعمل بريزة محكمه له لوحده منعا للاهتزاز
4 - اذا الكهرباء قطعت فلا تتركه حتى تأتى الكهرباء عليه فجأة
ولكن قوم اقفل المفتاح الخلفى ولما تيجى الكهرباء قوم افتحه عادى
===========
تعالى بقى للجزء التانى
------------------------
1 - اعمل له سوفت ويير يكون اصدار أعلى لو أمكن
2 - افتح الجهاز بتاعك وانفخ اى تراب منه او كمان امسحة بفرشة
وماتخليش فيه تراب على البوردة نهائى ( فلاشة ورامة ومعالج )
3 - احتمال دائرة الباور بها مكثفات تعبانة ( حتى لو مش منتفخة )
انصحك بتغير مكثفات 10/1000 بـ 16 /1000
===========
اخر حاجة
----------
هات كيس معجون تبريد بتاع بروسيسور الكمبيوتر
وافتحه وحط منه حاجه بسيطة جدا على البروسيسور
من غير مايوصل المعجون طبعا لسنونه
وده ح يخلى المعالج عندك ثلاجة لفتره حلوة
وكل مده امسح المعجون القديم وحط جديد
===========

[مجدى ابوعطا]

الحل الامثل والصحيح هو تغير الفلاشه نفسها

[ايمن احمد ربيع]

بارك الله فيك

[تامر مسعد]

المشاركة الأصلية كتبت بواسطة مجدى ابوعطا

الحل الامثل والصحيح هو تغير الفلاشه نفسها

[محمدالنوبي]

المشاركة الأصلية كتبت بواسطة مجدى ابوعطا

الحل الامثل والصحيح هو تغير الفلاشه نفسها

الله ينور ليك مهدسنا الحبيب