[م/محمد إبراهيم]

[/IMG]

عندى المدار من هيسباسات اشارته 65% الى الاذرى 46شرق فقط
وانا على الاذرى لما بنزل وش الطبق بايدى سنه اشارات الاذرى بتزيد. اعمل ايه علشان اجيب الياه سات وباقى اقمار الشرق من غير ما ابوظ المدار لانى مش فنى. لو لازم انزل الطبق سنة صغيرة من مسمار الميزان انه صاموله اللى فوق ولا اللى تحت ؟ وهل مجرد فك الصاموله اوربطها لفة اولفتين هيجيب السنة المطلوبه ؟ ولو لازم احرك البولار سنه صغيرة شرق اوغرب هل افك الاربع مسامير اللى تحت خالص ولا مجرد اهويهم شويه ؟
اخر حاجه هل اتجاه العدسة كدا مظبوط على العرب سات ولا ممكن تكون العدسة السبب فى عدم استقبال باقى المدار ؟
وعذرا على الاطاله.

[elakroty]

اخى الفاضل -
اشارات الطبق عندك ضعيفة ودا دليل على ان المدار مش مضبوط
وطبعا علشان نستقبل المدار باشارات كويسه لازم نتأكد من عدة عوامل
عموما ادخل هنا وشوف الموضوع ده وان شاء الله هيساعدك

https://www.masrawysat.com/vb/showthread.php?t=2981642

[م/محمد إبراهيم]

انا هحاول بكرا ان شاء الله اكمل اقمار الشرق او على الاقل ما ابوظش اللى موجود عندى لانى مش فنى وياريت حد يفيدنى فى النقطتين دول
هل علشان احرك البولار سنة صغيرة افك الاربع مسامير على الاخر ؟
وعلشان ارفع او انزل وش الطبق سنه صغيرة جدا لازم اهوى الثلاث مسامير فى الجنب ومسمار الميزان ولا صامولتين مسمار الميزان كفاية ؟

والف شكر لكل من شاهد وشارك

[المهندس/احمد جمال]

السلام عليكم
منتصف المدار بيختلف من مكان الى الاخر مش شرط عرب سات30.5شرق ممكن يكون30شرق او33شرق على حسب خد الطول بمكانك

طول الدرعات الواحد بيكون عامل اساسى لكمال المدار
اتزان البولار بزاويه90 درجه زى الاستاندبميزان مياه عامل اساسى فى ضبط المدار بشكل كامل

[م/محمد إبراهيم]

المشاركة الأصلية كتبت بواسطة 00ahmedgamal

السلام عليكم
منتصف المدار بيختلف من مكان الى الاخر مش شرط عرب سات30.5شرق ممكن يكون30شرق او33شرق على حسب خد الطول بمكانك

طول الدرعات الواحد بيكون عامل اساسى لكمال المدار
اتزان البولار بزاويه90 درجه زى الاستاندبميزان مياه عامل اساسى فى ضبط المدار بشكل كامل

المكان محافظة الشرقية . والفنى ظبط على عرب سات ٣٠.٥ والدراعات اصلية بتاعت الطبق البريفكس والاستاند موزون بميزان ميه . معظم الاقمار بعد الهيسباسات اشارتها كويسه الى الاذرى . بعد الاذرى مفيش اى اقمار نهائى ولا حتى بإشارة ضعيفة

[المهندس/احمد جمال]

المشاركة الأصلية كتبت بواسطة م/محمد إبراهيم

المكان محافظة الشرقية . والفنى ظبط على عرب سات ٣٠.٥ والدراعات اصلية بتاعت الطبق البريفكس والاستاند موزون بميزان ميه . معظم الاقمار بعد الهيسباسات اشارتها كويسه الى الاذرى . بعد الاذرى مفيش اى اقمار نهائى ولا حتى بإشارة ضعيفة

لشرقيه.مصر
Latitude: 30.7327°
Longitude: 31.7195°

منتصف المدار31.7195°شرق

[م/محمد إبراهيم]

الف شكر لحضرتك يابشمهندس وسؤالى لو فرضنا ان قمر منتصف القوس مش مظبوط والبولار فارق درجة او درجة ونص طيب تحريك البولار سنه يمين اوشمال اثناء ضبط المدار مش بيعوض او بيصلح الموضوع ده حتى لو الفنى مش عارف ابعاد وبيانات الموقع الجغرافى بالضبط ؟ وبعدين فى الصورة ظاهر ان الطبق رايح يمين سنه صغيرة يعنى لو رجعنها سنه شرق علشان يستقيم مع البولار هنلاقيه على 31.5 او قريب منه
واستأذن حضرتك تفيدنى فى سؤالى الاساسى تحريك البولار ووش الطبق فوق او تحت وفك المسامير والصامولتين على افتراض اننا ظبطنا كل حاجه فى الطبق والدراعات والموقع

[المهندس/احمد جمال]

مسامير اللى بتسأل عنها فى فيديو الخاص بى
https://www.youtube.com/watch?v=AymTvXYhwxQ&t=2s
وزن البولار
https://www.youtube.com/watch?v=CH4_I6n7SNE&t=10s

[م/محمد إبراهيم]

الف شكر لحضرتك شرح اكثر من رائع

[masm888]

حتى الشرقية لازم تقول اسم المدينة .. لأن الضبط فى ديرب نجم غرب الشرقية سيفرق قليلا عن العباسة وابوحماد شرق الشرقية .. دى مثلا تفرق نصف درجة .. عموما وانت واقف خلف الطبق حرك البولار يسارا سنة صغيرة لأن الشرقية المنتصف الجنوبى لها يبعد قليلا عن قمر عربسات 30.5 شرق

[masm888]

حتى من كلامك واضح ضرورة تحريك البولار سنة يسارا وانت خلف الطبق للحصول على اقمار الشرق .. اما لضبط الطبق اعلى واسفل فمن مسمار الميزان ابو صامولتين العلوية ظاهرة والسفلية داخل البولار .. لو فكيت العلوية هتلاحظ ان الطبق بينزل لتحت لوحده .. ولو فكيت السفلية ورفعت بإيدك الطبق لأعلى سيستجيب معاك .. شوف فيديوهات الشرح من هذا المنتدى العظيم واعمل لوحدك وجرب .. ضبط المدار فوق السطح متعة

[المهندس/احمد جمال]

المشاركة الأصلية كتبت بواسطة م/محمد إبراهيم

الف شكر لحضرتك شرح اكثر من رائع

[م/محمد إبراهيم]

بفضل الله ثم توجيهاتكم والفيديوهات العظيمة قدرت استقبل إلى ٧٥ شرق بدون فقدان الهيسباسات واقمار الغرب . طبعا اقمار الشرق من بعد الياه سات الإشارات مش عاليه لكن كبدايه الحمد لله .
ظهرت مشكله بعد إعادة تركيب الموتور وجدت اقمار ٦٢ شرق وطالع ضعفت شويه مش عارف ايه السبب