[c.ronaldo]

مشكله واجهتنى ولم استطع حلها
انا عندى كارت ستلايت توينهان 1027 الاحمر
وكان شغال معايا زى الفل واشارتة تمام ومش بيقطع
مرة واحدة راح الكارت فاصل اشارة ومش عاوز يشغل القنوات
اتاكدت من سلك الاشارة لقيتة تمام وجربتة على الريسيفر لقيتة شغال زى الفل
ودى بعض الصور لكى اوضح لحضراتكم المشكلة

ملحوظة"انا معرف كارت الستلايت من الاسطوانة الاصليه بتاعتة وهيا لسه جديدة ونقلت الكارت من مكانة وركبتة فى مكان اخر على البوردة لما لقيتة كدة وبردك مشتغلشى وغيرت النسخة والجهاز بتاعى امكانياته كويسة واسمة dell pentium 4"
وياريت اعرف ايه العيب اللى بيخليه يعمل كدة
ارجو حل لو تكرمتوا لانى تعبت معاه بصراحة

[الحمادوى]

جرب تجيب وصلة من مخرج الاشارة بتاع الرسيفر ووصله بالكارت
لكن مهم تشغل الرسيفر والكارت على تردد واحد
وجرب مرة فى تردد افقى ومرة فى تردد عمودى
وشوف هيحصل ايه

[c.ronaldo]

المشاركة الأصلية كتبت بواسطة الحمادوى

جرب تجيب وصلة من مخرج الاشارة بتاع الرسيفر ووصله بالكارت
لكن مهم تشغل الرسيفر والكارت على تردد واحد
وجرب مرة فى تردد افقى ومرة فى تردد عمودى
وشوف هيحصل ايه

اوكى هجرب وارد على حضرتك ... بس مفيش حل تانى غير دة

[c.ronaldo]

المشاركة الأصلية كتبت بواسطة الحمادوى

جرب تجيب وصلة من مخرج الاشارة بتاع الرسيفر ووصله بالكارت
لكن مهم تشغل الرسيفر والكارت على تردد واحد
وجرب مرة فى تردد افقى ومرة فى تردد عمودى
وشوف هيحصل ايه

اوكى انا هجرب وارد على حضرتك ... ومفيش حل تانى غير دة بمعنى ان الكارت مش هيشتغل لوحدة تانى من غير ريسيفر
وميرسى جدا لردك

[c.ronaldo]

انا جربتها ومش نفعت يا غالى ..... اعمل ايه

[الحمادوى]

احذف التعريف اللى عندك وجرب التعريف من الموقع

http://www.azurewave.com/Support_Utility_Driver.asp
اذا استمرت المشكلة
شوف مركز صيانه يقيس خرج الفولت للكارت ويتأكد انه سليم

[ali_sh]

متابعه فوق الممتازه يا اخ حمادوي

[c.ronaldo]

انا حذفت التعريف وسطبت الجديد ولسه زى ما هو يا حمادوى شوفلى حل يا كبير

[الحمادوى]

ماهو مستوى الاشارة على الرسيفر ومستوى جودتها ؟

[c.ronaldo]

مستوى الاشارة على الريسيفر 99%

اما الجودة 74% واوقات بتوصل 78%

يعنى اشارة تمام
دة على جهاز استرا و الاشارة شغاله زى الفل

[الحمادوى]

كدة مفيش مشكلة من الطبق
المشكلة من الكارت وزى ماقلتلك قبل كده
شوف مركز صيانه كمبيوتر يقيس خرج الفولت للكارت ويتأكد انه سليم

[c.ronaldo]

حاضر يا حمادوى ........ وشكرا جزيلا لمساعدتك واهتمامك بالمشكلة

من وجهة نظرك يتكلف كام العيب دة لو عاوز يتصلح

[الحمادوى]

صراحة معرفش
ادعى ربنا بس ان يكون العيب فى الكارت وممكن اصلاحه ويكون فى حاجة بسيطة وتجد قطع غيار
وميكنش من البوردة بتاع الجهاز

[ali_sh]

ممتاز اخ حمداوي شكلك كده عينك عالاشراف يامعلم

[c.ronaldo]

شكرا يا رجالة الكارت اشتغل تانى بعد ما شلت كارت الصوت وعرفت الكارت دة لوحدة راح اشتغل تانى وظبت كوداك الصوت والفيديو راح شغال
ولتانى مرة انا بشكركم لمساعدتكم