[cabo]

السلام عليكم

من فضلكم إيه الانواع الجيدة فى السوق لان عندى مشاكل تهريب اشارة على بعض الترددات على بعض الاقمار

ياريت نصيحة بنوع جيد

[shrifstar84]

افضل انواع الاسبانى والايطالى بس اتأكد من ضبط المداروالسلك يكون مفهوش اى تقطعيات لانى انا الحمد لله مستقبل مدار ممتاز وجميع الفيدات بسلك الأسمر الصينى

[cabo]

ياباشا متشكر على ردك بس انا عارف ان السويدى والايطالى والاسبانى انضف حاجة بس الاسم التجارى لهم إيه فى السوق حاليا لان لا هيتعرف الاسبانى انه اسبانى من اللى مكتوب ولا غيره
وإيه رأيك فى سلك شركة جينيرال؟
ونوع العدسة عندك إيه؟

[shrifstar84]

انا شوفت لفه إيطالي مكتوب على السلك نفسه made in Italy لأن فى أنواع مكتوب modil italy ودا بيكون صينى

[cabo]

طيب شوفتها فين ياباشا وياريت لو عندك صورة ترفقها
او اوصفلى شوفتها فين وانا ادور عليها ولو تفتكر الاسم التجارى لها

[shrifstar84]

المشاركة الأصلية كتبت بواسطة cabo

طيب شوفتها فين ياباشا وياريت لو عندك صورة ترفقها
او اوصفلى شوفتها فين وانا ادور عليها ولو تفتكر الاسم التجارى لها

والله ياغالى انا كنت بركبها لزبون ولو انا فاكر الاسم التجارى انا كنت كتبتهولك روح لأى محل دش وقوله انا عايز لفه ايطالى واتأكد من الصناعه على العلبه والسلك زى ماقولتلك فوق

[الحاج شريف]

أفضل سلك بالنسبه لسعره هو الأسبانى الذى تراه فى الصور وهو مرقم بالمتر مثل سلك الشبكه ، والشيلد سعره كثيف
موجود فى باب اللوق لو تعبت شويه ممكن تحصل البكره 100 متر أقل من 200 جنيه
وللفائده السلك الجيد تجد أن الموصل الداخلى قطره سميك حول 1مللى ، العزل مرن ولكن لا يمكن ضغطه والشيلد الخارجى كثيف الشعرات
والله أعلم

[cabo]

اه عارف الفيزو
بس لى استفسار بالنسبة للموصل الداخلى معرفة قطره صعب اخد بالى من سمكه قبل الشراء لان السلك متغطى بالشيلد الخارجى هقدر ازاى اعرف قبل الشراء؟

[الحاج شريف]

المشاركة الأصلية كتبت بواسطة cabo

اه عارف الفيزو
بس لى استفسار بالنسبة للموصل الداخلى معرفة قطره صعب اخد بالى من سمكه قبل الشراء لان السلك متغطى بالشيلد الخارجى هقدر ازاى اعرف قبل الشراء؟

ماأقدرش أقولك خد معاك بوكليس وقيس القطر ، لكن بالخبره كلما كان الموصل الداخلى سميكا كان أفضل وسهل تقارن بين سلكين
كمان أى بكرة سلك لها طرف ظاهر ممكن تقشير اسم منه بسهوله
والله أعلم

[cabo]

طيب هو كم شعرة تقريبا؟ولو وجدت نوع صينى 96شعره يكون افضل ولا الاسبانى افضل حتى لو كان عدد الشعر اقل؟

[الحاج شريف]

المشاركة الأصلية كتبت بواسطة cabo

طيب هو كم شعرة تقريبا؟ولو وجدت نوع صينى 96شعره يكون افضل ولا الاسبانى افضل حتى لو كان عدد الشعر اقل؟

الحقيقه اخى الكريم لا أعرف من هو صاحب مقولة أنه كلما زاد عدد شعرات الشيلد كلما كان أفضل
مصنعو السلك أذكى من ذلك بكثير فقد غطوا العازل بطبقة ورق فويل المنيوم أو غيره وبالتالى أصبح عدد الشعرات ليس عامل تفضيل
لكن الإجابه المحدده لسؤالك هى 64 شعره كما تبين المواصفات بالصوره المرفقه
وبحسب الصوره فإن هذه المواصفات مثاليه والفقد لكل 100 متر أقل من 30 DB عند أعلى تردد
وهو فقد معقول إذا علمت أن العدسه تعطى تكبيرا بين 40-60 DB أى أن تكبير العدسه أكبر من الفقد بنسبه كبيره
والله أعلم

[cabo]

انا متشكر اوى تعبتك معايا
لو جبت السلك بزيادة ممكن احافظ على السلك الباقى لسنوات من غير ما يحصل له مشاكل؟ولو كدة يكون ازاى؟

[shrifstar84]

وصل الكمية اللى انت محتاجها وقص باقى السلك احتفظ بيه فى علبته وفى كيس وخليه معاك داخل البيت لأنك لو قمت بتوصيله مع بعضه حيدوب مع بعضه فى وقت واحد خاصة أن فى ناس بتسيب الزياده فوق فى الشمس ودا بيدوب السلك المتبقى كله لأن السلك بيدوب ويتقطع من العوامل الجويه شمس وامطار والكهرباء اللى ماشيه فى السلك من عوامل اللى بتأثر عليه أهم حاجه تعرف المكان اللى حتحتفظ بالسلك فيه لأن بعد سنوات حتنسى مكانه وكمان بعيد عن الفئران تحياتى

[masm888]

معلومات قيمة

[cabo]

المشاركة الأصلية كتبت بواسطة shrifstar84

وصل الكمية اللى انت محتاجها وقص باقى السلك احتفظ بيه فى علبته وفى كيس وخليه معاك داخل البيت لأنك لو قمت بتوصيله مع بعضه حيدوب مع بعضه فى وقت واحد خاصة أن فى ناس بتسيب الزياده فوق فى الشمس ودا بيدوب السلك المتبقى كله لأن السلك بيدوب ويتقطع من العوامل الجويه شمس وامطار والكهرباء اللى ماشيه فى السلك من عوامل اللى بتأثر عليه أهم حاجه تعرف المكان اللى حتحتفظ بالسلك فيه لأن بعد سنوات حتنسى مكانه وكمان بعيد عن الفئران تحياتى

عارف ياباشا وعشان كدة سألتك دة انا عايز اقولك انا فاكر انى قبل كدة حفظته داخل الغرفة بس بعد كم سنة لاحظت انه نشف بس ممكن مكونش مقفل عليه كويس زى ماقلت جزيل الشكر على مساعدتك ونصايحك .