[mrsilcon]

مساء الخير مهندسينا الكرام
الرسيفر قطع اشاره ومش مدى اى فولت على التونر نهائى
غيرت الايسى S8036
قبل ما اغيرو كان الدخول 12 فولت
المفروض رجل رقم اتنين عليها 13 / 17 فولت الرجل دى مبتطلعش فولت خالص
والرجل التالته كان عليها 37 فولت
روحت مغيرو من جهاز تانى
بقى رجل الدخول عليها 12 والرجل التانيه معليهاش فولت والرجل التالتها بقى عليها 12 فولت بدل 37 اللى كانت موجود
هرفع صوره للبورده بس الايسى كدا مش مطلع لا 13 ولا 17 فولت الخاصين بتشغيل التونر وقاطع اشاره نهائى
وتم عمل سوفت وير وبردو نفس الموضوع

[WALID85AYA]

هناك مقاومات او مكثفات طبع حول الايسى مفقودة او متطايرة
وتأكد من سلامة جميع ارجل الايسى على البوردة
ويجب ضرورى تغيير مكثف 100/25 بجوار الايسى

[mrsilcon]

جارى تغيير المكثف يا هندسه والمقاومات الطبع زى ماهيا مفيش حاجه طارت فيها او هو بوضع بلاده كدا بس هو مش مخرج فولت ناقص ده رجل الخروج معليها فولت خالص
تم تغير المكسف وبردو رجل الخروج رقم 2 معليهاش فولت صفر

[تامر مسعد]

اخى الكريم
محدد لك 4 مكثفات طبع تاكد منه اولا
وبالذات الى موجه له السهم او الى جمبه

بالتوفيق ان شاء الله

[مهندس / سـيد حافظ]

المشاركة الأصلية كتبت بواسطة تامر مسعد

اخى الكريم
محدد لك 4 مكثفات طبع تاكد منه اولا
وبالذات الى موجه له السهم او الى جمبه

بالتوفيق ان شاء الله

الله ينور استاذ تامر
وللأخ السائل وبعد أذن أستاذ تامر
علشان توصل بسرعه
قيس بالافو على وضع الصفاره بدون توصيل كهربا بالرسيفر
من رجل الايسى الى فيها خلل اللى معلهاش فولت شوفها متصله بأنهى رجل من رجول المكثفات المشار اليها من الاستاذ تامر
أو أى شىء أخر ان وجد علشان تقدر تحدد أنت حتمشى أزاى
وبعد ماتوصل للنقطه المتصله به قم بقياس هذا المكون لوحده هل يوجد به شورت او الشورت من مكان أخر

[kareem gad]

واكتب اسم الجهاز مش رقم البوردة بس

[mrsilcon]

شكرا مهندسينا المحترمين وجعله الله في ميزان حسناتكم لكل من اتعب نفسه وكتب حرف واحد للمساعده فى الموضوع
تم حل المشكله بتغيير الايسى بواحد تالت لان اللى انا كنت مغيرو كان بردو تالف + طبعا المكثف 25 فولت وتم حل المشكله

وبالنسبه لقياس المقاومات اللى ذكرها استاذنا استاذ تامر متصله معا نقطه الخرج بتاع الايسى بس هو الايسى نفسه الفولت على رجل الخارج صفر فده كان عيب الايسى لانه ايسى رفع الفولت وشكرا جدا لحضرتكم

[mrsilcon]

المشاركة الأصلية كتبت بواسطة kareem gad

واكتب اسم الجهاز مش رقم البوردة بس

حاضر يا استاذنا الجهاز ده اسمو star sat 222
بس انا ملاحظ ان نفس البورده دى بتركب على اجهزه كتيره منى بختلاف الفلاشه واسم الجهاز انا مش خبير فى موضوع الرسيفرات الحقيقه فعلشان كدا كتبت موديل البورده نفسها

[WALID85AYA]

مبروك حل المشكلة
وشكرا لابلاغك

[Fathymosa]

مبروك عوده جهازك
والشكر لكل
زملائى الكرام

[kareem gad]

المشاركة الأصلية كتبت بواسطة mrsilcon

حاضر يا استاذنا الجهاز ده اسمو star sat 222
بس انا ملاحظ ان نفس البورده دى بتركب على اجهزه كتيره منى بختلاف الفلاشه واسم الجهاز انا مش خبير فى موضوع الرسيفرات الحقيقه فعلشان كدا كتبت موديل البورده نفسها

مبروك الحل
بس دى تعليمات الادارة اهم حاجة اسم الجهاز