[عبدالله محمد احمد]

السلام عليكم اخوانى...
حابب اشارككم الفكره البسيطه دى ولكنها صدقا فعاله...
عند تركيب مثلا طبق دش فى الادوار العليا طبعا بتكون محتاج لمصدر كهربا للرسيفر اللى معاك والشاشه الصغيره اللى هتظبط بيها لو مش معاك جهاز سات فندر...
تعمل ايه فى الحاله دى هيكون معاك فيشه دكر وواحد انثى ويكون خارج منهم سلك ميزيدش عن 20سم وتوصل طرف سلك الدش من تحت بالفيشه الدكر وطرفه اللى فوق بالفيشه الانثى وكده يكون معاك سلك كهربا يوصلك الكهربا لحد فوق....وكمان تختبر سلك الدش بتاع الزبون لو كان فى قطع....واسف على الاطاله...حبيت بس اقدم معلومه متواضعه

[عبدالله محمد احمد]

وعلى فكره كتير صادفنى ان سلك الدش بيكون مقطوع وبهذه الطريقه بعرف انه عيب سلك من قبل ما المس الطبق لان اغلب الاسلاك بتاعة الدش للاسف بقت رديئه

[محمد555]

فيها خطوره لو فيه قطع فى السلك

[سامح شحاتة]

الموضوع فيها حاجة غلاط ممكن يدمر الأجهزة الا بتشتغل 12 فولت مينفعشي فيشه دكر يعني كهربا 220 .فيشة تكون بتاع رسيفر 12 فولت الا بيشتغل عليها الرسيفر انا مجرب الموضوع دة من زمان شاشة 7 بوصة ورسيفر صيني شغل كدة

[حسين31]

اخى الكريم
هذه الطريقه خطاااا بكل المقايس
اولاا لو طبق جديد ليس به سك ماذا تفعل
لو السلك قديم وبه قفله
او الطبق به عدس مخرجين تلف الاخر عند التوصيل

افضل شى كهرباء من اى مصدر
او سات فندر
وبالتوفيق

[محمد على البدوى]

المشاركة الأصلية كتبت بواسطة حسين31

اخى الكريم
هذه الطريقه خطاااا بكل المقايس
اولاا لو طبق جديد ليس به سك ماذا تفعل
لو السلك قديم وبه قفله
او الطبق به عدس مخرجين تلف الاخر عند التوصيل
افضل شى كهرباء من اى مصدر
او سات فندر
وبالتوفيق

أنا معاك فى الرأى ده
وشكرا لصاحب الموضوع

[مصطفى رفعت]

اعتقد وصلة السلك للكهرباء رخيصة الثمن بدلا من الاحتمالات

[مصطفي مصطفي عبد الحكيم]

بطاريه 12 فولت 4 امبير الخاصه بالموتسكل تقعد معاك اكثر من يوم
رسيفر منى12فولت + شاشه200 جنيه. 4.3بوصه

[عبدالله محمد احمد]

يا اخوانى انا قصدى اوصل مصدر للشاشه والرسيفر مش مباشر اكيد الرسيفر والشاشه معاهم ادابتور ...وافرض العماره5ادوار وغير كده مفيش طبق مش معاه سلك...وبالنسبه لو السلك فيه قفله انا بوصل شعره من السلك نظام فاز.....وغير كده انا بشتغل بيها وبتنفعنى كتير....لان اغلب الاسلاك رخيصة وبتطقطع من الداخل

[الحاج شريف]

المشاركة الأصلية كتبت بواسطة عبدالله محمد احمد

يا اخوانى انا قصدى اوصل مصدر للشاشه والرسيفر مش مباشر اكيد الرسيفر والشاشه معاهم ادابتور ...وافرض العماره5ادوار وغير كده مفيش طبق مش معاه سلك...وبالنسبه لو السلك فيه قفله انا بوصل شعره من السلك نظام فاز.....وغير كده انا بشتغل بيها وبتنفعنى كتير....لان اغلب الاسلاك رخيصة وبتطقطع من الداخل

الفكره سبق طرحها هنا فى المنتدى أخ عبدالله وليست جديده ولكن فيها مخاطره كما قال الإخوه
وشخصيا لا أنصح بها لأننا لا نختبر سلك الدش ب220 فولت ، الأسهل عمل قفله فى احد الأطراف وقياسها بالأفو من الطرف الآخر
لكنه فى النهايه إجتهاد لا بأس به لكن لو فى مشكله ف السلك فستضطر لتغييره بتكلفه عاليه لأن ال220 فولت ستدمره
والله اعلم
تحياتى لحضرتك والإخوه المتداخلين

[عمادطلعت]

وايه المشكلة انك تجيب لفة سلك شعبي واحد ملى
طول 40 متر مثلا مش مكلفة
سعرها يعمل 50 جنية تقريبا

[عبدالله محمد احمد]

كلامك صح والسلك رخيص بس ايه اشيل سلك واقعد اوصل وارمى من فوق دور الخامس وممكن الجار ميوصلش من عنده لانها حصلت معايا فعلا....وكمان لازم يكون فى ابتكار

[midokrm]

المشاركة الأصلية كتبت بواسطة عبدالله محمد احمد

السلام عليكم اخوانى...
حابب اشارككم الفكره البسيطه دى ولكنها صدقا فعاله...
عند تركيب مثلا طبق دش فى الادوار العليا طبعا بتكون محتاج لمصدر كهربا للرسيفر اللى معاك والشاشه الصغيره اللى هتظبط بيها لو مش معاك جهاز سات فندر...
تعمل ايه فى الحاله دى هيكون معاك فيشه دكر وواحد انثى ويكون خارج منهم سلك ميزيدش عن 20سم وتوصل طرف سلك الدش من تحت بالفيشه الدكر وطرفه اللى فوق بالفيشه الانثى وكده يكون معاك سلك كهربا يوصلك الكهربا لحد فوق....وكمان تختبر سلك الدش بتاع الزبون لو كان فى قطع....واسف على الاطاله...حبيت بس اقدم معلومه متواضعه

خطر جدا جدا يا محترم . الفني اللي ميقدرش علي تمن السات فيندر يجمع رسيفر انفو مع بطارية 12 فولت وهيبقي تمام التمام

[المهندس عطية العجمي]

خطر جدا جدا يا محترم

[عبدالله محمد احمد]

شغال بيها وزى الفل ولم تواجهنى ادنى مشكله ....وبلعكس بعرف اذا كان السلك من المنتصف فى قطع ام لا