[Hesham_3del]

بسم الله الرحمن الرحيم

السلام عليكم و رحمة الله و بركاته

انا لدى جهاز 4620XII و لى إسئلة

1- اذا اريد فك **** دبى الرياضية على سبيل المثال

هل يلزم وجود دنكل ؟!

2- لدي مشكله تعرض لها مرتين و لا اعرف حل لها

عندما بحثت عن قناة ONTV Live و هى على تردد 12379

وجدتها هى و قنوات اخرى عديدة من ضمنها قناة Moga Comedy

و كان عندى سابقا قبل البحث قنوات مثل باقة النهار و ال CBC

و هما كانوا على التردد 11488

بعد البحث تم تغير ترددهم الى 12379, اى البحث الذى قمت به اوجد تلك القنوات " قنوات النهار و ال CBC " و قام بتغيير ترددهم الى التردد الذى كنت ابحث عنه

بعدما إنتهيت من البحث كانت النتيجة كالاتى

على التردد 12379 الذى يشمل

1- قنوات النهار و ال CBC

2- قناة Moga Comedy

3- قناة ONTV Live

قناة Moga Comedy و ONTV Live هي فقط التى تعمل و قنوات النهار و ال CBC لا تعمل

بعدما إنزعجت من هذه الوضع قمت بعمل بحث عن التردد 11488 و كانت النتيجة كالاتى

1- قنوات النهار و ال CBC

2- قناة Moga Comedy

3- قناة ONTV Live

قناة Moga Comedy و ONTV Live لا تعمل و قنوات النهار و ال CBC تعمل

هذه و قد شمل البحث بالتردد 11488 القنوات Moga Comedy و ONTV Live

السؤال الان

كيف اضع قنوات Moga Comedy و ONTV Live على تردد 12379

و كيف اضع قنوات النهار و ال CBC على التردد 11488

بحيث تعمل جميع هذه القنوات و كل قناة لها التردد الخاص بها التى تعمل عليه ؟!

شكرا لكم جزيلا

[ابوحنــين وأسيـــل]

المشكله دي بتحصل لما يكون الجهاز عليه ترددات كتير مكرره او احد لعب في اعدادات الجهاز وكمان يوجد مشكله ببعض اجهزه الاسترونج وهيا كلما اردت ادخال تردد ومتأكد ان التردد يعمل وتريد ادخاله لايعطي اشاره او لايقبله الجهاز ويقول تردد خاطئ الحل المجرب
ان تقوم بتقليل التردد
اما مشكلتك حلها بسيط اعمل ضبط مصنع وحمل ملف قنوات جاهز معرب فيه كل حاجه
وبيتحمل بالفلاشه
الملف هنااااااااااااااا

[Hesham_3del]

طيب مفيش حل تانى غير ظبط المصنع اخي الكريم, انا فعلا بدخل ترددات كثيرة متكررة عشان بكسل اني ادور وسط 150 تردد على التردد اللى انا عاوزه

الف شكر ليك

[ابوحنــين وأسيـــل]

ياغالي انتا خايف من ضبط المصنع ليه عندك طبق متحرك ولا مركب اكتر من عدسه
منا قولتلك الترددات الكتير بتخلي الجهاز يعمل المشكله دي
وحلها تحمل ملف قنوات او تمسح الترددات المتكرره او تعمل ضبط مصنع وتبحث من جديد
شوف اللي يريحك وانا معاك

[Hesham_3del]

انا عندي طبق متحرك فعلا

و بفضل إني امسح الترددات المتكررة, و بعد ما امسحها, حاحل المشكلة ازاى ؟!

دلوقتى انا محتاج اني إتكلم معاك او مع المهندس كريم على الخاص

قولي اعمل ايه عشان اوصلكوا يا جدعان !!

[ابوحنــين وأسيـــل]

حبيبي من غير كلام علي الخاص
عندك طبق متحرك حمل ملف متحرك مش عايز تحمل امسح الترددات المتتكرره ودخل التردد

[Hesham_3del]

- ليه عصبي فى الكلام يا عم الحج, رواق كده و صلي على النبي :)

- إخر حاجة و إن شاء الله ماكنش تقيل عليك بس واضح اني ضيف غير مرغوب عندك مش عارف ليه

دلوقتي انا محتاج فني تركيب محترف, و انا مش عارف إتصرف ازاي

لوجه الله قولي إعمل ايه, انا دايخ بجد

حتى لو مش بالعني, اعلمها لوجه الله و اهوه خير و بترميه فى البحر

[ابوحنــين وأسيـــل]

هههههه انا مش عصبي بالعكس انا بالي طويل لان من واجبي هنااااا اساعد كل واحد مهما كانت خبرته وبعدين انتا عاوز فني ممكن حضرتك تسأل اي حد تعرفه واللي يسأل ميتهوش
واللي يتهوه الف واحد يدله

[Hesham_3del]

حصل خير إخي الكريم

ما هو أفضل سلك دش موجود فى السوق المصري ؟!

لا يفرق السعر معي, انى فقط إبحث عن الجودة

[ابوحنــين وأسيـــل]

تم الرد عليك في موضوعك فيتركيبات الدش

[Hesham_3del]

استاذ ابو حنين

1- دلوقتى مفيش طريقة فعالة انى اشيل تردد تردد, برنامج مثلا بيعمل كده, عشان مش عارف امشى ازاى واحدة واحدة, حاسس انى اكيد حنسى حاجة

2- ممكن ازاى اخد نسخة احتياطية من القنوات بترتبها ؟!

3- فى فرجن 177p لل 4620XII عشان شوفته فى منتدى تانى و لا ده مضروب و لا ايه نظامه ؟!

الف شكر ليك

[ابوحنــين وأسيـــل]

اسحب ملف القنوات لوخايف انك تعمل حاجه غلط وخزنه علي الكمبيوتر

[Hesham_3del]

أستاذ أبو حنين

انت مش بتاخد بالك اني بسأل اكثر من سؤال و بتتعامل معايا كأني محترف :)

اول سؤال يا عم الحج و ركز عشان خاطري d:

1- دلوقتى مفيش طريقة فعالة انى اشيل تردد تردد, برنامج مثلا بيعمل كده, عشان مش عارف امشى ازاى واحدة واحدة, حاسس انى اكيد حنسى حاجة

ثاني سؤال يا عم الحج و ركز عشان خاطري d:

2- ازاى اسحب ملف القنوات

بس كده يا غالى و ربنا يخليك لينا :)

[ابوحنــين وأسيـــل]

طيب انا لو اديتك البرنامج مش هتعرف تشتغل عليه طيب نعمل ايه معاك عاوز اخدمك واعمل معاك واجب اما بالنسبه للسحب دي حاجه بسيطه وهتقدر تعملها ومعاك صوره متحركه لسه عملهالك مخصوص عشان تعرف تسحب ملف القنوات باللودر

اول حاجه هتوصل الرسيفر بالكمبيوتر وتخلي الرسيفر شغال علي قناه
هتفتح اللودر وتختار chanal
وتعلم علي سحب وبعد كده تدون علي استعراض الملف عشان تحفظ الملف في المكان اللي انتا عاوزه مثلا سطح االمكتب وتكتب اسم الملف زي في الشرح وتدوس حفظ وبعد كده تدوس اضغط للتحميل هتظهر لك قائمه فيها ستارت تدوس عليها يسحب الملف معاك
وتلاقه علي سطح المكتب وبالاسم اللي انتا حافظته بيه

[Hesham_3del]

اول حاجة تسلم إيدك, معلش اخوك جديد فى الدش و بحب اعرف كل صغيرة و كبيرة فى اى مجال انا بدخله :)

بالنسبة للسوال ده

1- دلوقتى مفيش طريقة فعالة انى اشيل تردد تردد, برنامج مثلا بيعمل كده, عشان مش عارف امشى ازاى واحدة واحدة, حاسس انى اكيد حنسى حاجة

انا ملقتش ردك عليه سيدى الفاضل

بشكرك تانى مرة اخى ابو حنين و ربنا يجازيك الف خير و نعمة على وقفتك جنبى