[Dr. Hazem Tamim]

الان يمكنك ان تجعل جهازك يقلع بالخلفية الاصلية بدون صوت
عن طريق برنامج DCC 2.96 تنشئ الاتصال بين الرسيفر والكمبيوتر ثم تختار ftp ثم ROOT ثم spark ثم logo
بالداخل ستجد ملف boot.mp4 قم باستبداله بالملف الموجود بالمرفقات بنفس الاسم والامتداد ثم اغلق الجهاز وافتحه
واذا كان جهازك عليه سوفت اخر غير سوفت الترومان وتريد ان تغير خلفية الاقلاع بصورة ترومان عليك بنفس الخطوات ولكن ستجد ملف root.png وهو صورة وليس فيديو مثل سوفت الترومان وقم بالاستبدال والصورة فى المرفقات ايضا واغلق الجهاز وافتحه ستجده يقلع بخلفية ترومان
وكل عام وانتم بخير ووداعا للازعاج

[mido_95]

الف الف شكر اخى الكريم تم التخلص من الصوت العالى وكل عام وانتم بخير

[طارق الصعيدي]

كيف نستبدله يااستاذ ميدو؟

[طارق الصعيدي]

انا فاتح الان برنامج dcc ودخلت boot mp4 للبرنامج وهي علي الناحيه اليمين عاوز اعرف ازاي كيف استبدلها بالmp4 اللي علي شمال البرنامج

[Dr. Hazem Tamim]

هتلاقي في النص اسهم كل واحد في اتجاه علم علي الملف ودوس علي السهم اللي في اتجاه الرسيفر هتلاقيه يقولك استبدال اديله اوك، خد بالك الناحية اليمين الكمبيوتر والشمال الرسيفر وادخل في الرسيفر ذي ما أنا ذكرت في المشاركة الاولانية
هتلاقيه استنسخ مكانه وستتأكد من مساحة الملف ، القديم ٢ ميجا والجديد ١،٥ ميجا بس

[Dr. Hazem Tamim]

خطوة خطوة
اول شي هو تحميل الملف المرفق وفك الضغط عنه لان الملف داخل الملف المضغوط وتخليه بره علي الديسكتوب بتاعك
هتوصل الرسيفر وتشغل البرنامج dcc وتتأكد ان الاتصال اخضر
وتدوس بعدها علي ftp هتلاقيهم علي الشمال من تحت
كده انت تمام بعدها هتلاقي ناحيتين قدامك اليمين كمبيوتر والشمال ريسيفر ،. في الناحية بتاعة الرسيفر هتلاقي فولدر اسمه root
ادخل عليه وبعدها هتلاقي فولدر اسمه spark ادخل عليه وبعدها هتلاقي فولدر اسمه logo ادخل هتلاقي ٣ ملفات اللي في النص اسمه boot.mp4
هو ده الملف المطلوب ، بعدها هتروح للناحية اليمين اللي فيها الكمبيوتر وهتعلم علي الملف المفكوك من الضغط بنفس الاسم boot.mp4 وهتدوس علي السهم اللي في اتجاه الرسيفر هيقولك استبدال اديله اوك
وهتلاقي الأمور تمام

[Dr. Hazem Tamim]

للعلم اذا حدثت السوفت لابد من أعادة عمل الخطوات

[Hany 55]

د. حازم الف شكر و تسلم ايديك

[looka2008]

الف شكر وربنا يبارك فى وقتك لخدمة الناس ويجعله فى ميزان حسناتك

[Dr. Hazem Tamim]

المشاركة الأصلية كتبت بواسطة looka2008

الف شكر وربنا يبارك فى وقتك لخدمة الناس ويجعله فى ميزان حسناتك

في خدمتك دائما اخي الكريم

[م/محمدزيان]

شكرا لك د/حازم
وان شاء الله قريبا سيتم عمل موضوع لعدة خلفيات اقلاع للجهاز
ممتازة
تقبل تحياتى لك اخى العزيز

[Dr. Hazem Tamim]

حبيبي ابو يوسف
هو فعلا كان فيه موضوع للأخ محسن المصري فيه 13 خلفية إقلاع لكن انا لم اجرب اي شئ منهم لانه انا مش عايز اسمع اي صوت والجهاز بيفتح لان الموسيقي مزعجة فعلا والصوت مش بيوطي علشان كده انا عملت تعديل علي الملف الأصلي وشلت الصوت لأَنِّي لو حطيت خلفيه تانية هحس ان الجهاز فيه حاجة غلط وطبعا دي اذواق واراء وانت عارف اخوك موضة قديمة شويه
هههههههههه

[م/محمدزيان]

المشاركة الأصلية كتبت بواسطة hazem tamim

حبيبي ابو يوسف
هو فعلا كان فيه موضوع للأخ محسن المصري فيه 13 خلفية إقلاع لكن انا لم اجرب اي شئ منهم لانه انا مش عايز اسمع اي صوت والجهاز بيفتح لان الموسيقي مزعجة فعلا والصوت مش بيوطي علشان كده انا عملت تعديل علي الملف الأصلي وشلت الصوت لأَنِّي لو حطيت خلفيه تانية هحس ان الجهاز فيه حاجة غلط وطبعا دي اذواق واراء وانت عارف اخوك موضة قديمة شويه
هههههههههه

تسلم ايديك ابوملك حبيبى
وموضوع جميل وممتاز
وفعلا الخلفيات ال كانت موجودة قبل كدا
فيها ال بصوت وفيها ال بدون
ودى فعلا اذواق بس انت ابو الذوق ياغالى
تسلم ايديك

[م/محمدزيان]

ياريت اخى حازم تتابع الرد هنا
http://masrawysat.com/vb/showthread.php?p=9909942

[احمد كمال جادالله]

ممكن اعرف سعر الجهاز كام وهل يعمل على فلاشات النت
وشكرا لكم