[فني صيانة سابق]

موضوع نقل الترددات الخاصه بالقمر النيل سات

شوفت بوستات كتير ناس بتقول سبب تغير الترددات الخاصه ببعض قنوات النايل سات بسبب النفقات او توفير الفلوس

تعالوا نتكلم بالبلدي كده علشان نقدر نوصل للناس 😅

اولا هنتكلم عن القمر الفرنسي يوتل سات 8 غرب

# القمر الفرنسي ده اطلق في نفس مدار النايل سات لمجرد الربح مش اكتر لان كل العالم العربي بيتفرج علي النايل سات
الشركه نزلت في نفس مداره لعده اسباب واهمها الربح السريع واطلقت القمر في نفس المدار حتي يستقبل المشاهد المصري قنوات القمر بكل سهوله وللعلم بعض الترددات لاتستقبل في شمال افريقيا وده رابط للقنوات علشان تصدق وتعرف اسم القمر

https://www.lyngsat.com/Eutelsat-8-West-B.html

القمر الفرنسي تأجير القناه عليه رخيص جدا مايعادل 20% من تأجير القناه في القمر النايل سات يعني لو هتأجر السنه ب مليون جنيه في النايل سات هتدفع في القمر الفرنسي ٢٠٠ الف بس وكمان القمر الفرنسي بيدك امتيازات انك تقدر تجرب القناه شهر فقط وحسب محتوي القناه اللي بتقدمه هتشوف هتقدر قناتك هتكسب ولا تخسر والدليل ان في قنوات اشتغلت شهر واتغيرت اسمها لقناه تاني وكل شويه القناه بتباع لواحد والدنيا ماشيه طبعا حسب الاعلانات

ولو لحظت كمان ان كل القنوات الخاصه بالقمر جوده صورتها رديئه جدا وده بسبب رخص تأجير القناه ماعدا كم قناه الخاصين بقنوات mbc وقنوات الجزيره وقنوات bein sport وباقه alfa التابعه لقنوات ***

طبعا هتسأل طيب هي bein sport و *** وmbc والجزيره مش معاهم فلوس مثلا علشان تنزل ترددتها في القمر الفرنسي 😏

هقؤلك انا ياسيدي اولا الجزيره وbein مش عايزه تبقي تحت حكم القمر نايل سات وطبعا كلنا عارفين ليه وده شق سياسي مش عايز اتكلم فيه😏 😅

وده رابط تاني علشان تتأكد ان القنوات مش موجوده في النايل سات من الموقع
flysat

https://www.flysat.com/e8wb.php

و لو لحظت كمان ان القمر الفرنسي بعض ترددته لاتستقبل في بعض الدول العربيه في الوقت نفسه النايل سات بيستقبل في كل الدول العربيه بسهوله . وده طبعا لان القمر موجه لمصر وبعض الدول المنتشر فيها اللغه العربيه 😅 وده الاهم لهيم لانهم عارفين ان في رجال اعمال كتير في مصر وفي ناس بتحب تستسمر فلوسها في الهيافه وهتعرف تجيب فلوس 😏

هنيجي نتكلم بالمنطق القمر نايل سات مملوك للدوله هل الدوله هتسيب قنوات زي مكملين والشرق والوطن والجزيره وغيرها القنوات المحرضه للدوله هتسيبها كده عادي بعقلك

طيب قنوات الافلام اللي محتواها كله مسروق من النت ومفيش ولا قناه ميزنيتها كلها تقدر تأجر فيلم بطريقه شرعيه القمر هيسبها كده

طيب ليه قنوات *** المشفره وقنوات ال art المشفره وروتانا المفتوحه ما اعترضتش علي القمر نايل سات ماهو خساره ليهم لان الفيلم اول مابينزل علي النت بيتعرض علي القنوات اللي في القمر يوتل سات 8 زي توك توك وكليك واوربت والاسطوره ومافيا والساعه وغيرهم من القنوات لانهم عارفين ان القنوات مش خاصه بالقمر نايل سات

الخلاصه🔥 في قنوات هتفضل زي ماهي لانها مخالفه انها تنضم للقمر نايل سات زي قنوات الافلام والمسلسلات وطبعا القنوات دي معروفه اول ماتلاقي عليها اعلان هابط تعرف انها من ضمن القمر الفرنسي

.
الخلاصه 🔥
الموضوع انه النايل سات زود ال الداتا الخاصه بالقنوات ونقل الترددات الخاصه به للترددات افضل تكون بعيده عن التشويش ده اولا .

ثانيا لضم الترددات للقمر الجديد لانه يوجد به حمايه كامله من التشويش . ولو حظت ان معظم الترددات اللي اتنقلت كانت بتتأثر بالتشويش واهما التردد الخاص بقنوات النهار وسي بي سي وتردد القاهره والناس 2 ده غير ان القنوات دي كلها هتتحول تدريجيا لجوده ال hd بدايه من اول العام الجديد ده لو عشنا اصلا 😏

يارب يكون الموضوع عجبكم تحياتي ليكم

[alsawf2007]

افادك الله كلام صحيح ومقنع

[رزق عمار]

الف شكر على الايضاح

[nor esam]

كلام منطقى جدا ، بعيدا عن توفير النفقات

[Ahmed Abd Elsmd]

شكرا لك اخى ويامسهل نعيش بأذن الله ونشوف القنوات زى cbc والقاهره والناس والنهار بجودهhd

[hamdy1959]

الف شكر على الايضاح

[amr ebrahim]

ايوة حضرتك اية دخل القمر الفرنسي والقنوات المخالفة وبأن النايل سات زود الداتا ونقل القنوات علشان التشويش

[khattabi]

الترددات كانت مستاجرة من يوتلسات فقامت الان النايل سات بنقل قنواتها الى تردداتهم الخاصة بعدما رفع خير الاستعاب ولذا تجد دائما التردد يغيير معامل الترميز مشكور اخي

[hany2020]

بارك الله فيك

[اسامه حامد]

تسلم يا ورد على الطرح المميز وايصال المعلومه بشكل سهل

[ابوحنين 2013]

طب ما القمر الفرنسي مش فيه حقوق ملكية فكرية
أمال ليه بي ان فضلت ترفع قضايا وتحارب ولو الكلام ده صح كان ممكن يبقى فيه قنوات مشفرة مكسورة ****** يعني **** بيس

[الندى]

بارك الله فيك

[محمد على البدوى]

بارك الله فيك على هذا الطرح المفصل
دمت ياغالى بصحة وسلام

[محمود احمد89]

جزاك اللة عنا خيرا

[sabbokka]

مشكور تسلم ايدك