[hammo sat]

الجهاز لمبة حمرا بتروح وتيجي، غيرت المكثف الكبير والمكثف جنب آيسي الباور برضة لمبة حمرا، جربت أشغله من غير المكثف الصغير بيفتح عادي بس بعد شوية بيعمل ON ويرستر، اركب المكثف الصغير تاني يعمل لمبة حمرا بتروح وتيجي، وجربت كارتة باور تانية نفس المشكلة، كدا يكون عيب بروسيسور ولا إيه!

[Abdelrahman Ezzat]

افصل دايرة الباور وقيسها بره المين بورد واذكر جهودها
او جرب باور تاني وشوف

[Abdelrahman Ezzat]

وغير يا غالي الاول المكثف ده لان الجهاز ده مشور بالعيب ده ودايما بيبقي العيب منه ورقمه 47/50

[تامر مسعد]

المشاركة الأصلية كتبت بواسطة abdo beda

وغير يا غالي الاول المكثف ده لان الجهاز ده مشور بالعيب ده ودايما بيبقي العيب منه ورقمه 47/50

التوقع الاول غير ذلك

اى سى البور نفسه به مشكله شرط سلامه دائرة التقطيع

[Abdelrahman Ezzat]

المشاركة الأصلية كتبت بواسطة تامر مسعد

التوقع الاول غير ذلك

اى سى البور نفسه به مشكله شرط سلامه دائرة التقطيع

تمام ي هندسه

[bikoo81]

المشاركة الأصلية كتبت بواسطة hammo sat

وجربت كارتة باور تانية نفس المشكلة، كدا يكون عيب بروسيسور ولا إيه!

خلوا بالكو يا شباب
الاخ السائل جرب كارته باور تانيه

[hammo sat]

المشاركة الأصلية كتبت بواسطة abdo beda

افصل دايرة الباور وقيسها بره المين بورد واذكر جهودها
او جرب باور تاني وشوف

جهودها مبتكونش مظبوطة، ومرة تظبط ومرة لا.

[hammo sat]

المشاركة الأصلية كتبت بواسطة abdo beda

وغير يا غالي الاول المكثف ده لان الجهاز ده مشور بالعيب ده ودايما بيبقي العيب منه ورقمه 47/50

غيرت دايرة باور تانية ونفس المشكلة

[Abdelrahman Ezzat]

ياريت تجرب باور تكون واثق منه يا غالي أو غير ايسي باور الباور الأصلي زي مااقترح مهندس تامر عشان انا مستبعد البروسيسور وممكن تقيس دخل الريجليتور مع أي ارضي للجهاز لو ادي صفاره يبقي مشكله بروسيسور

[hammo sat]

المشاركة الأصلية كتبت بواسطة abdo beda

ياريت تجرب باور تكون واثق منه يا غالي أو غير ايسي باور الباور الأصلي زي مااقترح مهندس تامر عشان انا مستبعد البروسيسور وممكن تقيس دخل الريجليتور مع أي ارضي للجهاز لو ادي صفاره يبقي مشكله بروسيسور

بقيس الارضي مع مدخل 3.3 في الريجيليتور مش بيدي صفارة وبيدي قراية أعداد، لكن الرجل التالتة من الريجيليتور بيدي صفارة.

[Abdelrahman Ezzat]

المشاركة الأصلية كتبت بواسطة hammo sat

بقيس الارضي مع مدخل 3.3 في الريجيليتور مش بيدي صفارة وبيدي قراية أعداد، لكن الرجل التالتة من الريجيليتور بيدي صفارة.

لا كده تمام الرجل اللي بتدي صفاره دي ارضي
جرب بقي باور واثق منه أو غير ايسي باور الدائره الاصليه

[hammo sat]

المشاركة الأصلية كتبت بواسطة abdo beda

لا كده تمام الرجل اللي بتدي صفاره دي ارضي
جرب بقي باور واثق منه أو غير ايسي باور الدائره الاصليه

حاضر، هجرب وأرد ع حضرتك بالنتيجة

[م/السيد منطاوى]

المشاركة الأصلية كتبت بواسطة bikoo81

خلوا بالكو يا شباب
الاخ السائل جرب كارته باور تانيه

اكيد ركب الاطراف خطأ فأعطاه لمبه حمراء غير ثابته شكرا لمرورك الكريم

[Fathymosa]

السلام عليكم
راى من راى الاستاذ تامر
لانى ايسى الباور ردييئ
ومشاكله يامه فى الكارته دى
والعطل ده من ضمن اسبابه
والله اعلى واعلم

[hammo sat]

السلام عليكم جميعًا، انا ركنت الجهاز من يوم المشاركة لحد ما الاقي باور موثوق منه، وجيت أشتغل في الجهاز دلوقتي لاقيته فتح باور عادي بس قاطع إشارة على بعض القنوات، بالقياس لقيت إنخفاض تاام في خط 24، وبتحسس المكثفات لقيت سخونة جامدة على مكثف 100/35 تم إستبداله بقيمة أعلى 100/50 ؛ وسخونة على مكثف 100/16 بعد الشوبر تم تغييره بنفس القيمة والجهاز إشتغل تمام.

#ملحوظة: الكارتة اللي كنت جربت عليها في الأول طلعت معيوبة للأسف، بشكر كل الناس اللي ردت عليا واهتمت بالموضوع.