بمناسبة عيد الأضحى المبارك شرح برنامج ACT لتعديل السوفت ali 3328

المهندس سـات · #1 2017/08/30, 12:14 AM

إهداء لمصراوى سات والقائمين عليه وأعضاء المنتدى الكرام وأخص بالذكر كلاً من
م / مصطفى عودة
م / عمرو شهوان
أصحاب برنامج ACT لتعديل السوفت ali 3328 الذى ساعدنى كثيراً لأن كل الإصدارات القديمة ليس بها هذه الإمكانيات الموجودة فى هذا البرنامج
وده أصل الموضوع
http://www.masrawysat.com/vb/showthread.php?t=2139695
وأشكر
م / وليد تيتو صاحب الأوبشن الجديد م / محسن اللبان م / أحمد عزوز م / مارك عزت م / ناصر الأقصى
وأسف لو نسيت أحد
أنا عارف إن الموضوع ده مش جديد وطبعاً 99% من الأعضاء يعرفون طُرق الدمج بأنواعها وأنا من النسبة الـ 1% إللى ليس لديه أى خبرة ولا علم بهذه الطُرق فى الدمج
إعذرونى فى طول الشرح والموضوع
بداية الموضوع إنى قرأت موضوع لتشغيل جهاز الستالايت لينك لضبط إشارة الطبق بالريموت فحبيت أنفذ الطريقة ولكن كان ينقصنى سوفت مدمج بقيم ريموت الصف الواحد علشان أجربه وإكتشفت إن السوفت مدمج من أساسه وعلشان لم يكن عندى الريموت أجربه فلقيت عندى ريموت هيروشيما الفضى فرجن 4 معالج all فطلبت دمج سوفت الجهاز بقيم ريموت الهيروشيما ولكن كان بيفصل زراير الجهاز وبيشتغل بالريموت فقط وبعد محاولاتى بإستخدام برنامج ACT بالإصدار القديم توصلت إلى طريقة دمج قيم الريموت يدوى فلقيت الجهاز شغال ريموت وزراير ولكن فاقد إشارة وبعد عدة محاولات ومساعدات من أخى مارك عزت تم دمج السوفت وعمل بجميع خصائصة زراير وريموت وإشارة فطلبت منه البرنامج المستخدم ولكن للأسف البرنامج مفيرس وبعد البحث فى المنتدى وجدت البرنامج المعدل بكل جديد من قبل مهندس مصطفى عودة والمهندس عمرو شهوان وقمت بالتجربة بنفسى حتى تمكنت بفضل الله سبحانه وتعالى إلى دمج قيم ريموت أى جهاز وقيم التيونر وكل التجارب دى على جهاز ستالايت لينك الخاص بى لعدم وجود رسيفر فتوصلت إلى تشغيل الجهاز بريموت الصف الواحد + ريموت الهيروشيما الفضى فرجن 4 + الزراير وقمت بتحميل السوفت رقم 1 من الملفات الـ 26الخاص بـ eH RONY للجهاز ولقيته فاصل إشارة فقمت بدمج إعدادات التيونر وقيم الريموت من السوفت الأصلى للجهاز فعمل الجهاز 100% وجربت أيضاً سوفت الهيروشيما وما تم مع السوفت السابق تم معه أيضاً وعمل الجهاز 100%
يعنى ممكن تشغل أى رسيفر بريموته الأصلى + ريموت الصف الواحد + لو حملت سوفت لأى جهاز وقبل السوفت ولكن فقد أى خاصية من خصائصه يعنى فصل بانل أو تيونر أو ريموت ممكن تدمج هذه الخاصية من السوفت الأصلى إلى السوفت الأخر
وسأقوم بشرح ما قمت بعمله أسفل الصور الخاصه بيهم ولو فيه أى ملاحظات ياريت تعرفونى وأنا متقبل النقد والإختلاف فى الرأى لا يُفسد للود قضية
وإليكم صور البرنامج والبرنامج أيضاً + ملف كامل بالصور بالمرفقات

فى حالة تحميل سوفت للجهاز وفصل بانل فقط والجهاز شغال تذهب إلى البرنامج وتفتح السوفت الأصلى للجهاز وتقوم بعمل حفظ الإعدادات وتحفظ الملف إللى هينشأ بعد حفظ الإعدادات وتسميه ( Panel ) وبعدين تفتح السوفت الأخر بالبرنامج وتضغط على ....Load Panel هتروح تفتح الملف إللى إنت حفظته بإسم ( Panel ) وبعدين تضغط حفظ السوفت وتسميه بأى إسم يعجبك وترجع تحمله للرسيفر هتلاقى كل حاجه تمام

فى حالة تحميل سوفت للجهاز وفصل إشارة فقط والجهاز شغال تذهب إلى البرنامج وتفتح السوفت الأصلى للجهاز وتقوم بعمل حفظ الإعدادات وتحفظ الملف إللى هينشأ بعد حفظ الإعدادات وتسميه ( Tuner ) وبعدين تفتح السوفت الأخر بالبرنامج وتضغط على ....Load Panel هتروح تفتح الملف إللى إنت حفظته بإسم ( Tuner ) وبعدين تضغط حفظ السوفت وتسميه بأى إسم يعجبك وترجع تحمله للرسيفر هتلاقى كل حاجه تمام

هنا دمج قيم الريموت أى ريموت عايز تدمجه لأى سوفت هتفتح أى سوفت بالبرنامج وتقوم بعمل حفظ الإعدادات وتحفظ الملف إللى هينشأ بعد حفظ الإعدادات وتسميه ( Key map ) وبعدين تفتح السوفت الأخر بالبرنامج وتضغط على ....Load Panel هتروح تفتح الملف إللى إنت حفظته بإسم
( Key map ) وبعدين تضغط حفظ السوفت وتسميه بأى إسم يعجبك وترجع تحمله للرسيفر هتلاقى الريموت شغال تمام

دى بقى أهم حاجه عايزه تركيز شويه هتلاقو فى الصورة قيم ريموت الصف الواحد + قيم ريموت الهيروشيما يعنى أى سوفت لجهاز معين هتلاقوا قيم الريموت كما بالصورة رقم 11 أنا لقيت عند دمج قيم ريموت الصف الواحد لسوفت الهيروشيما بيلغى قيم ريموت الهيروشيما طب ليه إحنا نخلى قيم ريموت كل جهاز زى ما هو ونقوم داخلين على خانة ( Hex ) إللى فوق هتلاقيها كده [ 0000] وأسفلها فارغ وهتلاقى الخانه الأُخرى كده [ 205d] وطبعاً الرقم ده بيتغير حسب نوع الريموت إللى شغال عليه وأسفله قيم الريموت هنروح نفتح أى سوفت عايزين نشغل ريموته على السوفت إللى معانا ونفتحه بالبرنامج وناخد قيم الريموت ونضعها Copy ثم Paste فى الخانه [ 0000] وأسفلها من ( 0 ) إلى الأخر بنفس الترتيب والفارغ كما بالصورة هتلاقوا الجهاز شغال بريموته وبالريموت الأخر
أرجوا أن أكون قمت بالشرح كما ينبغى

م / وليد هانى · #2 2017/08/30, 12:29 AM

تسلم ايدك
وإلى المزيد من التفوق
وتسلم على الاهداء

@أشرف عباده@ · #3 2017/08/30, 12:37 AM

تسلم.... شكراً لفريق مصراوي سات الذى اتعلم فيه كل يوم جديد وكلمه شكرا قليله لهم ولكن اقول اللهم اجعله فى ميزان حسناتكم يارب شكرا استاذى الفاضل محمد أو المهندس .....

محسن اللبان · #4 2017/08/30, 01:32 AM

ايه الحلاوة دي ياغالي
تسلم ايدك علي الشرح الجميل
بارك الله فيك وكل عام و انتا طيب
اخي الحبيب

مارك عزت · #5 2017/08/30, 01:40 AM

شــــــــــرح ممــتاز
وكل سنة وحضرتك طــيب

م / مدحــت الـكـيـنـج · #6 2017/08/30, 01:47 AM

تسلم م / محمد على الشرح الوافـــــــــــــى

محمدكاسب · #7 2017/08/30, 01:50 AM

تسلم ايدك
وإلى المزيد من التفوق
وتسلم على الاهداء

المهندس سـات · #8 2017/08/30, 02:45 AM

اقتباس:

المشاركة الأصلية كتبت بواسطة م / وليد تيتو

تسلم ايدك
وإلى المزيد من التفوق
وتسلم على الاهداء

اقتباس:

المشاركة الأصلية كتبت بواسطة أشرف عباده

تسلم.... شكراً لفريق مصراوي سات الذى اتعلم فيه كل يوم جديد وكلمه شكرا قليله لهم ولكن اقول اللهم اجعله فى ميزان حسناتكم يارب شكرا استاذى الفاضل محمد أو المهندس .....

اقتباس:

المشاركة الأصلية كتبت بواسطة محسن اللبان

ايه الحلاوة دي ياغالي
تسلم ايدك علي الشرح الجميل
بارك الله فيك وكل عام و انتا طيب
اخي الحبيب

اقتباس:

المشاركة الأصلية كتبت بواسطة مارك عزت

شــــــــــرح ممــتاز
وكل سنة وحضرتك طــيب

اقتباس:

المشاركة الأصلية كتبت بواسطة Medhat Elking

تسلم م / محمد على الشرح الوافـــــــــــــى

اقتباس:

المشاركة الأصلية كتبت بواسطة محمدكاسب

تسلم ايدك
وإلى المزيد من التفوق
وتسلم على الاهداء

حسين كساب واكد · #9 2017/08/30, 02:51 AM

شــــــــــرح ممــتاز
وكل سنة وحضرتك طــيب

المهندس سـات · #10 2017/08/30, 10:47 PM

اقتباس:

المشاركة الأصلية كتبت بواسطة psdki

شــــــــــرح ممــتاز
وكل سنة وحضرتك طــيب

وحضرتك بخير عيد أضحى سعيد

المهندس سـات · #11 2017/08/31, 08:34 PM

إيه يا جماعه هو الموضوع مش عاجبكم ولا إيه 122 مشاهدة و 7 بس إللى عاجبهم الموضوع

MR/WaeL · #12 2017/09/19, 08:22 AM

تسلم ايدك
وإلى المزيد من التفوق
وتسلم على الاهداء

نايل توب · #13 2021/02/04, 11:02 PM

مليووووووووووووون شكر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شرح برنامج ACT لتعديل السوفت ali 3328	كامل العصفورى	ملفات قنوات الريسيفرات الصينية معالج ALI	17	2021/11/24 01:23 AM
تهنئة بمناسبة عيد الأضحى المبارك	م/ابو تبارك	كيوماكس 999 HD ( V1, V2, V2.2, V3 )	21	2013/10/24 05:34 PM
تهنئة بمناسبة عيد الأضحى المبارك	م/ابو تبارك	كيوماكس 999 HD ( V1, V2, V2.2, V3 )	20	2013/10/21 02:20 PM
تهنئة بمناسبة عيد الأضحى المبارك	م/ابو تبارك	الريسيفرات الصينية	15	2013/10/16 01:20 PM
تهنئة بمناسبة حلول عيد الأضحى المبارك	kamal65_65	استرونج STRONG	2	2010/11/14 10:55 AM