[amrosaad]

يعني *****
يعني ***** ويعني ايه شيرنج ويعني ايهiptv
اولا ******* 📢
الريسفرات بتشتغل بطريقتين

الطريقه الاولى ***** شارينج
ده انك بتتفرج على القناه المشفره من خلال الدش و الرسيفر بيفك ****** من خلال الانترنت فلازم يبقى عندك طبق و اقمار زي اموس و هوتبيرد واسترا غيرهم عشان الباقات الرباضيه
الطريقه التانيه ***** ****
كانك بتتفرج على يوتيوب بالضبط محتاج نت سريع و تقدر تشوف قنوات بين سبورتس و مكتبه افلام و قنوات احنببه و اي حاجه ممكن تتخيلها
الرسيفرات بيشتغلوا بالطريقتين في نفس الوقت
الفرق ان الشارينج الرسيفر بيدخل نت يجيب **** القناه بس فمبيسحبش نت كتير لكن ال **** زي يوتيوب بيسحب نت على حسب الجوده لو عاليه ممكن ماتش ياخد 2 او 3 جيجا

اسأله مهمه
1. ايه القنوات اللي بتفتح شارينج؟
القنوات الرياضيه الاوروبيه فهتحتاج اقمار زي اموس و استرا و غيرهم ممكن تركب واحد او اكتر
2. لما تشوف الماتش على القنوات الاوروبيه دي شارينج هيبقى التعليق عربي؟
لا هيبقى لغه اوروبيه
3. طب ايه الحل؟
الرسيفر فيه اوبشن اسمه تايم شيفت و قنوات صوتيه
يعني بتتفرج على الماتش الصوره على قناه اوروبيه
بس الصوت بيجي من قناوت بين سبورت الرياضيه في نفس الوقت
بالنسبه للسيرفرات حدث ولا حرج
في منهم بيجي مجاني مع الرسيفر لما تشتريه و بعدين بتجدده من اول 100 لحد 500 سنويا
******* شارينج مشهوره
فورايفر - اوركا - سيسكام - جي شير وفانكام غيرهم

نوع ***** الشارينج بيتحدد على نوع الجهاز يعني مثلا لو عايز ***** فور ايفر لازم اشتري جهاز بيجي معاه فورايفر
و ***** الشارينج هو اللي بيجبلك القنوات الصوتيه
ال **** كتير جدا
فور ايفر - نوفا - الفا - ايكون - جوجو - هاها - شاومي و غيرهم
الرسيفر 📢
في عندنا 5 فئات سعريه
1. رسيفرات الصن بلص اكتر انواع منتشره في السوق
رسيفرات جيده و بتقضي الغرض و فيها شارينج و **** و ******* السيسكام ... فيه من اول 250 جنيه لحد 500 جنيه .. زي سناتور و نوفا

2. رسيفرات ال GX دول اغلى شويه المفروض انهم احسن شويه من الصن بلص بس في ناس كتير بتشتكي من الدعم بتاعهم سعرهم لحد 900 جنيه
الميزه فيهم انهم بيجوا مع ***** الفورايفر اللي هو ***** قوي في الشارينج لو اشتغل صح. زي كيوماكس

3. رسيفرات الاندرويد الفئه المتوسطه سعرها ما بين 1000 و 2000
مشكلتها انها بتيجي بنسخه اندرويد قديمه غالبا نوجا 7.0 فممكن مع الوقت البرامج الجديده متشتغلش عليهم غير انها محليه الصنع فمش هتديك الاداء الرهيب اللي متخيله بس هما اكيد احسن من الصن بلص و ال GX
و فيهم ميزات زي الترجمه الفوريه و تنزل تطبيقات زي الموبايل
زي سيناتور الترا سمارت و ستار نت

4. رسيفرات الاندرويد العاليه زي ايكون برو و ستار سات اسعارهم فوق ال 2500 لحد 3000... دول افضل رسيفرات اندرويد في السوق اجهزه هاردوير قوي ******* قوبيه و اجهزه مستورده من شركات كبيره و بتديك جوده 4K و اوبشنز كتيره جدا زي الترجمه الفوريه و التطبيقات و دعم احسن و جوده هاردوير و سوفت وير اعلى و اشتراك شيرنج مدى الحياه

5. اخر نوع هو اجهزه الانيجما دريم بوكس و فيو
دول الكعب العالي بتوع الاجهزه بيشتغلو على نظام لنكس و معقدين شويه في الاستخدام ارخص جهاز ب 2500 و بيوصلوا لحد 8000
انا بشبه الرسيفرات دي كده زي الموبايلات
زي ما في اجهزه كتير اوي اندرويد صيني و سامسونج وابو و شاومي و غيرهم في فئه
الناحيه التانيه في ايفون في كفه لوحده
رسيفرات الانيجما دي كده بالضبط "الايفون بتاع اجهزه الرسيفر"
بتلاقي الهاردوير قليل و مع ذلك غالي بس بيديك اداء كويس جدا

في بقى شركات في السوق في كل الفئات و كل شركه ليها موديلات مختلفه باسعار مختلفه تناسب الاحتياجات المختلفه
فئه 1 و 2 : نوفا - جوكر - كينج سات - سيناتور - هوكس - تايجر - كيوماكس
فئه 3 : جولد سات - ستار نت - سيناتور
فئه 4: ايكون - ستار سات - جيون
فئه 5: دريم بوكس - فيو
وغيرهم كتير

معلومه مهمه
اهم حاجه مش عدد ********* اللي بتيجي مع الجهاز او مدتها و كل كلام المبيعات ده

اهم حاجه
1. ثبات ******* ومحتواه
2. جوده تصنيع الريسيفر مش كل 5 دقايق يسخن و يفصل نت و اطر افصله و اشغله تاني
3. دعم فني قوي و سريع وموجود الناس تعرف تتواصل معاه

وحاجه اخيره
قنوات *** قفلت على كل ******* الشارينج
موجوده **** بس

طيب دلوقتي انا فهمت كل الكلام ده وعايز اشتري اجيب ايه؟

ده بيعتمد انا محتاج ايه؟
1. هل عندي شاشه 4K و لو جبت ريسفر غالي هستفيد بالجوده العاليه؟
2. هل عندي شاشه عاديه و محتاج ريسيفر سمارت عشان اشغل نتفلكس و يوتيوب و برامج ولا شاشتي سمارت اصلا و فيها كل ده؟
3. هل انا بتفرج على افلام و مسلسلات اجنبيه و اروربيه و محتاج ريسيفر فيه ترجمه فوريه ولا رياضه؟

لو اهتمامك الاول رياضه
يبقى احسن حاجه تجيب طبق متر تركب عليه اقمار اموس و استرا و هوتبيرد و يوتيل و اي ريسيفر عليه ***** ثابت مش بيقطع هيبقى كويس ليك و يشغلك معظم البطولات العالميه شارينج

معلومه اخيره احسن حاجه عشان تستمتع فعلا بiptv يا موبايلك يا برنامج شاشه سمارت يا ريسيفر اندرويد مش المدمج مع الريسيفرات
ا/عمرو سعد

[حمدى منصورالبسيونى]

تسلم اخى الكريم

[العملاق للشفرات]

بارك الله فيك

[mad2006]

تسلم ايدك

[م/شريف قاسم]

بارك الله فيك