[طرزان]

سؤال مهم-لية قنوات sd على ريسيفرات hd بتبقى جودتها منخفضة يعنى صورة الريسفر القديم sd صورة اوضح ومنورة بعكس الريسفرات hd وخصوصا على قمر النايل سات لدرجة الناس بتقول الريسيفر القديم صورتة احسن

[شعبان الصياد]

المشاركة الأصلية كتبت بواسطة طرزان

سؤال مهم-لية قنوات sd على ريسيفرات hd بتبقى جودتها منخفضة يعنى صورة الريسفر القديم sd صورة اوضح ومنورة بعكس الريسفرات hd وخصوصا على قمر النايل سات لدرجة الناس بتقول الريسيفر القديم صورتة احسن

بالعكس يا بشمهندس فيه قنوات كتير ع النايل سات sd صورتها حلوة جداً على الرسيفر الhd بردو عندك مثلاً قناة cbc وقناة القاهرة والناس 1 و2 وقناة صدى البلد بردو 1 و2 وقنوات النيل المتخصصة كلها sd وصورتها جميلة جداَ وقناة المحور قبل متقلب hd وكتييير وكتيييير قنوات sd حالياً على النايل سات صورتها جميلة جداً على الرسيفر الhd . بص يا بشمهندس هيا حاجة في علم البصريات ورؤية الأشياء عن قرب بص يا بشمهندس في الرسيفر القديم بتاع زمان الsd علشان كل قنواته sd فإنت مش شايف الأحلى لكن لما تيجي تنقل المشاهدة على الرسيفر الhd فإنت شايف القنوات الhd ف نظرك وبصرك بيخيلك وبيهيألك إن قنوات الsd ضعيفة وقنوات الhd هيا طبعاً الأنقى والأوضح من حيث الرؤية وده فعلاً صحيح ولكن مش معنى كده إن قنوات الsd فعلاً ضعيفة ولكن حضرتك عينك شافت الأحلى والأنقى . حضرتك إنتهينا من البند الأول وهو علم البصريات والبند الثاني وهو علم التكنولوجيا يعني إيه يعني بكل بساطة إن زمان مكانش فيه غير كاميرات sd علشان كده كانوا مهتمين بيها على أساس إنها كانت وقتها أحدث حاجة ده وقتها وبالنسبالهم هو ده عصر التكنولوجيا والكاميرات الحديثة أما الأن اللي حصل إن التكنولوجيا إتقدمت واتطورت وصنعتلنا كاميرات hd يبقى الطبيعي إيه اللي هيحصل زي ما حصل زمان وهو الإهتمام بالأحدث والsd بقت إيه حاجة قديمة وموضة قديمة زي مبيقولوا وبقى الإهتمام أكتر بكاميرات الhd وتكنولوجيا الhd وبعد كده شوية قدام بإذن الله هيبقى ال4k هيحل محل الhd وعلى فكرة حتى الأن مفيش قنوات 4k على جميع الأقمار الصناعية كلها اللي على كوكب الأرض ومتصدقش أي قناة مكتوب عليها 4k صدقني لإن أساساً تقنية ال4k لسه منزلتش على الأقمار الصناعية ولكن نزلت على الإمتدادات فقط يعني الفيديوهات يعني ممكن تستمع فيديو بتقنية ال4k ولكن ليس قناة عبر الأقمار الصناعية بتقنية ال4k وموجودة حالياً شاشات 4k ورسيفرات 4k وده على أساس يعني إنك لو هتستمع فيديو على الشاشة أو عن طريق الرسيفر وتكون الشاشة بردو 4k عن طريق فلاشة عليها فيديوهات بتقنية ال4k......كده يارب أكون وضحت ولو بنسبة صغيرة من السؤال اللي حضرتك طرحته وأسف على الإطالة وشكراً جزيلاً .......

[العو]

رد اكثر من رائع
مشكور يا اخي

[AL MADAYEEN]

على فكرة يا استاذ شعبان الصياد كلام غير منطقى اذاى ما فيش 4k يعنى قنوات البين سبورت الفور كية العالمية اللى مدفوع فيها مللايين الدولارات وبيشاهدها ملاايين الناس وقنوات كنال على الاوربى وغيرة وغيرة من القنوات احنا بنتفرج عليها وشايفين الفرق جدا فياريت بلاش نشر معلومات خاطئة

[AL MADAYEEN]

كما كان مقرراً، فى الساعة العاشرة صباحاً بالتوقيت المحلى فى الأول من ديسمبر، بدأت شبكات التليفزيون اليابانية تبث علانية قنوات 4K و 8K عبر الأقمار الصناعية، وذلك بعد مرور عامين من الاختبار، والفيلم الأول الذى تم إدراجه فى دليل التليفزيون هو 2001: A Space Odyssey، وتفيد تقارير هيئة الإذاعة البريطانية BBC بأن "وارنر بروس" أعاد مسح الفيلم الأصلى خصيصًا لهذا البث.

ورغم تطور التقنية لكن لا يمتلك أى شخص تقريباً شاشة عرض 8K، ومعظم الأشخاص يحتاجون إلى جهاز استقبال خاص وهوائى لالتقاط الإشارة، وذكر موقع Engadget Japan أن Sharp بدأت فى بيع أول تليفزيونات لها ميزة Super Hi-Vision خلال الشهر الماضى بسعر 6600 دولار.

[AL MADAYEEN]

اما بالنسبة للأجهزة

يوفر جهاز beIN 4K Media Server متعة مشاهدة عالية لعشاق الرياضة والترفيه، متيحاً مغامرة مميزة من خلال أفضل التكنولوجيا تقدمها فقط beIN في المنطقة
ولإغناء التجربة التفزيونية للمشاهد أطلقت beIN قناة beIN 4K أول قناة في الشرق الأوسط وشمال أفريقيا التي يتم فيها استخدام وبث البرامج المباشرة بتقنية الـ 4K. تقدم beIN 4K تغطية على مدار 24 ساعة لأبرز الأحداث الرياضية الكبرى والحصرية من ضمنها الدوري الإنجليزي، والدوري الاسباني، الدوري الألماني، الدور الأوروبي، دوري أبطال أوروبا عبر تقنية 4k الفائقة الجودة التي تأخذ المشاهد في قلب الحدث
يتميز beIN 4K Media Server بتقنية الـ 4K بصورة فائقة الدقة تصل إلى 3840 بكسل ( أفقيا ) × 2160 خط ( عموديا ) وتعتبر هذه الدقه هي 4 مرات أفضل من نظام الـ HD عالي الدقة المتوفر حاليا . وقد حرصت beIN على إضافة هذه التقنية المميزه لكي يستمتع المشاهد بروئية برامجه المفضلة بوضوح ودقة فائقة الجودة لا تتوفر مع أي مشغل آخر. وكنتيجة لتلك الزيادة في نقاط البكسل يمكن الحصول على صورة فائقة الدقة بشكل مذهل، أيضا وضوح ونقاء الألوان بتقنية الـ 4K هو الأقرب للطبيعة من أي وقت مضى. أيضا مع معدل سرعة مسح خطوط الشاشة أكبر تجعل مشاهدة التلفزيون تجربة لاتنسى.
وللحصول على أفضل مشاهدة، قم بتوصيل جهاز beIN 4K Media لتلفزيون بتقنية 4K

[AL MADAYEEN]

المشاركة الأصلية كتبت بواسطة طرزان

سؤال مهم-لية قنوات sd على ريسيفرات hd بتبقى جودتها منخفضة يعنى صورة الريسفر القديم sd صورة اوضح ومنورة بعكس الريسفرات hd وخصوصا على قمر النايل سات لدرجة الناس بتقول الريسيفر القديم صورتة احسن

اما بالنسبة للرد الصحيح علي سؤالك اخي هو الصورة بتبقي زي الزفت
علشان الرسيفر الرديئ الرخيص المعفن الصن بلاص اللي الناس طالعه بيه السما ابو 120 جنيه اللي مالوش لازمة يعني عندك الهيوماكس الكوري صورة جميلة والتيكنوسات الكوري والبريميرا 1+ والدريم بوكس والفيو بلص

[AL MADAYEEN]

و[COLOR="Blue"]كـــل عـــام وانـــتـــم بـــخـــيـــر

[shrifstar84]

خلاصة القول فى موضوع sdوhdأولا الرسيفر القديم كان شغال على تلفزيون فكانت الصوره sdعلى التلفزيون جميله ليه لأن نظام التلفزيون فى عرض الصوره مختلف عن الشاشات اللى التقنيه بتاعتها أعلى وكمان حجمها أكبر لذلك بتحتاج جودة الصوره تكون أعلى زى بالظبط لو جبت فيديو 3gpأقل جوده وشغلته على تلفون شاشته صغيره ممكن تلاقى الصوره كويسه مفيش فيها بيكسلات ولاتشويش طيب عرضه على شاشة كبيره حتلاقى الصوره بكسلت ومش واضحه طيب بالنسبه للقنوات القنوات اللsd أعلاها 720×576 زى روتانا سينما فدى حتجد صورتها ممتازه واقلها 480×576وفى وسط 640×576 زى قنوات أبل فدى بترجع لبث القناه يعنى للمصدر أولا ثم تشغيلها على شاشة كبيره ثانيا وتأكيدا لكلامى انظر الصور المرفقه حتجد مقاس الصوره تحت معلومات epg والاتش دى 1920×180 فطبعا أنقى مبالك بالفور k اللى هيا أربع أضعاف hd

[nor esam]

المشاركة الأصلية كتبت بواسطة shrifstar84

خلاصة القول فى موضوع sdوhdأولا الرسيفر القديم كان شغال على تلفزيون فكانت الصوره sdعلى التلفزيون جميله ليه لأن نظام التلفزيون فى عرض الصوره مختلف عن الشاشات اللى التقنيه بتاعتها أعلى وكمان حجمها أكبر لذلك بتحتاج جودة الصوره تكون أعلى زى بالظبط لو جبت فيديو 3gpأقل جوده وشغلته على تلفون شاشته صغيره ممكن تلاقى الصوره كويسه مفيش فيها بيكسلات ولاتشويش طيب عرضه على شاشة كبيره حتلاقى الصوره بكسلت ومش واضحه طيب بالنسبه للقنوات القنوات اللsd أعلاها 720×576 زى روتانا سينما فدى حتجد صورتها ممتازه واقلها 480×576وفى وسط 640×576 زى قنوات أبل فدى بترجع لبث القناه يعنى للمصدر أولا ثم تشغيلها على شاشة كبيره ثانيا وتأكيدا لكلامى انظر الصور المرفقه حتجد مقاس الصوره تحت معلومات epg والاتش دى 1920×180 فطبعا أنقى مبالك بالفور k اللى هيا أربع أضعاف hd

أحسنت القول
كل عام وأنت بكل خير

[nor esam]

المشاركة الأصلية كتبت بواسطة AL MADAYEEN

واخيراً بلاش معلومات خطأ للأعضاء
و[COLOR="Blue"]كـــل عـــام وانـــتـــم بـــخـــيـــر

أخى الكريم
الأستاذ / شعبان الصياد
حاول وإجتهد وله منها كل الشكر والتقدير .
نرد ونحاور دون إصدار أحكام .
كل عام وأنت بكل خير
تحياتى لك

[فيوتشر مان]

نفسى افهم الراجل بيسال عن قنوات ال sd
دخلتوا فى موضوع ال 4K وال 8k واليابان
الموضوع بسيط لان الريسيفير هو السبب والدليل هات ريسيفير استرا هتلاقى القنوات كويسه يعنى معالج الريسيفير له دور كبير
والصن بلص أسوء معالج ورخيص
ورمضان كريم

[الحسام المنتصر]

المشاركة الأصلية كتبت بواسطة فيوتشر مان

نفسى افهم الراجل بيسال عن قنوات ال sd
دخلتوا فى موضوع ال 4K وال 8k واليابان
الموضوع بسيط لان الريسيفير هو السبب والدليل هات ريسيفير استرا هتلاقى القنوات كويسه يعنى معالج الريسيفير له دور كبير
والصن بلص أسوء معالج ورخيص
ورمضان كريم

احسنت