[الشاعر شوقى غنيم]

اقدم الموضوع ده نصائح للكل انا اولكم وربنا يهدينا جميعا
يا رب ويحسن ختامنا اللهم أمين

للشاعر المصرى شوقى غنيم
*********************
افرح فى الدنيا واسعد... وويا فرحك اذكر ربك

ساعه ضحك وساعه جد واملى بالايمان قلبك

ما تدرى نفس ماذا يكون بالغد وامحى بالحسنات ذنبك
...
أيام العمر قليله وتنعد وما تعرف اد ايه عمرك

ومهما يطول العمر ويتمد حييجى يوم تروح قبرك

ليه تبكى ودموعك ع الخد ليه الحزن فى الدنيا واخدك

دا الحزن فى قلبك بركان ورعد ويخليك عايش فى الدنيا وحدك

واليوم اللى بيروح ما بيترد والايام بتجرى وابيض شعرك

وبنحسبها جمعه وسبت وحد ويناير فبراير وتنتهى سنتك

وصيف حر وشتا برد ودا كله محسوب من عمرك

وخريف معتدل وربيع ورد ونهار وليل ويطلع عليك فجرك

واليوم الحلو بيكون شهد ويرتفع فى السما نجمك

وما تقولشى يا أرض ما عليكى ذييّ حد

الكلام ده ما يتقالشى منك

تقول انا أقل الناس ع الارض

حيحبك ربك وكل الناس حتحبك

واليوم نهاية سنه وسنه جديده فى الغد

ويا ترى مين حيقرا بكره شعرك

دى نصايح من أخ وأب وجد

اعمل بيها فى شبابك قبل هرمك

وكل عام وانتم بخير
*****************