[اسمعلاوى الهرم]

ارجو من جمهور الاسماعليه الحبيب مساعدة فريقهم بما يقدر عليه والعايز يحافظ على قوام الفريق يعمل الا انا هقول عليه وانا اولكم وياريت يعرض الكلام ده على الاداره.
1 - نقوم بتجميع مبلغ عشرة جنيهات شهريا من جماهير الاسماعيلى القانطين بالاسماعليه والخارجين واليقدر وده مش تبرع ده مقابل ان تفتح ابواب الاستاد مجانا للجماهير وطبعا لو الاسماعيلى عدد جماهيره مليون مثلا يبقى هنجمع عشره مليون جنيه شهريا يعنى فى 8 شهور الدورى 80 مليون جنيه وده طبعا مبلغ محترم يمكن بيه الصرف على فريق الكره وعدم اللجوء الى بيع النجوم .
2 - نقوم بانشاء النادى الاجتماعى ويكون سعر الاشتراك فيه بمبلغ يقدر كل مواطن فى شعب الاسماعليه ومحب لللاسماعيلى ان يدفعه وحتى مثلا لو قلنا هيشترك فى النادى الاجتماعى 10000 فرد فى مثلا 2000 جنيه سنويا حتى لويجمع المبلغ على اقساط يبقى هنجمع 20 مليون جنيه سنوىنقوم بتطوير النادى بيه ومساعدة باقى الالعاب فى النادى كالسباحه وكرة اليد والطائره الخ على الاذدهار .
3 - نخصص قطعة ارض للنادى على البحيره ويكون دخلها كله لصالح النادى وده طبعا هيكون مساعده من المحافظه .
واخيرا ارجو اى حد موجود فى الاسماعليه يعرض كلامى هذا على مجلس ادارة الاسماعيلى الحالى وانا موجود معاكم ومعا لنحافظ على فريقنا الذى احببناه من كل قلبنا يبقى لازم نحاول نساعده باى طريقه نقدر عليها وانا متاكد من تجاوب محبى الاسماعيلى معايا ويارب
على فكره تليفونى بعد اذن الاداره وانا عارف انهم هيساعدونى ايضا لحبهم فى النادى الاسماعيلى
اخوكم ومحب الاسماعيلى الى النخاع - على صبرى

اخى الكريم
على صبرى
انا من عشاق مدينة الاسماعيليه بلد السحر والجمال
واعشق فريقها
ولكن مايحكمنا جميعا هو القانون فلابد من احترامه
منعم امبابى

[اسمعلاوى الهرم]

كان نفسى الاقى محبى النادى الاسماعيلى يقومو بالرد عليا والسعى للانقاذ نادينا الذى لن ينقذه غيرنا

[منصوراوى]

كل التوفيق لنادى الاسماعيلى ومحبيه
ولاكن قوانين المنتدى يمنع بتاتا وضع تليفونات او اميلات
[/i]

[aiman noor eldein]

كل التوفيق لفريق الدراويش

ولجمهور الاسماعيلى الجميل

[مصراوى2]

المشاركة الأصلية كتبت بواسطة اسمعلاوى الهرم

كان نفسى الاقى محبى النادى الاسماعيلى يقومو بالرد عليا والسعى للانقاذ نادينا الذى لن ينقذه غيرنا

احييك على اخلاصك وحبك لفريقك

[اسمعلاوى الهرم]

انا متشكر جدا الى كل من قام بالرد عليا وجزاكم الله خيرا

[السيدعبدالعزيز]

فكرتك صائبة جدا

الاسماعيلى مليء بالنجوم والازمة فى الموارد فقط