[زيزو&ميدو]

انا لسة شارى ريسريفر هيروشيما moh 888 فيرجن 1 وبعدين مشغل عليه قمر النايل سات فقط وبعدين كنت بشوف محتوياته فلغيت كل الاقمار اللى عليه بعد ماكان متسجل عليه جميع الاقمار بقالى 4 ايام مش عارف اشغله خالص وعايز ارجعه زى ماكان وانزل عليه كل الاقمار من تانى بعد ازنكم بسرعه عشان انا خايف لحسن يكون باظ واكون شاكر ليكم جدا

[ابراهيم الخولى]

اخى اعمل له اعاده ضبط مصنع هيرجع كل حاجه زى ما كانت وحمل بقا القنوات من البحث

ولكن اسهل عليك الموضوع

وخد اللودر وملف قنوات فى المرفقات

[ابراهيم الخولى]

عفوا اللودر اهو فى المرفقات

[زيزو&ميدو]

بعد ازنك يااستاذ ابراهيم ممكن تقولى اللودر دة بتاع اية بالظبط واعمله ازاى عشان انا جديد فى الدش واكون شاكر افضاللك وربنا يكرمك

[زيزو&ميدو]

ممكن يااستاذ ابراهيم تعرفنى اعمل للريسيفر ضبط مصنع ازاى واية هو اللودر دة بالظبط واعمله ازااى معلشى لانى لسة جديد فى الدش ربنا يخليك وكل عام وانت بخير

[ابراهيم الخولى]

اخى العزيز اللودر ده برنامج بدى الريسفر اى ملف من خلاله سواء كان سوفت او ملف قنوات

واللى عليك تعمله انك تفك ضغط الملفات

وهتدخل على اللودر اللى هو عباره عن برنامج على شكل سهمين واحد ازرق والتانى احمر وهتلاقى فى الجنب اختيارات هتختار منها downlode data
بعدين هتلاقى ايقونه على شكل ملف مفتوح تضغط عليها وتختار ملف القنوات

وبعدين تطفى الريسيفر بالريموت يعنى تخليه على وضع الساعه وبعدين تغط ستارت طبعا تكون موصل كابل السوفت بين الكومبيوتر والريسيفر
وتستنى لما يكتب end
على شاشه الريسيفر وبكده يكون خد ملف قنوات

اعذرنى يا معلم ليس متوفر لدى صور للشرح
هذا كل ما باستطاعتى ويا رب اكون وصلت لك الفكره

[زيزو&ميدو]

معلشى يااستاذ ابراهيم عرفنى بقى اعمل ازاى ضبط مصنع خطوة خطوة معلشى اكسب فيا ثواب وربنا يقدرك على ارشاد الناس

[ابراهيم الخولى]

هتدوس على menu من الريموت (اذا كانت اللغه عربيه ) فاضغط على التركيب ثم اختار اخر اختيار وهو القيم الافتضراضيه للجهاز

يعنى ببساطه كده
هتدوس على المنيو من الريموت ثم اول اختيار وثم اخر اختيار ثم ok

[زيزو&ميدو]

الف شكر يااستاذ ابراهيم ومعلشى تعبتك معايا وانت اخ فاضل وكل عام وانت بالصحه والسلامه يارب

[زيزو&ميدو]

ممكن يااستاذ ابراهيم بعد ازن حضرتك تكتبلى ايميللك عشان لو احتاجتك فى حاجة