[cormozy]

ارجوا من اهل الخبره حل هذه المشكلة الرسيفر معلوماته في الصورة مش خبره في موضوع الرسيفرات فجاه الرسيفر وانا بقلب في القنوات وقف علي رقم القناه وشاشة سوداء ويعمل رستارت لوحده ويقف علي نفس القناه ومافيش اي استجابه للريموت انا وديته لمختص وعمله سوفت بلودر واشتغل وللاسف رجع عملها تاني وبرده رجعت للمختص واشتغل والموضوع كده اتكرر كتير هل في طريقة انزل بيها سوفت بدون لودر لان ماعنديش الوصله ومش بفهم في موضوع ده لكن قريت ان في طريقة عن طريق الفلاش ميموري ارجو الافادة وياتري سبب تكرار الموضوع ده ايه شكرا

[شعبان الصياد]

موضوعك فعلاً عايز يكون معاك وصلة التحديث بتاعة الرسيفر لأي مشكلة تحصل معاك متضطرش تروح كل شوية لمحلات الصيانة أنا عندي الرسيفر ده حالياً [ Qmax H2mini4 FTA ] ومعايا وصلة التحديث بتاعته أشتريتها ومخليها لأي ظروف طارئة تحصل للجهاز وبالفعل فيه أكتر من مرة الجهاز جاب معايا لمبة حمرا بسبب سوفتات خطأ وأقسم بالله كنت برجعه زي ماهو في تلات دقايق فقط .. المعروف للي عنده خبرة شوية في هذا الرسيفر إن سوفت البووت بتاع الجهاز لحل جميع مشاكله هو السوفت رقم [ 230 ] كنت بعطي للرسيفر هذا السوفت المعروف بالسوفت البووت واحنا كلنا عارفين طبعاً كلمة بووت دي [ BOOT ] بمعنى تسطيب زي في ويندوز الكمبيوتر كده وزي ما في الموبايلات إسمها رووت [ ROOT ] بمعنى إرجاع الموبايل لضبط المصنع . نرجع لسوفت البووت [ 230 ] لهذا الجهاز [ Qmax H2mini4 FTA ] والذي يقبل أيضاً لH1 وH3 لحل جميع مشاكل الجهاز وبعد مياخد الجهاز سوفت البووت هيبقى على خلفية عبدالعال وهتلاقي في الشاشة كده جملة بالإنجليزي معناها إنك إعطي للجهاز سوفت التنزيل والترددات وملفات القنوات علشان اللي أخده في الأول ده سوفت البووت وبعد كده هنديله السوفت اللي احنا عايزينه وبكده الجهاز كان بيرجع معايا مليون على مية
ملحوظة :: حالياً على أحدث سوفت للجهاز الرسيفر بيرستر لما بدخل عليه أكتر من سيرفار سيسكام من اللي هو المجاني ده وكمان نفس الكلام بيحصل لما بدخل عليه سيرفار أيبي تيفي ميكونش شغال
ملحوظة رقم 2 :: يا جماعة عايزين ناخد بالنا لحاجة يا جماعة الجهاز كتر خيره لاحظوا إن الجهاز 4ميجا ولاحظوا كمان برغم إنه فلاشة 4ميجا فيه أوبشنات كتير جداً يعني كتر خيره فعلاً ده أنا أخويا شاري رسيفر بدون ذكر إسمه من أشهر الشركات في مجال الرسيفرات برغم إنه فلاشة 16ميجا ورامات 2جيجا وبياخد يومين وليلتين في الفتح علشان تشوف إسم الشركة بتاعته وهيا بتفتح حاجة غريبة أوي فعلاً يعني كتر ألف خيره جهاز [ Qmax H2mini4 FTA ] و4ميجا ده أنا بقفله وبفتحه من الباور كإني مقفلتوش من سرعة الفتح ... أنا أسف على الإطالة