[hammo sat]

السلام عليكم..
جالي الجهاز فاصل باور إشتغلت فيه والجهاز اشتغل وكله تمام، قولت أنزله ملف قنوات وبغلطة مني مخدتش بالي إني ناسي الجيفت في الجهاز، المهم وانا بفتح الجهاز عمل قفلة ع الفيوز بس الفيوز متحرقش..

والجهاز بعد كدا بيفتح عادي ولمبة الإشارة موجودة، والريموت بيقلب القنوات، وعملت check ع الباور من أول الموحدات لحد خرج الفولت بعد الشوبر عشان اتأكد ان كارتة الباور محصلهاش حاجة لقيت كل حاجة تمام.

المشكلة دلوقتي ان الجهاز فصل صورة، شغال صوت لكن صورة لأ..

سؤالي الأول: هل لو الجهاز مطلع صوت بس، أو صورة بس كدا أتطمن ان البروسيسور محصلوش حاجة، وأنا قيست خط 3.3 مع الأرضي معملش صفارة ولا حاجة، يعني كدا البروسيسور سليم.

السؤال التاني: إزاي أتتبع مسار خرج الصورة لو معنديش كبل أشباح، لأني بحاول أحط جاك الصورة ع المكونات اللي قدام خرج الصوت والصورة مش بيظهر حاجة.

السؤال التالت: إيه قيمة المكثفات اللي تنفع اعمل بيها كبل أشباح لو مش متاح عندي مكثف 10/50 .

وشكرا للجميع.

[مستر ابراهيم فوزى]

أجابه السؤال الأول
ممكن البروسيسور يعمل عطل جزء ويفصل صوت أو صوره او اشاره
اجابه السؤال الثاني
لازم تتبع مسار الصورة بكابل اشباح ومبدأئيا كده في ترازستور فلات خلف مدخل الاوديو فيديو حاول تغيره بنفس الرقم
السؤال الثالث
في شرح كتير في المتتدى عن طريقه عمل كابل اشباح
ولو عرفت تجرب باور تاني يكون افضل

[kareem gad]

مش لازم كابل الاشباح بمكثف
هو بروب افوميتر وجاك وخلاص
المكثف للفلترة وتنقية الصوت او الصورة
انت بس عاوز تتاكد ان البوسيسور مخرج صورة حتى لو لسة ما اتعلجتش

[م/ ناصر جمال]

المشاركة الأصلية كتبت بواسطة مستر ابراهيم فوزى

أجابه السؤال الأول
ممكن البروسيسور يعمل عطل جزء ويفصل صوت أو صوره او اشاره
اجابه السؤال الثاني
لازم تتبع مسار الصورة بكابل اشباح ومبدأئيا كده في ترازستور فلات خلف مدخل الاوديو فيديو حاول تغيره بنفس الرقم
السؤال الثالث
في شرح كتير في المتتدى عن طريقه عمل كابل اشباح
ولو عرفت تجرب باور تاني يكون افضل

الله ينور استاذ ابراهيم

[مستر ابراهيم فوزى]

المشاركة الأصلية كتبت بواسطة م/ ناصر جمال

الله ينور استاذ ابراهيم

حبيبي استاذ ناصر
ربنا يخليك

[hammo sat]

المشاركة الأصلية كتبت بواسطة kareem gad

مش لازم كابل الاشباح بمكثف
هو بروب افوميتر وجاك وخلاص
المكثف للفلترة وتنقية الصوت او الصورة
انت بس عاوز تتاكد ان البوسيسور مخرج صورة حتى لو لسة ما اتعلجتش

انا كنت هعمل كدا فعلا بس سؤالي، اوصل طرف الأفوميتر في طرف واحد بس من كبل الفيديو، والأرضي هيكون واصل من الطرف بتاع الصوت، ولا مش هتفرق لو مفيش أرضي!

[kareem gad]

طرف واحد لان الارضي بيكونفى السوكت التانى
بتاع الصوت او العكس حسب عطل صوت او صورة