[م / وليد هانى]

بسم الله الرحمن الرحيم
والسلام عليكم ورحمة الله وبركاته ،،،
انا قبل عمل الموضوع ده جاتلى أجهزة كتير بها مشاكل بور ومنها اللى بلاقى فيها مكونات صغير ورخيصة جداً تالفة مثل ( مكثف - سيلكون ) وكمان تحديد أعطالها معروف لدى الجميع لكن فى أجهزة تانية بلاقى أعطال صعبة بلغة السوق واسف للفظ ( مقرفة ) مثل ( اسى البور - الفوتوكبلر - الثايرستور ) انا عارف بردو ان الحاجات دى رخيصة بس تحديد العطل الخاص بها ليس بالسهل فأغلبية فنى الصيانة بيقوم جايب الدايرة الصينى اللى موجودة فى السوق ويركبها ويريح دماغه وكمان رخصية جداً مع انه عارف إنهاء رديئة ولا تدوم طويلاً .
فقررت أن أعمل موضوع عن الدايرة الصينى دى وكلنا نتشارك فيه بمعنى ان كل شخص عنده فكرة لجعل الدايرة تعمل مثل الأصلية يقولها لكن يجب مراعة الأتى :-
1- التعديل يكون بتغيير جزئى وليس بجذرى بمعنى ( منغيرش كل مكونات الدايرة يبقى معملناش حاجة ) .
2- تكون سهلة لدى الجميع .
3- تكون المكونات متاحة فى الأسواق .
وأتمنى من السادة المشرفين والأعضاء مساعدتنا فى نجاح هذا العمل وخصوصاً أنه ينسب إلى كل من السادة ( الأدارة - المشرفين - الأعضاء ) بمصراوى سات فى عمل الخير .

[م / وليد هانى]

المحاولة الأولى من التعديل
تغيير أيسى الباور بواحد مثله لكن بخامة جيدة لان هو ده أول حاجة بتعطل فى الدوائر الصينى

[مهندس محمودعبدالحميد]

للعلم يا غالى فيه رسيفرات صينى كتير الدائره الخاصه بها رديئه جدا وانا عن نفسى بغيرها جديده حتى لو شغاله لان الجديد افضل منها

[م / وليد هانى]

المشاركة الأصلية كتبت بواسطة مهندس محمودعبدالحميد

للعلم يا غالى فيه رسيفرات صينى كتير الدائره الخاصه بها رديئه جدا وانا عن نفسى بغيرها جديده حتى لو شغاله لان الجديد افضل منها

أولاً شرفنى مرورك أستاذى
وثانياً كلام حضرتك مظبوط لكن أنا أقصد الدوائر الصينى الجديدة الموجودة اليومين دول فى السوق يأما تلاقى الدايرة الفولت بتاعها عالى يأما منخفض وأوقات بتعمل مشاكل كتير وعشان كده عملت الموضوع ده عشان لو هنقدر نعمل تعديل بسيط فيها عشان نرفع من كفائتها نعمله ومع بعض الأراء منكم ومن الأخوة الاعضاء نوصل لحل المشكلة دى .
وأنتظر راى حضرتك فى الكلام ده

[محمدالنوبي]

المشاركة الأصلية كتبت بواسطة وليد تيتو

بسم الله الرحمن الرحيم
والسلام عليكم ورحمة الله وبركاته ،،،
انا قبل عمل الموضوع ده جاتلى أجهزة كتير بها مشاكل بور ومنها اللى بلاقى فيها مكونات صغير ورخيصة جداً تالفة مثل ( مكثف - سيلكون ) وكمان تحديد أعطالها معروف لدى الجميع لكن فى أجهزة تانية بلاقى أعطال صعبة بلغة السوق واسف للفظ ( مقرفة ) مثل ( اسى البور - الفوتوكبلر - الثايرستور ) انا عارف بردو ان الحاجات دى رخيصة بس تحديد العطل الخاص بها ليس بالسهل فأغلبية فنى الصيانة بيقوم جايب الدايرة الصينى اللى موجودة فى السوق ويركبها ويريح دماغه وكمان رخصية جداً مع انه عارف إنهاء رديئة ولا تدوم طويلاً .
فقررت أن أعمل موضوع عن الدايرة الصينى دى وكلنا نتشارك فيه بمعنى ان كل شخص عنده فكرة لجعل الدايرة تعمل مثل الأصلية يقولها لكن يجب مراعة الأتى :-
1- التعديل يكون بتغيير جزئى وليس بجذرى بمعنى ( منغيرش كل مكونات الدايرة يبقى معملناش حاجة ) .
2- تكون سهلة لدى الجميع .
3- تكون المكونات متاحة فى الأسواق .
وأتمنى من السادة المشرفين والأعضاء مساعدتنا فى نجاح هذا العمل وخصوصاً أنه ينسب إلى كل من السادة ( الأدارة - المشرفين - الأعضاء ) بمصراوى سات فى عمل الخير .

يا اخي الحبيب وليد

الدايرة الصينى الي في السوق الموجودة اليومين دول رديئه جدا جدا

وعمرها متجيه زيه لأصلية

لأصلية افضل الف مراه

علي شان كده بن حاول نصلح الدايرة لأصلية افضل

[م / وليد هانى]

والله حبيب قلبى انا عارف ان الدايرة الأصلية أفضل بمليون مرة من الصينى الموجودة بس انا عايز أعرف ازاى أعدل فيها بحيث تكون قريبة فى كفائتها مثل الدائرة الأصلية مش مثلها بالضبط على الأقل عشان سمعة المحل بدل مأعمل دائرة صينى لريسيفر وألقيه يرجع بعد شهر ويقولى نفس العيب بس هو ده اللى انا اقصده

[م ربيع الجادورى]

انا لم استعن ولو لمرة واحدة بدائرة صينى والحمد لله

لانى اعرف انها دائرة زباله

والامبير لها ضعيف وعلشان تعليه لازم تعلى الفولت كمان

فانا لم اشتغل فيها من الاساس

اشكرك على طرحك يا استاذ وليد

[م / وليد هانى]

المشاركة الأصلية كتبت بواسطة م ربيع الجادورى

انا لم استعن ولو لمرة واحدة بدائرة صينى والحمد لله

لانى اعرف انها دائرة زباله

والامبير لها ضعيف وعلشان تعليه لازم تعلى الفولت كمان

فانا لم اشتغل فيها من الاساس

اشكرك على طرحك يا استاذ وليد

كلامك تمام يا هندسة بس أوقات الظروف بتحكم لما تلاقى الدايرة أغلبها وأهم مكوناته تالف وفى الوقت ده عصب عننا لازم نستخدم الدايرة الصينى

[م ربيع الجادورى]

ممكن تستخدمها بس مش مضمونة وربما تسئ سمعتك نتيحة تلفها المتكرر

[م / وليد هانى]

المشاركة الأصلية كتبت بواسطة م ربيع الجادورى

ممكن تستخدمها بس مش مضمونة وربما تسئ سمعتك نتيحة تلفها المتكرر

تمام وربنا يسترها معنا دايماً يارب
طب ممكن طلب شخصى من حضرتك أستاذنا
انا عارف انك عملاق صيانة والله وأكبر عليك عايز حضرتك تدرس موضوع تعديل الدايرة الصينى لرفع كفائتها وده هتأخد عليه ثواب كثير من وراء فنى الصيانة اللى بيوتهم مفتوحة من هذا المجال
وانا فى إنتظار ردك أخى

[king of the sad]

نعم اخي تيتو وانا معاك ولو حد عايز يجرب انا معاك يقول الطريقة وانا اعدل ونشوف حتي نوصل لحل ارجو عدم غلق الموضوع بل نزيد من المشاركات حتي يتم التواصل لحل

[م / وليد هانى]

انا أضفت من قبل أخى ريحان ضمن حلول تعديل الدايرة الصينى لرفع كفائتها
1- تغيير الأيسى لان الموجود فى البوردة ردئ جداً جداً .
واللى عنده إضافة يقول

[king of the sad]

نعم اخي تيتو انا بقول كدة بردوة لو الايسي اتغير الدائرة هتصبح زي الاصلية ولا اية انا معاك

[م/محمود العطفى]

والله يا غالى الرسيفر الصينى اساسا ما يستاهل اننا نشتغل فيه

يعنى العطل لو زاد عن 20 جنيه الزبون بيقول ارمى الرسيفر واجيب واحد جديد

وحضرتك عايز تعدل على دايره ثمنها جمله للمحلات 11 جنيه وسعر بعها للصنايعى 15 جنيه وعايز تعدل فيها توصلها لــ 20 جنيه واساسا الرسيفر ما يستاهل على حد كلام الزبون وسعره يعنى انا بجهد واصلح الدائره التى مع الرسيفر منها ان الدائره على وضعها ومنها انها بتكلفنى اقل لو وصل الموضوع للدايره التى تباع بحمل الزبون اعباء الدائره (يعنى بقوله مسؤليتك انت ليس مسؤليتى )
واجهزه كتير ببترمى والله بسبب ان الزبون مش عايز يدفع اكثر من 20 جنيه صيانه

قولى بقى ال 20 جنيه اتعاب الفنى ام ثمن الدائره والتعديل ام ماذا

اما ان كنت تتكلم عن التعديل لتكون الدائره افضل فالاداء وهذا سيكلفها قطع غيار اخره كما ذكرت
فــ غير ايسى البور بــ ايسى 13007 وغير ترنسستور غالبا 8050 معه والفوتوكبلر بالمره
الاداء هيكون افضل والله المستعان

[king of the sad]

هههههههههههه منتا هتقول للزبون اركبلك دايرة اصلية ولا لأ وشوف بقا هيقولك اية