[SMSM MALAK]

مساء الخير

-كنت شاري رسيفر برفكس 8400s بس من زمان اوي وبالتالي الضمان خلص
-اما بدئت الكهرباء تقطع اكتشفت ان في مشكله ظهرت
- وهي ان لو طافي الرسيفر والكهرباء قطعت وجات - الطبيعي الرسيفر يفضل مطفي - لكن للأسف بلاقي الرسيفر اشتغل وحده

هل ممكن مساعده في اصلاح المشكله
سواء كانت بالسوفت وير حد يرفعلي الملف البيحل المشكله
او بالهاردوير ممكن اعرف ايه الممكن يكون محتاج يتغير من علي بورده الرسيفر

اسف لو مش ناشر الموضوع في القسم المناسب
واسف للاطاله وشكرا لكم

[م/ احمد شومان]

وضح ياغالى اية المشكلة
لان مفيش اى توضيح ولو حضرتك مش فنى ودى الجهاز لفنى افضل

[SMSM MALAK]

شكرا لرد حضرتك
لا انا فني صيانه الكترونيات متقلقش
بس مش عارف ايه الممكن سبب المشكله علشان ابدء اشتغل فيه

.
.
المشكله
مثلا انا طافي الرسيفر من الريمود عادي خالص اوكي
-لو مثلا طفيت المشترك وشغلته بلاقي الرسيفر اشتغل وحده _ طب ازاي يشتغل وانا كنت طافيه من الريموت
-او لو مثلا الكهرباء قطعت ورجعت تاني بلاقي الرسيفر اشتغل وحده
.
.
فممكن اكون مثلا نايم ومش طافي التلفزيون وطافي الرسيفر وفجأه الاقي الكهرباء تقطع وترجع - فالاقي الرسيفر اشتغل وحده - وعملي ازعاج وصحاني ومن النوم

[م/ احمد شومان]

المشاركة الأصلية كتبت بواسطة SMSM MALAK

شكرا لرد حضرتك
لا انا فني صيانه الكترونيات متقلقش
بس مش عارف ايه الممكن سبب المشكله علشان ابدء اشتغل فيه

.
.
المشكله
مثلا انا طافي الرسيفر من الريمود عادي خالص اوكي
-لو مثلا طفيت المشترك وشغلته بلاقي الرسيفر اشتغل وحده _ طب ازاي يشتغل وانا كنت طافيه من الريموت
-او لو مثلا الكهرباء قطعت ورجعت تاني بلاقي الرسيفر اشتغل وحده
.
.
فممكن اكون مثلا نايم ومش طافي التلفزيون وطافي الرسيفر وفجأه الاقي الكهرباء تقطع وترجع - فالاقي الرسيفر اشتغل وحده - وعملي ازعاج وصحاني ومن النوم

هى دى مشكلة ياغالى
اكثر الاجهزة كدة من شرط انك تغلق من الريموت
والجهاز يفتح تانى ريموت
دى حاجة عادية خالص
وهل دى كانت طبيعة الجهاز من الاول
ولا حصل مشكلة دى جديد
لو جديد جرب سوفت
وياريت حضرتك كتابة اسم الجهاز بالعنوان المرة القادمة كامل

[SMSM MALAK]

معرفش لان الكهرباء مكنتش بتقطع من الاول - واضح ان الجهاز انا كنت مشتريه بالعيب دا ------ واضح ان حضرتك مفهمش قصدي مظبوط - انا بقول اني لو طافي الرسيفر من الريموت لو الكهرباء قطعت وجهات الرسيفر بيشتغل وحده - الطبيعي في اي جهاز اخر طافيه من الريموت الكهرباء لو قطعت وجات يفضل الجهاز مطفي من الريموت

عمتا انا منتظر باقي الاعضاء لان غالبا في مكون عالبورده هو المحتاج تستبدل وانا مش عارفه

[م/ احمد شومان]

ياغالى انا فاهم قصدك
حضرتك
الامش واصل لك المعلومة دى حاجة طبيعية
فية اجهزة كدة ركز ياغالى
ولو حضرتك فنى هتوصلك المعلومة اسرع
علشان انت فى المجال
تانى فية اجهزة كدة
تطفى من الريموت ولو شيلت الكهربة عنها
وشغلت تانى تشتغل من غير ضغطت ريموت
وصلت المعلومة

[ahmoood]

فممكن اكون مثلا نايم ومش طافي التلفزيون وطافي الرسيفر

تيجى ازاى بس

[SMSM MALAK]

لو الرسيفر واصل بتلفزيون وطفيت الرسيفر من الريموت بدون متطفي التلفزيون من الريموت هتلاقي الشاشه اسودت عادي جدا
---------
للتوضيح انا استعمل علي شاشه كمبيوتر بكابل hd to vga علشان كدا مفيش ريموت للشاشه علشان اطفيها زي مفي ريموت للرسيفر علشان اطفيه

[SMSM MALAK]

تمام الف شكرا
تعبتك معايا

هخلي بالي بعد كدا من الحركه دي وانا بشتري الرسيفر
مع اني كنت شاريه من توكيل بريفيكس في العتبه, يعني المفرود حاجا مضمونه

عادي بقا حصل خير

[م/ احمد شومان]

مغلق للانتهاء الغرض منه