[السيدعبدالعزيز]

👌سعادة البيه رفض حضور المؤتمر الصحفى بعد الماتش وطلع عشان يسافر سويسرا إجازة

🔴الحقيقة هو ذكى جدا لانه محضرش المؤتمر لانه كان هيتسلخ من الصحفيين ومكنش هيعرف يرد المرة ده على اسئلتهم اللى هتكون كلها استفسارات عن التخريف اللى حصل فى المباراة .

🔴محضرتش المؤتمر ليه يا باشا كنا عاوزينك تقول لينا الدبيس قعد دكه ليه فى ظل غياب معلول

🔴محضرتش المؤتمر ليه ياباشا كنا عاوزين نعرف منك فى لاعب اجنبى بيقبض بالدولار اسمه كريستو أخباره ايه ياترى عايش ولا ميت جعان ولا شبعان نسى الكورة ولا لسه فاكر أنها مدورة

🔴محضرتش المؤتمر ليه ياباشا كنا عاوزين نعرف منك هو كريم فؤاد ملعبش اساسى ليه فى ظل عدم وجود رضا سليم وراحة تاو وعدم إيجابية عبدالقادر وسوء حالة الشحات

🔴محضرتش المؤتمر ليه يا باشا عشان تعرفنا ايه فكرة جلوس امام عاشور على الدكه هل عندنا مثلا مباراة بعد يومين فى نهائى إفريقيا فقولت تريح إمام ولا بتريحه عشان يكون جاهز للمنتخب يوم الخميس🤔 .

🔴طيب يا سعادة الباشا متحضرش عادى براحتك إنما تسافر ليه فى الوقت الحالى هو الفريق بيقدم عظمه ومش محتاج وجودك دلوقتى يعنى هل معندناش مشاكل خالص ووجودك هيبقى زى عدمه

🔴بما اننا فى بداية الموسم كنت اتمنى أنك تقعد ومتسافرش وتشوف القصور وتحاول تعالجه وتعمل بدل الماتش اتنين وتلاته ودى وتجرب فيهم اللاعبين اللى مش بيشاركوا بصفة مستمرة حتى لو مش هتعمل مباريات ودية تعمل تدريبات تخصصية لبعض اللاعبين وتقوم بتطويرهم

🔴اقعد يا باشا اشتغل خططى وفنى جرب طرق لعب مختلفه عشان خلاص اتحفظنا واصبحنا كتاب مفتوح لكل المنافسين

🔴انزل ياباشا اتفرج بنفسك على مباريات قطاع الناشئين يمكن تطلع بلاعب ولا اتنين يكونوا اضافه للفريق الأول زى ما طلعنا الدبيس كده

👋ولا اقولك اجازة سعيده ياباشا اقعد فى بلدك ادرس العروض اللى جايالك على راحتك خالص وارجع بلغ الإدارة بيها مهو انت خلاص قفلت اللعبه ووصلت لليڤل الوحش وحققت 5 بطولات فى موسم مقدرتش تحققهم فى تاريخك التدريبى كله

✍️ محمد عبدالقادر

* ماقلنا مفيش دكر يقوله الكلام ده...
المخرف بقي صاحب العزبة وبيعمل اللي هو عاوزه بدون مراجعة