[السيدعبدالعزيز]

تقييم اللاعبين من وجهة نظر شخصية
الشناوي : مكانش سيئ ابدا بس يتحمل جزء من الهدف الأول مش صعبة على حارس من الأفضل في القارة
هاني وعمر كمال : عملوا المطلوب منهم كل واحد فيهم كان مهزوز شوية في بداية لعبه بس دخلوا الماتش بعدها
محمد حمدي: كان مجتهد جدا وبدنيا كويس وشعلة نشاط هجوميا بس قدرات هجومية محدودة ونقص خبرة كتير دفاعيا يتحمل جزء ولو بسيط من الهدف الأول
عبد المنعم : يتحمل جزء كبير جدا من الهدفين الأول ضعف رقابة وسوء تمركز في العرضية والهدف التاني ساب مكانه واندفع وكشف الدفاع وده عيبه من فترة تركيزه على اللقطة المهارية واخراج الكورة نساه مهامه الاساسية كمدافع مساك
حجازي : سيئ يتحمل جزء كبير من الهدف التاني وكان سيئ في ضربات الرأس الهجومية في كورنراتنا
النني: أحسن لاعب في الشوط الأول وأسوأ لاعب في الشوط التاني
حمدي فتحي: مختفي وملوش أي دور دفعيا وهجوميا وبيلعب السهل وبس
زيزو:من أكثر اللاعبين مجهود وتضحية بدنية في الملعب بس أنتاج هجومي معدوم تماما
مصطفى : سيئ في بناء الهجمة والتعاون مع زمايله ولكن احرز هدف وتسبب في ضربة جزاء فيعتبر قام بدوره تماما
مرموش : مجهود ممتاز بعد نزوله
قائمة الأسوأ تماما:
تريزيجيه: أوف داي ومختفي تماما
أمام عاشور: سيئ تماما بيفكرني بمستواه في أولمبياد طوكيو كان نفس الوضع تماما أتمنى ميبقاش لاعب محلي فقط
صلاح: لا تعليق
فيتوريا: تشكيل وخطة زي الزفت وتغييرات زفتين

[مصراوى2]

كسفونا الله يكسفهم.
ذنب مروان عطية انه ملعبش .
وزيزو محشور فى التشكيل ومالوش اى لزمة
وصلاح خايف على رجله ومش مهم عنده سمعة مصر.
وحازم امام هو اللى بيحرك المدرب ويقول له مين يلعب