[السيدعبدالعزيز]

الذكاء الاصطناعي عرف ان الأهلى بيطلب حكام أجانب لمبارياته مع الزمالك .. راح جاب المباراة بعد ٥ أيام عشان ميطلبش لان مفيش وقت

وعرف ان مباريات الأهلى و الزمالك مش بتعدى بدون مناوشــ ــات .. راح جاب مباراة بيراميدز بعدها عشان جمهور الأهلى يتعاقب وميحضرش مباراة بيراميدز

وعرف الزمالك عاوز يفوت لبيراميدز .. راح خلى مباراة الفريقين فى الجولة السادسة عشان الزمالك يفوت براحته بعد مايتأكد انه بره المنافسة

وكمان عرف ان بيراميدز هيلعب مع فاركو والحدود فى اسكندرية .. راح خلى المباراتين فى جولتين متتاليتين عشان بيراميدز يفضل فى اسكندرية ويعمل معسكر هناك

فيها ايه لو القرعة اتعملت بحضور مندوب من كل نادى وتبقي قدام عينه زي مابيحصل في كل مكان في العالم ، دى قرعة يعنى حظ بدون تدخل من اى حد
لكن انك اعمل قرعة الفجر مع نفسك ونتفاجئ بيها كلنا يبقي طبيعى محدش يقتنع بيها وتبقي موضع شـ ــك للجميع