[مـنـعـم امـبـابـى]

الموضوع طويل شوية بس يستاهل
العداد الغامض دا بيشتغل ازاي ويحسب الفواتير ازاي
وازاي اعرف هو شغال مضبوط ولا بيسحب فلوس زيادة ؟؟
وازاي اوفر فلوس واشتغل على اقل شريحة ؟!
أولًا فيه اكتر من نوع من العدادات
منها عدادات جلوبال
وفيه عدادات السويدي وهي اللي هتكلم عنها وباقي العدادات نفس الفكرة
العداد طبعا بيشتغل الكترونيا حسب سعر الكيلوات اللي محدداه وزارة الكهربا
شاشة العداد عبارة عن صفحات وانت بتقلب من الزرار الابيض ( اللي يهمنا فيهم 8 صفحات فقط )
اول خطوة عايز تعرف عدادك مضبوط ولا فيه مشكلة
هتروح على صفحة ( 35 )
والصفحة دي بتشوف فيها كمية الكهربا اللي شغالة عندك
فى الوقت الحالي فلو طفيت كل الاجهزة اللي عندك المفروض الصفحة دي تلاقيها اصفار ( بس ما تطفيهمش من الاتوماتيك )
لو طفيت كل حاجة عندك ولسه الصفحة دي فيها ارقام وبتعد يبقى العداد فيه مشكلة وتراجع شركة الكهربا .
لو طفيت كل حاجة ورحت صفحة (35 ) دي لقيتها اصفار يبقى العداد شغال تمام





ندخل بقى على باقي الصفحات اعرف استهلاكك
صفحة ( 1 ) دي بتظهر لك باقي عندك كم كيلو وات في الكارت اللي شحنته ودخلته في العداد





صفحة ( 2 ) بتظهر لك الفلوس اللي باقية عندك في العداد




صفحة ( 3 ) بتظهر لك استهلكت كم كيلو وات من لحظة ما ركبت العداد





صفحة ( 4 ) بنتظهر لك مستهلك كم كيلو وات من اول الشهر اللي انت فيه





صفحة ( 5 ) بتظهرلك استهلكت كم كيلو وات الشهر اللي فات





صفحة ( 6 ) بتظهرلك انت استهلكت كم فلوس من اول الشهر اللي انت فيه





صفحة ( 7 ) بتظهر لك انت شغال على شريحة كم حاليا





نيجي لموضوع الشرايح
شركة الكهربا حددت 7 شرايح لاستهلاك الكهربا
وكل شريحة وليها سعر
دي الاسعار الحالية
الشريحة الاولى
من 0 الى 50 كيلو وات سعرها 48 قرش
الشريحة التانية
من 51 وات الى 100 كيلو وات وسعرها 58 قرش
الشريحة الثالثة
من صفر حتى 200 كيلو وات سعرها 77 قرش
( هو هنا بيحاسبك ب 58 قرش بعد ال 100 كيلو وات لكن لو وصل استهلاكك الى 200 كيلو وات بيحاسبك ب 77 قرش من اول كيلو وات )
الشريحة الرابعة
من 201 الى 350 كيلو وات سعرها 106 قرش
الشريحة الخامسة
من 351 الى 650 كيلو وات وسعرها 128 قرش
الشريحة السادسة
من 0 الى 1000 كيلو وات سعرها 128 قرش
( هو هنا بيحاسبك ب 128 قرش من بعد 650 كيلو وات
لكن لو وصلت الى 1000 كيلو وات هيحاسبك ب 128 قرش لكل الاستهلاك من اول صفر )
ودي شريحة غير مدعومة للأسف وربنا يكفينا شرها
الشريحة السابعة
من 0 الى ما فوق 1000 كيلو وات وسعرها 145 قرش
( دي نفس فكرة الشرايح اللي فوق وهي شريحة غير مدعومة أيضًا)

طبعا فيه خدمة عملاء بتنضاف على كل شريحة
وهي على الترتيب
1 جنيه
2 جنيه
6 جنيه
11 جنيه
15 جنيه
25 جنيه
40 جنيه

كدا كل واحد يقدر يعرف هو استهلك كم كيلو وات ويحسبها بالفلوس

[محمد ربيع الجمسي]

الله ينور ياحاج

[khaled elsaka]

موضوع أكثر من رائع
تسلم يا حاج / منعم

[marion]

الله عليك

[م/ احمد شومان]

تسلم سيادة النائب
موضوع يستحق موضوع
مهم جدا
بارك الله فيك

[MSINGER]

تسلم ايدك سياده النائب الكبير و جزاك الله خير الجزاء

[م /رمضان عابد]

جزاك الله كل خير
سياد النائب العام
الحج /منعم امبابى
موضوع اكثر من رائع

[مستر مصطفى ابوالحجاج]

تسلم لنا يا سيادة النائب
وجزاك الله عنا خيرا

[سعيد يحيى]

بارك الله فيك يا حاج منعم واكثر الله من امثالك

[Mr.Mohamed Fatthy]

جزاك الله كل خير
سياد النائب العام
الحج / منعم امبابى
موضوع اكثر من رائع

[مركز ابو عمر]

الله يفتح عليك يا حج

[المايسترو]

تسلم ايدك سياده النائب الكبير
الكبير كبير عمنا الحج

[م / مـحـمـد عـادل]

عندما يبدع الاستااااااذ

[م/طه]

تسلم ايدك سياده النائب الكبير و جزاك الله خير الجزاء

[محمدحسن2020]

شكرا جزيلا

هل الشرايح دى تنطبق على العداد المنزلى فقط ولا التجارى كمان ؟