قنبلة مصراوي سات استبدل كل ايسهات الباور بالايسي دا .....وارجع شغل الريسيفر الكوري

Medo_Gamal · #1 2025/06/27, 09:02 AM

قنبلة مصراوي سات استبدل كل ايسهات الباور بالايسي دا .....وارجع شغل الريسيفر الكوري
مع جمال عبد الحميد
بمديول ca888

انسي موضوع الايسي محروق والي مش باين
وللاجهزة الغير متوفر لها قطع غيار
وحتي المتوفر لها يوجد ايسهات في السوق بتضرب وترجع بعد يومين
وكمان هيوفر عليك تجيب ايسهات كتير لانك ببديل واحد هتشغل كله
وفي بعض الدواير لا يمكن استبدالها بدايرة صيني
وبتتلف بسرعة بسبب امبيرها ومكونتها الضعيفة
وفي بعض الدواير مدمجة مع بوردة الداتا فبيصعب تغيرها
-
الايسي منتشر منذ فترة كبيرة
لكن محدش استخدمه لسنوات في الريسيفير وعرفنا قدرته عمره مع الريسيفير
والحقيقية اني شغلت اجهزة بيه منذ حوالي سنتين وتعمل حتي الان بكفاءة
-
معانا المديول دلوقت
مكون من خمسة اسلاك ملونة
اللون الاسود وهو سالب المكثف ويرمز ب Gnd
اللون الاخضر وهو موجب المكثف الكبير ويرمز V

اللون الاصفر وهو يوصل في خرج ال300 فولت الخارجين من الشوبر ويسمي Drain
اللون الاحمر وهو يوصل علي رجل المكثف الصغير القريب من الايسي ويكون عادتا 50/47

اللون الابيض وهو يوصل في الرجل رقم 4 للفوتوكابلر

صورة توضح طريقة التركيب

اولا هنتاكد من الفيوز اذا كان تالف عن طريق الافو بالصفارة
اذا صفر يبقي سليم ولو تالف هنعمل كوبري بارفع سلكه ممكن
ثانيا هنراجع الدايودات في الصورة بس هنا العكس لو صفرت يبقي تالفة واستبدله بأي شبيه ليه من اي دايرة ريسيفر مش شرط نفس الرقم
يفضل يكون عندك سريا لتجنب الاضرار
ثالثا
هنوصل وهنتاكد من وجود فولت علي ارجل المكثف الكبير
بالافو ميتر
ويكونو حوالي 300 فولت
هنبتدي نوصل الاسلاك زي موضحنا
الاسود - سالب المكثف
الاخضر - موجب المكثف
الاصفر -الفولت الخاص بالشوبر وهتلاقيه ديما علي ارجل الايسي القديم ممكن تقيس بالافو وتكتشف انهي رجل واتبع مسارها لتجدها متصلة بالشوبر
لان في رجل تانية هتديك نفس الفولت والي واخدة فولت من موجب المكثف بس احنا عايزين الي رايحة للشوبر
الاحمر هنوصله بموجب المكثف الصغير وبيكون عليه فولت حوالي 10 او 12 فولت
الابيض هنوصلة بالرجل رقم 4 من الفوتو كابلر
واسهل طريقة تعرفها بيها هتكون الرجل المقابلة للرجل الي عليها النقطة
زي ما موضح في الصورة فوق
وبعدين نقطع مسار الرجل رقم 4 للفوتوكابلر

Medo_Gamal · #2 2025/06/27, 09:14 AM

وتمت التجربة علي استرا وترومان والهيروشيما وكيوماكس وتوب فيلد واريون وهيوماكس وبريفيكس
واليكم بعض الصور للرسيفيرات
عشان تتأكد بنفسك من النتيجة المضمونة
وبعد الشرح هتفهم التوصيل امامك في الدواير الاتية

ممكن ان تقوم بتثبيته في اقرب مسمار في الجهاز مع استبدال المسمار بواحد اطول
وممكن تعزلة بشريط لحام وتتركه بداخل الجهاز
واوجهة شكري لمصراوي سات الذي علمنا وتعلمنا في الكثير فهو بحر المبدعين
.
واسألكم الدعاء لوالدي برحمة والمغفرة كصدقة جارية له لانه من علمني
وانتظرو دائما القادم اقوي