الطريقة الصحيحة لتشغيل الدونجل غير المعدل و التردد الصحيح للداتا

مجدى الهوارى · #1 2012/04/20, 11:08 PM

السلام عليكم ورحمة الله وبركاته

باختصار كده

ربنا أنعم عليا برسيفرين

واحد دونجل والتانى عادى

عندى ترومان وباركليبس sst

نفذت كلام الاخ أحمد عبد النبى فى المثبتات

مع ضبط تردد الداتا اللى ذكره وهو 10770 /15730 أفقى

كان عندى من الأول لكن طلعت وصلت الإشاره ل 93% على الباركليبس

وبعدين نزلت تحت واديت الباركليبس سوفت هيرو

ووصلت واتأكدت من كل حاجه وكله تمام

لكن للأسف لم يعمل

أشيل السوفت وأمسح 5 مرات و10 مرات واظبط واشيل واحط

وفى ناس بتقول شغال وأنا قاعد هتجن

المهم قولت بص فيها تعب شويه

دخات قسم الترومان قلت أقلب الموضوع

أخلى الترومان دونجل والباركليس رسيفر

لاقيت كل المتابعات بتقول شغال وبثبات ومفيش مشاكل قسمنا هنا

طبعا برده لازم تردد داتا وهوا 12525 /2900 عمودى

التردد كان صعب شويه والاخوان قالوا لازم تظبيط الطبق وتثبيته كويس

وقطعه من نوع خاص ولام زى كده بصراحه الواحد كان مكسل

المهم شيلت العده وطلعت فوق السطوح جبت الطبق من جذوره

وثبته بالاسمنت والجبس من أول وجديد عشان يبقى مفيش حجه

رغم انه كان حديد لكن اعمل أيه لمخى الجزمه

الطبق متر

جبت الأوربى تمام والنايل تمام

وخشيت على اليوتل سات w3

وهنا ملحوظه خطيره وهامه وفنيه

متحطش تردد الداتا وتحاول تظبط عليه الإشاره

تردد الداتا ده لن يظهر له إشاره إلا بعد ثبات الطبق

فى مكان الإشاره من 3 إلى 5 ثوانى يعنى ممكن يا ولداه

مع الاستعجال تقعد تلف شمال ويمين واستحاله تيجى الإشاره

وعشان الاشاره تيجى لازم كل تلف سنتيمتر تستنى شويه

المده دى........يعنى فيها ع الاقل 3 4 ساعات ع السطوح

لا لا لا لا

فيه حل أسهل من كده بكتير

فيه تردد ساهل بس ضعيف شويه

10720 / 27500 رأسى

أو

10720 / 22000 أفقى

لكن أنصحك بالتردد الأول لأن الثانى قوى جدا

ولو جبت الأول وعليت شويه هتلاقى إشارة الداتا جت

وده اللى أنا عملته

ظبط على 10720 رأسى

وعلى فكره كنت بظبط برسيفر رونى لأن إشارته

مثل أغلب الرسيفرات الصينى الأخرى صغيره لكنها قوية

وهتعرفوا ازاى دلوقتى

مع التحريك الدقيق براحه وبالملى

ومع زق الطبق نفسه يمين وشمال من فوق وتحت بدون تحريكه

وصلت إشارة 10720 رأسى ل 55% تقربا
و 10720 أفقى / 22000 لقيتها 76 %

طبعا مكانش معايا التلفزيون فوق

قلت تردد الداتا جه يبقى كتر خيره

مجاش يبقى طز

نزلت تحت جربت الاشاره على الباركليبس

لقيت تردد الرأسى الى كان ع الرونى 55% بقى 88% ع الباركليبس

والأفقى اللى كان 76 % بقى 93% أه والله هذا ماحدث وعندى الأن

مع تغير طفيف حسب الوقت وحالة الجو

المهم جربت تردد الداتا على الباراكليبس اللى هوا 12525 / 2900 رأسى

الحمد الله لقيته جه مابين 60 و 64 %

المهم شغلت الأول دونجل الترومان اشتغل صاروغ واتفرجت

على ماتش تشيلسى و بارشلونه على بلس 7 بتعليق الشوالى

وفاضل شغال 10/10 لغاية دلوقتى لكنى رجعت أقلب تانى

قلت اجرب دونجل الباراكليبس يمكن يجى مبعد ما ظبطت

على تردد الداتا الجديد

والله يا إخوان مجرد ما عملت كل التظبيطات وجبت خاصية SSSP
اللى هيا التوين بروتوكول

لقيت الجزيره بلس 5 فتحت صاروخ

لم انتظر حتى 3 ثوانى والدونجل اشتغل تمام

لكن ملحوظه هامه

دونجل القسم هنا كثير التقطيع

ولما تروح لقناه مجانية وترجع لقناة مشفره

لازم تستنى شويه عشان تفتح

كمان لو طفيت الدونجل باور إنسى يشتغل تانى

إلا لما تديله سوفت من جديد

طب وعلى إيه وجع الدماغ ده

رجعت لحبيبى ترومان تانى لأنه طلقه

وقلت للباراكليبس أنت طلقه بالتلاته

ههههههههههههههه

دى كانت حكايتى مع الدونجل

وتوته توته خلصت الحدوته

يا ريت تكونوا استفادتوا منها

والسلام عليكم ورحمة الله وبركاته

على الترومان

aboashour · #2 2012/04/20, 11:14 PM

والله كلامك جميل وتستاهل الف بوسه وانا ارجو التثبيت من القسم

fareselmasry2010 · #3 2012/04/20, 11:33 PM

تسلم يا غالي علي المجهود الرائع وانا عندي ريسيفر محلل للباراكليبس الي انت طلقته بالتلاته نجوزهم لبعض عشان تستخدمه تاني بس هنستخدمهم ريسيفر مش دونجل لان حوار الدونجل اليومين دول بقي ملل وشلل ع العموم تسلم ايدك

مجدى الهوارى · #4 2012/04/21, 12:03 AM

اقتباس:

المشاركة الأصلية كتبت بواسطة fareselmasry2010

تسلم يا غالي علي المجهود الرائع وانا عندي ريسيفر محلل للباراكليبس الي انت طلقته بالتلاته نجوزهم لبعض عشان تستخدمه تاني بس هنستخدمهم ريسيفر مش دونجل لان حوار الدونجل اليومين دول بقي ملل وشلل ع العموم تسلم ايدك

ههههههههههه

وأنا جاهز يا باشا

جهز المهر

ابوعلى للدش · #5 2012/04/21, 12:30 AM

دا عذاب يا غالى

مجدى الهوارى · #6 2012/04/21, 01:03 AM

اقتباس:

المشاركة الأصلية كتبت بواسطة محمد على بيك

دا عذاب يا غالى

عذاب أخرته حلوه

واللى عاجبه من الكحل يتكحّل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الطريقة الصحيحة لتشغيل البورت 40	hani68100	كيوماكس 999 جولد	3	2014/08/22 08:09 PM
ممكن الطريقة الصحيحة لتشغيل فلاشة موبينيلe173	احمد شعلان	كيوماكس 999 HD ( V1, V2, V2.2, V3 )	5	2013/09/27 01:27 PM
الطريقة الصحيحة لتشغيل gbox مع dvb dream	كريم عبدالفتاح	MyTheatre و DVB Dream	8	2013/01/14 08:37 AM
الطريقة الصحيحة لتشغيل الدونجل غير المعدل و التردد الصحيح للداتا	مجدى الهوارى	أرشيف قسم كيوماكس 999 و هيروشيما و باراكليبس و فيجا و فانتوم	56	2012/04/29 12:32 AM
الطريقة الصحيحة لتشغيل الاصدار الجديد micobox1-1.70	ايمن شوشه	الأرشيف و أهم المعلومات الثابتة	7	2011/05/07 05:34 PM