[thebrokenhearte]

السلام عليكم ورحمة الله
بصوا دلوقتى انا عندى مشكلة غريبة ممكن تكون اول مرة تتحط هنا فى المنتدى
معلش بس ركزوا معايا واحدة واحدة عشان فى لخبطة فى المشكلة
------
دلوقتى انا عندى ريسيفر الجوكر وانا على سوفت الاصلى 3.43
وعندى نايل سات واوروبى وكان شغال تمام والحياة بمبي

دلوقتى ابن عمى ساكن فى الشقة اللى جنبى و جاب ريسيفر تانى ليه
ومدخل قمر واحد بس النايل سات بس

دلوقتى احنا الاتنين شغالين على طبق واحد اللى هو الطبق بتاعى
بس اشترينا قطعة واحد للنايل سات بس طبعا القطعة دى بمخرجين
عشان احنا الاتنين يبقى عندنا نايل سات
بس يبقى كل ريسفر فينا مستقل بزاته تمام لحد هنا ؟؟؟


المشكلة بقا .. دلوقتى طول منا جايب عندى قنوات من النايل سات الموضوع يمشى تمام عندى وعنده هو كمان

لكن لو غيرت عندى انا على اى قناة من الاوروبى زى نوفا او سكاى مثلا
يقوم الاستقبال عنده هو فى البيت يقف ويكتبله مفيش اشارة

ولو انا غيرت تانى ورجعت على اى قناة من النايل سات عندى
يقوم الاشارة عنده ترجع والقنوات تشتغل معاه تانى

مع ان عدسة النايل سات زى ما قولتلكم بمخرجين
يعنى المفروض كأن كل واحد فينا عنده قطعة نايل سات مستقلة خالص
صح ولا انا غلطان ؟؟؟

ده غير ان الاوروبى ده عندى انا بس هو مش واخد منه اى سلك عنده
يعنى المفروض ان الاوروبى ده هو مالهوش دعوة بيه

يبقى ليه بقا المشكلة اللى بتحصل دى
بالله عليكم لو حد يعرف يفهمنى لانى خلاص عقلى حيشت
مستنى ردودكم بجد عشان عقلى وقف ومش لاقى حل

[mr_shaban1981]

أخي اتاكد من القطعة
لانها ساعات بتعمل كده

[مسعد صبري]

المشكلة في lnb ذات المخرجين وقابلني الموضوع ده كتييييير لما كنت شغال في الدش هات lnb نوع كويس مش أي نوع

في نوع كنت بجيبه على طول كان إسمه ستار بورت

[m.the.king]

المشكله عندك فى حجتين

1: القطعه خربانه جيب حاجه اعلى واهم حاجه تكون hd تمام كده
2: وده تجربه قبل ما تغير القطعه انك فى الطرف الخاص بيك من lnb شوف كده الدايزكت متوصل اذاى الديزيكت ليك لازم يكون فى مخرج النيل سات والاوربى مع بعض فى الديزكت يعنى قريبك سلكه خارج من lnbعلى طول من غير الدايزكت خالص شوف كده قبل ما تغير القطعه

[mansourgouda]

المشاركة الأصلية كتبت بواسطة مسعد صبري

المشكلة في lnb ذات المخرجين وقابلني الموضوع ده كتييييير لما كنت شغال في الدش هات lnb نوع كويس مش أي نوع

في نوع كنت بجيبه على طول كان إسمه ستار بورت

دا رأى سليم 100فى 100
هاتlnb سترونج واو اى حاجة عالية

[totophone]

ياسيدى القطعة 2 مخرج من 45جنية الى 50 جنية والطبق تمنة 35 جنية lnb الفردى ب 13 جنية وكان كل واحد استقل بطبقة وخلص الموضوع لان القطعة الزوجى
انا جربتها كتير فى تركيبات الدش ولاكن دون جدوى انا مرة ركبتها لاتنين اخوات اشتغلت عندهم 3 ايام وانحرقت فاانا لا انصح بالقطعة الزوجى اطلاقا

[thebrokenhearte]

شكرا للرجالة
حجرب كل الحاجات اللى قولتولى عليها يا جماعة
وحشوف ايه اللى حيحصل

[سالم الشنيطى]

المشاركة الأصلية كتبت بواسطة totophone

ياسيدى القطعة 2 مخرج من 45جنية الى 50 جنية والطبق تمنة 35 جنية lnb الفردى ب 13 جنية وكان كل واحد استقل بطبقة وخلص الموضوع لان القطعة الزوجى
انا جربتها كتير فى تركيبات الدش ولاكن دون جدوى انا مرة ركبتها لاتنين اخوات اشتغلت عندهم 3 ايام وانحرقت فاانا لا انصح بالقطعة الزوجى اطلاقا

اخى الفاضل دة مش منطقى نهائيا انك ماترشحش القطعة 2 مخرج
اقولك
اولا القطعة 2 مخرج فيها الحلو وفيها الزفت واسف فى اللفظ
2 القطعة 2 مخرج مش بتتقارن ب1 مخرج لانها زات تقنية عالية الجودة وليست رديئة
فيفضل استرونج ترومان او اريون ومن الاخر هية الاريون نااااااااااااااار

[محسن يوسف]

المشكلة فى الدايزك

[سالم الشنيطى]

المشاركة الأصلية كتبت بواسطة محسن يوسف

المشكلة فى الدايزك

فعلا بنسبة 90 فى ال100 لانى صادفتنى اكثر من مرة
كانت المشكلة فى ان النايل سات شغال دايزك واحد والاوروبى دايزك 4
لما كنت بحول اللاوربى وارجع للنايل سات الاقى الاشارة مش موجودة افصل سلك الاشارة عن الجهاز واوصلها تانى يشتغل

[mansourgouda]

المشاركة الأصلية كتبت بواسطة محسن يوسف

المشكلة فى الدايزك

لأ حضرتك الدايزك مفيش فية مشكلة