[sam_pon]

اشتريت هذا الجهاز

وبصراحة لا أعرف له أي شيء
يعني مثلا كيف أعرف اصدار السوفتوير الخاص به
وما هي السوفتويرات المناسبه له
وكيف يمكن سحب السوفتوير منه احتياطيا لتشغيله مره أخرى في حالة حدوث مشكله في السوفتوير
وهل هو جهاز جديد أم جهاز قديم وتم تغيير اسمه فقط

هو مكتوب عليه MFT 910 لكن لا أجد له أي أثر على النت

الله يكرمكم اللي يعرف حاجه يا ريت يساعدني
وجزاكم الله كل خير

[سعد دش]

اخى طلبك موجود بالمثبت هنا

[sam_pon]

جزاك الله كل خير أستاذي الكريم سعد على ردك الجميل

ولكني بصراحة لم أفهم ماذا تعني تحديدا
هل المقصود أن ما أطلبه من سوفتوير ولودر وشرح موجود بالموضوع المشار إليه
أم المقصود أن طلبي متكرر في الموضوع الحالي والموضوع المشار إليه

لو كنت تعني أنني كررت طلبي فهذا لإني لم أجد ردا في الموضوع المشار إليه
ولو كنت تعني أن أبحث عن ما أطلبه بالموضوع المثبت فتأكد أنني حاولت ذلك ولأن الصور لا تظهر في الموضوع المثبت فلم أعرف جهازي يصلح له أي سوفتوير ، كما أنني لم أجد أي سوفتوير يخص mft 910 بدون أي لاحقه للأسم مثل plus أو new أو غيرها ، لذلك لم أعرف ماذا يلائمه من السوفتوير والودر

مره أخرى جزاك الله كل خير ، وأتمنى أن تكمل جميلك بالتوضيح بالشرح
يعني يكون الرد على شخص مبتدىء مثلي : بأن جهازي ينتمي لفئة ..... أوهو شبيه لموديل ..... ويصلح له اللودر ...... والسوفتوير الخاص به يأتي على شكل ...... ويمكن البحث عنه في موقع ......
سامحوني على الإطاله ولكننا كلنا نبدأ صغار وبالخبرة وبمرور الأيام يزداد علمنا ، فلا تحرمونا مما أنعم الله به عليكم من العلم والخبرة

ويارب ما يتقفلشي الموضوع بعد الكلمتين اللي أنا قلتهم دول وأجد أن الموضوع مغلق

وجزاكم الله كل خير

[سعد دش]

اخى الكريم الملف مكتوب عليه mft 910
والشرح موجود فى موضوع منفصل بالمثبت

[sam_pon]

أول حاجه جزاك الله كل خير يا باشمهندس على سعة صدرك وردك على سؤالي
ثانيا : معلشي يا باشمهندس سعد أكيد حضرتك تقصد الملف ده :
MFT_910_1129
مش كده ولا أنا غلطان

معلشي استحملني كمان شويه صغيرين ، وآخر سؤال حاسأله : ازاي اقدر اعرف رقم السوفتوير الموجود بالريسيفر ده ، لأني حاولت في القوائم بتاعته كلها وحتى القائمة المكتوب فيها information لقيتها بتديني معلومات عن القمر وقوة الإشارة ، وبصراحة مش عارف ايه السوفتوير اللي عليه عشان اعرف اذا كان محتاج تحديث او لا

معلشي يا باشمهندس والله انا عارف اني تعبتك معايا بالريسيفر التعبان ده ، بس أنا عارف أنك راجل محترم وعشمي فيك أنك تساعدني

وجزاك الله كل خير مقدماً ومؤخراً

[sam_pon]

معلشي يا باشمهندس
تعديل بسيط بس على ردي السابق
لما رحت البيت فتحت تاني قائمة information اللي قلت لك عليها ولقيت آخر سطر فيها مكتوب فيه
version : blw-32k-l5ga
وحاولت ابحث عن الرق ده على النت ، لكن بدون فائده
كما أن رقم السوفتوير مختلف تماما عن السوفتوير الموجود بالملف الخاص بالريسيفر

الصح ايه بالضبط ، ياريت تساعدني
مشكووووووووووووووووووووور

[سعد دش]

لو كان الجهاز اللى موجوده صورته
فى اول المشاركه يبقى هو السوفت
اللى موجود بالمثبت حمله لجهازك

[sam_pon]

تسلم أيدك يا باشمهندس
أنا حأتوكل على الله ثم عليك وأحمل السوفتوير اللي حضرتك رشحتهولي
ولو الجهاز باظ يبقى أنت المسئول تجيبلي واحد بداله وياريت يكون hd

ههههههههههه

طبعا بأهزر معاك ، بس فعلا إن شاء الله حأنزل السوفت وإن شاء الله كله حيكون تمام

أشكرك من كل قلبي يا باشمهندس على اهتمامك وعلى مساعدتك الجميله

أخوك
سامر محمد المليجي

[سعد دش]

اى خدمه ال hd موجود ومعاه ***** سنه مجانى
ياريت بعد تحميل السوفت توافينا بالنتيجه

[sam_pon]

حبيب قلبي يا باشمهندس سعد
متشكرين أوي على ال hd وأنت معرفتك في حد ذاتها أحسن من مليون hd

للأسف الشديد حاولت بكل الطرق أني أنزل السوفتوير اللي اتفقنا عليه واللي هو
MFT-910-1129
لكن للأسف بدون فائده
طبعا الخطوات كانت كالآتي :
قفلت الباور الخلفي للريسيفر
وصلت الكابل
فتحت البرنامج ( طبعا بعد ما فكيت الملف المضغوط في فولدر جديد )
فتحت زرار الباور ( لم يحدث شيء واشتغل الجهاز على وضع off )
ضغطت على زرار الباور ( فتح الجهاز عادي جدا كأنه متوصل بالتليفزيون )
حاولت أكثر من مره بطرق مختلفه بدون أي فائده

يتهيألي أن اللودر ده مش مناسب للجهاز اللي عندي
هو على فكره الفرق الوحيد بين جهازي والصوره اللي أنا حاططها هو أن جهازي لونه فضي ، واللي في الصوره لونه ذهبي ، وجهازي برضه فري تو اير وبدون أي فتحات للكروت أو كامات مدمجه أو يو اس بي ، واللمبتين بتوع الستاندباي ( الحمراء ) واللوك ( الخضراء ) منورين سواء كان الجهاز يعمل أو مغلق

وعندي أمل أنه يكون بينزل له سوفتوير تاني من نوع تاني بإمكانيات أفضل من اللي موجود به ، أو حتى يكون له تحديث أو موقع على النت ، لأن حتى موقع ميديا كوم ليس به أي ذكر لهذه النوعيه
بيتهيألي حتى لو مصنوع تحت السلم في الصين حيكون تقليد لجهاز تاني ومختلف بس في الشكل الخارجي

معلشي انا تعبتكوا معايا