[azima_aaa34]

عايز طريقة لتوصيل الجوكر بتليفزيون
آخر ولكن التليفزيون التاني قديم مفهوش اوديو وفيديو
في الجاك العادي بتاع uhf بتاع الايريل
والجوكر مفهوش الفتحة دي
فهل في اي طريقة لتوصيله أو قطعة تحويل ويريت لو ليها صورة ولو امكن السعر

[محمود الغندور]

فى قطعة ب 20 جنية
بتحول ال rf الى اديو فيديو
ممكن تعمل مشترك اديو فيديو تاخدة من الجوكر
طرف يروح على تلفزيون
والطرف التانى هيروح على القطعة
والقطعة خارج منها جاك rf الى بيركب مكان الاريال العادى
وتبحث وتستقبل الصورة
وعلى فكرة كمان القطعة دى بتحسن الصورة كتير
انا ركبتها اكتر من مرة عند اصدقاء

[mansourgouda]

موجودة فين دى حضرتك اللى بتحول من مخارج صوت وصورة الى rf
اللى انا اعرفة انها بحوالى 200 جنية

[azima_aaa34]

حضرتك متأكد إنها بــ 20 جنيه بس

[محمود الغندور]

يا باشا والله العظيم انا اشترتها اكتر من مرة
لان وجهتنى المشكلة دى وانا بركب دش عند ناس كتيرة
ان الريسيفر يكون مش مجهز بفتحة rf والتلفزيون مفيهوش اديو فيديو
واشترتها للزبون بنفسى لانة قال انا معرفهاش
مرة اشترتها ب 20 جنية ومرة 25 جنية مبتزدش عن كدة
لان فكرتها بسيطة جد هى علبة صغيرة مجهزة بمدخل فيديو ومدخلين اديو
وليها طرنز صغير وخارج منها طرف rf
حضرتك بتاخد الاديو فيديو من الريسيفر تركبو فيها
وتركب الطرنز بتاعها فى الكهرباء وتركب مخرج ال rf فى التلفزيون
مكان الاريال العادى وتبحث عادى هتلاقى الصورة وكمان هتكون جميلة

[azima_aaa34]

ألف شكر يا باشا على الرد

[وائل الدش]

المشاركة الأصلية كتبت بواسطة محمود الغندور

فى قطعة ب 20 جنية
بتحول ال rf الى اديو فيديو
ممكن تعمل مشترك اديو فيديو تاخدة من الجوكر
طرف يروح على تلفزيون
والطرف التانى هيروح على القطعة
والقطعة خارج منها جاك rf الى بيركب مكان الاريال العادى
وتبحث وتستقبل الصورة
وعلى فكرة كمان القطعة دى بتحسن الصورة كتير
انا ركبتها اكتر من مرة عند اصدقاء

كلام سليم100/100

[حجاج123]

شكرا على المعلومه اخى الغالى
محمود الغندور

[totophone]

صحيح هذا الكلام هى حضرتك 20 جنية بس وموجدة فى محلات الريسفيرات عادى اسئل صاحب المحل عليها وان شاء اللة تلاقيها

[samir hh]

الي ب20 جنيه بتحول rf vh
اما 200 بتحول rf uhf

[احمد جمال (ابو جمال)]

يعني اية يا اخي وضح اكتر

[azima_aaa34]

المشاركة الأصلية كتبت بواسطة samir hh

الي ب20 جنيه بتحول rf vh
اما 200 بتحول rf uhf

يعنى ايه ممكن توضيح

[mansourgouda]

المشاركة الأصلية كتبت بواسطة samir hh

الي ب20 جنيه بتحول rf vh
اما 200 بتحول rf uhf

على فكرة vh و uhf الاثنين واحد

[elnady]

اخى الفاضل
هاتجيب عدد 2 مشترك اوديو فيديو الواحد بحوالى 2.5 جنيه هاتحط كل واحد فى خرج هايديلك 2 خرج صوره و2 خرج صوت هاتاخد خارجين للتليفزيون اللى جنب الجوكر والخارجين التانين هاتجيلهم وصله اوديو فيديو جاهزه بتبدأ من 2 متر لحد 10 متر ولو عايز اكتر ممكن تتعمل بالطول اللى انت عايزه وتبقى انت كده بتتفرج على الصوره نقيه على التلفزيونيين.....وشكرا