[خلف الفنان]

تاني اجيبلك دموع منيين

الدمع بيجري من العيون يسبق الموج الحزين
والحزن فيا بالف لون كانه فيا من سنين
دموع كتير عالشهيد اللي فـ يناير راح ضحيه
وبحبه ليكي كان رهين
عاللي كانوا بيهتفوا وبعزمهم لاجل القضيه
وبالحب فيكي متجمعين
عاللي كانوا بيحلموا يقدمو اجمل هديه
بيكي يبقو متحررين

********
زي الغنم بيفرقوهم
بالرصاص بيقتلوهم
وبكل قوه بيدهسوهم
كانهم متسلطين
وتاني اجبلك دموع منيين

على اللي راحوا في بور سعيد
على فرح فينا كان وليد
ضيعوه في مطش كوره
وجرحو فينا الوريد
اخويا واختي اللي فـ يناير بيهتفوا وبكل قوه
كان يناير رمز ليهم داقوا فيه طعم الاخوه
لاجل الكرامه اتصدوا فيه للي كان عامل فتوه
بقضيه واحده جمعونا
قالوا للدنيا اسمعونا
لو يرهبونا
لو يقتلونا
لو ينسفونا
احنا بحبها متمسكين
***********

الفرح ليهم دق الطبول
الثوره نجحت رغم الفلول
للكلمه معنى والف قول

ايدواحده يا بلادي ومش هنبقي فيكي تاني متفرقين
من قلوبنا كان كلامنا ولا كنا مسحورين
لما نيجي فـ مطش كوره ننسف الحب الدفين
يبقى احنا بجد ثورنا ولا كنا متهورين
ياناس قلولي بنحبها ولا فيها احنا مين
عايزنها حره ولا مابتفرقش فينا تبقى مين
يادموعي طايحه بالراحه مالك رايحه فين
متقوليلي بكايا مرساته لمين
***********

ابكي عالطفل اللي راح
ولا عالكره اللي فاح
ولا على نفس الجراح
اللي كانت من سنين
وتاني اجيب الدموع منيين
*******

ابكي عالمقتول سدى
ولا عالقاتل كده
ولا دمعي يروح لمين
********

لو سالته ليه قتلته
ولاجل مين
الدم غالي ازاي هدرته
وباسم مين
دانتا فـ يناير يوم حضنته
وبسته مره عالجبين
ازاي قتلته ازاي دبحته
والحب فين
**********

دم الاخوه انتا استبحته
تبقى مصري ولا قلي تبقى مين
دوري ايه اللي انتا فاكره شيئ عظيم
دا اللي حلاه في عيونك شيطان رجيم
شايل سلاحك في المدرج ومنتاش رحيم
وبتكن لاخواتك عدى ومنتاش كظيم
طب قولي لاجل مين
وباسم مين
والكره كله ده منيين
**********

آه وآه منك يا عين
مستكتره بحر دموعي
ولا مش لاقيا المعين
بالله عليكي يا عيوني
قوليلي اصل الدمع فين
عايز منه املى كفوفي
اطفي نار قلبي الحزين
تاني اجيبلك دموع منيين

خلف محمد

[احمد جمعه السيد]

[خلف الفنان]

شكراً استاذ احمد
لمروك الذي شرفني
وردك الذي اسعدني
تسلم وبارك الله فيك

[الجعفرى_105]

تسلم اخى الحبيب