[mohamed homos]

من الواضح أن المعركة لم تنته بعد.. فقد قام عدد من الشباب بعمل صفحة على الفيس بوك تحمل صورة واسم أحد المتسببين في مجزرة بورسعيد.. تحت مسمي" أحمد عتمان.. مطلوب حيا أو ميتا"..


كما قام بورسعيدي آخر بدعوة البورسعيدية للاستعداد لمقابلة ألتراس الأهلي والوايت نايتس الزملكاوي وأكد أنهم سوف يحضروا إلي بورسعيد اليوم "علشان ياخدوا حق العيال اللي ماتوا" حسب تعبيره.
أما عن أحمد عتمان البورسعيدي فقد كتب على صفحة " رابطة عشاق النادي المصري" قبل اللقاء قائلا" لو جاي بورسعيد اكتب لأمك وصية"، مما اعتبره عدد كبير من جماهير الأهلي دعوة للاعتداء عليهم، وقاموا بعمل صفحة على الفيس بوك تطالب بإلقاء القبض عليه.
وبعد اللقاء قام أحد الأهلاوية بالرد عليه وكتب على نفس لصفحة قائلا" اي واحد من بورسعيد طالع على القاهره يبقى يكتب لأمه وصيته انتم قلتوها للأهلي واحنا نردهالكم دلوقتي والناس إلي ماتت ذنبهم في رقبتكم.




ومنذ المعركة وحتى الآن وصفحات جماهير المصري تتلقي الهجوم والشتائم، بأفظع الألفاظ، وبعض البورسعيدية يردون على الشتائم والبعض الآخر يحاول التهدئة ويؤكدون أننا جميعا مصريين.
ولكن أخطر ما يحدث الآن على الفيس بوك هو قيام أحد البورسعيدية اسمه "بيسو" بدعوة أهل بورسعيد للاستعداد لملاقاة الألتراس والوايت نايتس قائلا" يا جماعه في اخبار دلوقتي ان الاتراس الاهلوي والوايت نايتس الزمالكاوي اجتمعوا مع بعض وهاييجوت النهاردة بورسعيد علشان ياخدو حق العيال الي اتضربت واتعورت والي مات.. فعاوزين كل بورسعيدي يبقي جاهز للنهاردة انشاء الله.. ولله العظيم الخبر ده اكيد"، كما دعا إلي عمل لجان شعبية عند كل عمارة، ولكن البعض يحاول تهدئة الموقف، وقال أحد الشباب" مش عاوزين نكبر الموضوع كلنا مصريين"
ويحاول أحد البورسعيدية الدفاع عن أهل بورسعيد قائلا" ممكن أسأل سؤال يتهمون كل البورسعيديه بأعمال الإدانه علي حدث في بورسعيد..إذن كل الجرائم والمصائب التي تحدث في القاهره كل أهالي القاهره مسئوله عنها من قتل أبرياء في الموسكي .. إنهم بلطجية من ضمن البلطجية .. فلماذا تحاسبونا جميعاً ولا تحاسبون انفسكم ايضا علي ماحدث في ماسبيرو وموقعة الجمل وابرياء الموسكي".




كما قام أحد الأهلاوية بتوعد جماهير بورسعيد على صفحتهم قائلا" عموما اللي انتو عملتوه كويس بس قابلو بقا لسه لكم 9 ماتشات في القاهرة واسكندرية"، وحاول أعضاء الصفحة تهدئته وأنه لا داعي لهذا الكلام، ولكن علق آخر قائلا" لو جماهير الأهلي محترمة ماكانش حصل كل ده" .

[السيدعبدالعزيز]

كلها امور صبيانية

الكلام اكبر من كل هذا وذاك

دول اخرهم شغب شتيمة ضرب غير مؤذى

انما الموضوع اكبر منهم بكتير ومدبر من راس كبيرة .

[mohamed homos]

دول اخرهم شغب شتيمة ضرب غير مؤذى

الاهلى بقاله اكثر من 20 سنة فى مشاكل بينه وبين المصرى اتعودنا على كده
لكن موصلتش للقتل

انما الموضوع اكبر منهم بكتير ومدبر من راس كبيرة

كلام سليم 100%

[مصطفي يحيي عيد]

لا يا حاج سيد مش امور صبيا اللي مات له واحد قلب محروق عليه انت مش مجرب ربنا ما يوريك انا ابن عمي توفي ايام الثوره لو تسمع عن شهداء مركز ببا مامور القسم اطلق النار عشوائي ع الناس وابن عمي لا كان له في الطور ولا الطحين راجل ملتحي ورايح شغله خد رصاصه واحده لكنها في القلب وطبعا الستشفي بتاعتنا تعبانه علي ما فكرنا نروح المحافظه بيننا وبينها20 كيلو انتهي امره في الطريق وايه كان الفرح بتاعه الخميس اتقتل السبت قبلها ب4 ايام وتقولي امور صبيا بورسعيد خلاص الناس اتعقدت منها زي الشرطه

[منصوراوى]

الموضوع مؤامره من الشرطه والجيش على الشعب