[طه بغدادى]

النهاردة هنبتدى مع بعض شوية مقالب للويندوز هنعملهم فى اجهزة اصحابنا على سبيل المزاح فقط و للتسلية وهنعرف من وراها حيل للويندوز جديدة

المقلب الاول:

1- كليك يمين على سطح المكتب ونختار arrange icons by ومنها نشيل الاختيار من امام show desktop items بعدها هنلاقى ايقونات سطح المكتب اختفت !!!!!!!!


2- نزود العملية شوية قبل ما نعمل الخطوات اللى فوق نضغط على مفتاح Printscreen اللى بنصور منه سطح المكتب وبعدين نفتح الرسام Painter بكتابة الامر pbrush فى قائمة Run

بعد ما يفتح الرسام نختار من قائمةEdit الامر Paste عشان ننسخ صورة سطح المكتب وبعدها من قائمة File نحفظ الملف على هيئة صورة بامتداد bmp ونحفظها فى اى مكان على الهارد باى اسم

بعد كده نروح لسطح المكتب وكليك يمين على مكان فارغ ونختار Properties ونختار desktop ثم browse ونبحث عن الصورة اللى عملناها من شوية وبعدين Ok ومننساش نعمل الخطوة الاولى مهم جدا

لما نيجى نضغط على اى ايقونة على سطح المكتب مفيش اى استجابة !! وكأن سطح المكتب هنج !!

الفكرة ببساطة ان احنا صورنا سطح المكتب وعملنا الصورة خلفية ليه طبعا الصورة ثابتة مش حية لما ييجى يضغط اى ايقونة مش هتفتح معاه




3- فك المقلب: نرجع اللى عملناه فى الخطوات السابقة

[امير العذاب]

ههههههههههههههههههههههه

[@@@ محمد كمبيوتر @@@]

تم تصوير الموضوع
والتبليغ عليه

[ماجد محمد]

هههههههههههههههههههههه. أما مقلب صح لو متعرفش ترجع كل حاجه زى ما كانت

[jaber alking]

تسلم على المقالب انا ما بحب المقالب ههههههههه

[russia199]

مقلب جامد تسلم يا غالى

[بيبه عادل]

[عبدالوهاب محمد]

هههههههههههههههه
فكره حلوه
تسلم استاذى الغالى
واصل ابداعك