[ايمن الشريف]

السلام عليكم ورحمه الله وبركاته
بعد اذن الجميع عايز حد يفهمنى انا كنت ناوى انزل اشترى رسيفر الجوكر فرجن 2 علشان الكل هنا بيشكر فى وبعد كده قرات موضوع هنا فى المنتدى بى اسمه خلاصه ال اتش دى فى مصر وكان يقول الجوكر مش حلو وفى عيوب كتير وكمان مش فول اتش دى والصوره وحشه وفى رسيفر اسمه comix hd
ده الافضل علشان ده قول اتش دى بجد محتار ايه الفرق وكمان ايهما افضل وكمان هل الجوكر فرجن 2 فول اتش دى علشان انا عندى شاشه فول اتش دى
بالله عليكم الى عنده معلومه مفيده ما يبخلش بيها لله تعالى
منتظر ردك على احر من الجمر وسمحونى على الاطاله

[messi love messi]

بص يااستاذ ايمن الافضل دلوقت فى السوق ترومان اتش دى
وبيديك 6 شهور ***** مجانى
وبة مكان فلاشة نت
الصورة ممتازة فية
بس العيب الوحيد انة تمنة غالى تقريبا 1000 جنية

[ايمن الشريف]

شكرا اخى على ردك جزاك الله خير هو فعلا غالى بس الغالى تمنه فى بس هل انت جربت الجوكر

[messi love messi]

لا بس بسمع انة بة عيوب

[شوقى نجيب]

المشاركة الأصلية كتبت بواسطة ايمن الشريف

شكرا اخى على ردك جزاك الله خير هو فعلا غالى بس الغالى تمنه فى بس هل انت جربت الجوكر

يا أيمن لا تدور و لا تحتار
الجوكر زى الفل هاته و توكل على الله
لحسن السوق فيه حوالى 100 جهاز إتش دى
كل يوم هتزداد حيرة أكتر و الجوكر شهرته و دعمه
أكبر من إننا نشكر فيه

[w_202055]

لا منافس للعملاق دريم بوكس اتش دى


[IMG][/IMG]

[MSINGER]

المشاركة الأصلية كتبت بواسطة w_202055

لا منافس للعملاق دريم بوكس اتش دى


[img][/img]

اخى الغالى ما ثمن الدريم الان فى مصر ؟

[شوقى نجيب]

يا أخى الراجل مستغلى الترومان أبو ألف جنيه
تقوم تقله دريم بوكس حرام عليك

[ايمن الشريف]

شكرا للجميع على المشاركه
الدريم بوكس جهاز جميل فعلا بس غالى
فى كتير بيقول الجوكر اتش دى شغال زى الفل
وفى ناس بتقول غير كده علشان محتار بس انا نفسيا
مرتاح للجوكر بس هههههههه بس محتار او مش فاهم
الجوكر فرجن 2 فى منه الاحمر الاسود البرتقالى ايه الفرق والافضل
بسرعه الفلوس حطيييييييييييييييييييييييييييييييير

[w_202055]

المشاركة الأصلية كتبت بواسطة شوقى نجيب

يا أخى الراجل مستغلى الترومان أبو ألف جنيه
تقوم تقله دريم بوكس حرام عليك

ههههههههههه

انا بجيب من الاخر

والغالى ثمنة فية

وتحياتى لك

[w_202055]

المشاركة الأصلية كتبت بواسطة MSINGER

اخى الغالى ما ثمن الدريم الان فى مصر ؟

الدريم بوكس 8000hd


4500جنية


الدريم بوكس 800hd


2500جنية


بس انا مش متاكد من الاسعار دى بس هى فى الحدود دى


وتحياتى لك

[عماد رياض]

يا اخى الفاضل عن تجربة لا تجيب كمكس 999 اتش دى صورة وحشة جدا على الاتش دى هو بس السرفر بتاعو ثابت وقوى ولة حتى الجوكر انا كنت زيك كدة وكنت اربت من كتر ما مش عارف اشترى انهى رسيفر مكنتش هشترى اى حاجة الا عندما شفت رسيفر عند صديق لى وشغال على شاشة ال سى دى سامسونج فعلا من بعيد وجمال الصورة انا قلت اكيد الرسفير الى شغال دريم بوكس من نقاء الالوان ولكن فجيت عندما قال انها رسيفر PANSAT9000 HDمن شركة الكترونيك هاوس بسعر 590 جنية فول اتش دى كورى الصنع بها سرفر لمدة عام بيشتغل على قوة اتش دى 1080 i بها تصفح يوتيوب بها مدخل فلاشة بيتشغل على فلاشة اتصالات لو مفيش عندك نت دى اس ال انا اشتريت الرسيفر وبجد والله الصورة روعة على الاتش دى وكمان على القنوات العادية الصورة تحفة انصحك ان تتوكل على الله لان دة من انضف الاجهزة الان يعنى من الاخر هو او الدريم بوكس والسلام عليكم

[ايمن الشريف]

شكرا اخى عماد على النصيحه وشكرا للكل على المشاركه
بس اخى عماد انا اعرف انه جهاز جميل فعلا بس مش بيقبل شيرنج مدفوع الا عن طريق الشركه الخاصه به وبعد اذنك هل الجهاز عربى يعنى القائمه وهل ممكن اكتب القنوات بالعربيه
وشكر

[عماد رياض]

يا اخى الفاضل الجهاز يقبل شيرنج مدفوع وعن تجربة فى باب اللوق كنت فى محل للصيانة خاص برسيفر كيومكس ودخل فنى بلرسيفر وطلب سرفر مدفوع لمدة 3 شهور علشان الجهاز ودفع 60 جنية لمدة 3 شهور اى 90 يوم وبلنسبة للسؤال الثانى ممكن من ابش القناة تغير اسمها للعربى يعنى ممكن حضرتك تعدل قناة لتكون مثلا ( روتانا سنيما ) وهكذا على باقى القنوات فعلا الجهاز جميل جدا واخر نصيحة يوجد للجهاز صوفت وير 252 و 265 انصحك ان تبقى الجهاز على صوفت 252 لانك لو عملت الصوفت الجديد 265 عندما تشغل قوة الجهاز على 1080 على شاشة ال سى دى هتجد خط ازرق يمين الشاشة انما الصوفت القديم هيعمل معاك دون مشاكل وتقبل تحياتى

[ايمن الشريف]

اخى عماد بجد مش عارف اقولك ايه غير جزاك الله خير وان شاء الله حشترى مع انه ملوش دعم فى مصراوى بس ان شاء الله حشترى
وشكرا اخى مره تانيه