[emad356]

اولا انا لسه جايب الجهاز من يومين وطبعا كنت فقدت الامل فيه تماما واتخنقت منه بس الحمد لله بعد البحث وترتيب الافكار وصلت والجهاز ماشاء الله اصبح طلقه وبدون مشاكل
ياريت اتباع الخطوات كامله وانا هاحاول اوضح وطبعا من غير صور لانى اساسا انا مش هاعرف انزلها وماتخفش الخطوات هاتكون واضحه جدا وبسيطه ان شاء الله
اولا : الجهاز شغال او مش شغال او بيهنج او او الى اخر انا الاول عايز انزل سوفت لو الجهاز مش شغال هاتنزل السوفت من اللودر وده طبعا زمايلنا الاعزاء وضحوه جدا فى الموقع لحد ما الجهاز يشتغل وتنزل كام قناه مش مهم القنوات
المهم ان الجهاز يكون شغال علشان اعمل مسح للفلاشه
مسح الفلاشه الخاصه بالجهاز دريك 7500
دوس على قائمه -ادوات -اداره الذاكره الخارجيه -موقع ملف التسجيل هاتختار فيه اسم المستخدم وبعدين تنزل الى - تهيئه الذاكره ودوس اوك على تهيئه الذاكره وبعدين موافق سوف يقوم الجهاز بمسح الفلاشه الخاصه به وما عليها
ثانيا مباشره بعد مسح الفلاشه - هانعمل استعاده ضبط مصنع ازاى
قائمه - التركيب -وهانختار منه استعاده النظام ادخل على استعاده النظام واختار ضبط مصنع وقوم بعمل ضبط مصنع سوف يقوم الجهاز بعمل ضبط مصنع وسوف يقوم باطفاء الجهاز وتشغيله دون ان تتدخل انت بشى سيبه هو هايعمل ريستارت لوحده اول ما يفتح الجهاز وهو عند اختيار اللغه الخطوه التالته
ثالثا هاتنزل السوفت الجديد 2.11.01 وهو شغال ميه ميه وبدون اى مشاكل على الفلاشه الخاصه بيك ولتكن 2 جيجا مثلا ونضعها مباشره فى usb بعد عمل ضبط مصنع مباشره
هاطلع قايمه فيها السوفت والرقم بتاعه وتحميل هادوس على الزر الاحمر للتحميل وسوف يقوم بتحميل السوفت دون اى مشاكل ولا تهنيج لانك مسحت الفلاشه اللى فى الجهاز وعملت ضبط مصنع **
** ملحوظه ** اولا السوفت ده متوفر فى الموقع الرائع ده ومساحته 25 ميجا وسليم معلش اسف انا مش هاعرف احطه انت نزله وبالنسبه للفلاشه بتاعتك اللى هى 2 جيجا مثلا اعملها فورمات على فات 32 قبل ما تنقل السوفت عليها **
رابعا نزلت السوفت والجهاز عمل ريستارت الخطوات دى الجهاز هايجبها لوحده
اللغه والبلد وبعد كده ضبط النت والشبكه هاتختار اوتوماتيك ثم التالى - هاتعلم على المربع اللى جنب محتوايات النت وتحميل محتوايات النت علامه صح طبعا هاتكون موصل النت سعتها الجهاز بسرعه هايعمل تحميل للمحتويات النت اللى فى الجهاز ثم التالى بعد كده هايجيلك الاقمار وضبط الاقمار ماتعملش حاجه انزل على البحث ودوس عليه هايجيب النيل سات وتردد كده ماتعملش حاجه بردوا ودوس بحث
هايبحث على كل القنوات وهاينزلها بعد كده
ادخل على الاضافات او plugins
مش هاتلاقى فيها حاجه خالص دوس تحميل وبعدين لما التحميل يخلص للاضافات دى الجهاز هايعمل ريستارت لوحده وبعدين يفتح
ادخل تانى على الاضافات هاتلاقى اتحملت بس مش شغاله
اعملها كلها اتوماتيك وكلها بدء بعدين اخرج من القايمه خالص
روح على قنوات الجزيره كلها هاتشتغل وانت موصل النت لو ما عندكش كرت الجزيره هاتشتغل بالسرفير ولو عندك كرت الجزيره هايشتغل بردوا تماما جدا ومن غير تقطيع ولا تهنيج خالص من الكرت او السرفير يعنى مشكله الكرت الشرعى اتحلت ودى كانت مشكلتى انا ان النت القنوات عليه شغاله لكن بالكرت مش شغاله بعد الخطوات دى كله شغال تماما ومن غير تقطيع
اخر حاجه هانحمل ملف قنوات مباشره من الجهاز مترتب كويس
قايمه وهانختار دونلود وانت موصل النت هايجيب اختيار تحميل معلومات التوليف
اختارها وبعدين هايجيب نايل سات وهوت بيرد وكام قمر كده فى سطر واحد مع بعض دوس عليها واعملها تحميل هايحمل بسرعه ويعمل ريستارت للجهاز كده القنوات كلها نزلت متحمله دوس على زرار فى الريموت مكتوب عليه fav
هايطلع قايمه اختار نايل سات واستمتع
ومش هاقولكم حاجه غير الدعاء بس وطبعا ده كان بمساعده ناس كتير فى الموقع هنا بس انا رتبت كام حاجه كده اهم حاجه هى مسح الفلاشه اللى فى الجهاز دريك 7500 وضبط مصنع وتحميل سوفت وتحميل الاضافات

واستمتع بقى .......

[القمارى]

http://www.masrawysat.com/vb/showthread.php?t=611087 ادخل هنا ارشيف كامل