[islam ali]

في يــوم من الأيــام

قرر "محب" إنه يعزم "حبيبته" على الغدا وياريته ما عمل كده

لإن البنت دى مش عاجبها العجب ولا الصيام فى رجب زى مابيقولو
شوفوا الحوار وأحكموا بنفسكوا>>>>>

"هو": تطلبي إيه؟

"هي": مش عارفة إنت هاتطلب إيه؟

"هو" : أنا هاطلب بيتزا

"هي": ماشي ، وأنا كمان

"هو": طيب

"هي": ولا أقولك ، بلاش

"هو": ليه عاوزه حاجة تانية

"هي": لأ ، مش عارفه

"هو": انتي جعانة

"هي": إممم ، مش عارفه

"هو": يعني إيه مش عارفة ، أكيد الواحد بيعرف هو جعان ولا لأ

"هي": نص نص

"هو": يعني أطلبلك معايا

"هي": لأ

"هو": خلاص

"هي": ولا أقولك ، يمكن أجوع كمان شوية

"هو": خلاص هاطلبلك وعقبال ما يجي الأكل تكوني جوعتي

"هي": طيب أفرض لما يجي الأكل أكون لسه ما جوعتش!

"هو": خلاص ، خلي الأكل قدامك ولما تجوعي إبقي كلي

"هي": ما كده الأكل هايبرد

"هو": خلاص نطلب أكل تاني

"هي": بس كده يبقى تبذير

"هو": نبقى نأخد الاكل البارد معانا تيك أواي ونبقى نأكله بعدين

"هي": طيب إفرض ما كانش ليا نفس للبيتزا بعدين

"هو": خلاص أكلها أنا

"هي": وأنا ما أكلش

"هو": جننتيني ، يعني اطلبلك ولا بلاش

"هي": بلاش احسن

"هو": خلاص أنا هاطلب لنفسي علشان انا جعت جدا

"هي": ماشي

"هي": بس أطلب بيتزا بالتونة
"هو": بس أنا مابحبش البيتزا بالتونة

"هي": بس أنا بحبها

"هو": بس أنا إللى هاكلها

"هي": ما يمكن على ما ييجي الأكل أكون جعت وأكل معاك

"هو": هو أنتي عاوزة تأكلي ولا لأ

"هي": إحتمال

"هو": يعني أنا لازم أطلب بيتزا بالتونة علشان إنتي (إحتمال) تأكلي معايا

"هي": أيوه بالظبط

"هو": طيب لو أنتي جوعتي وأكلتي البيتزا بتاعتي أنا هاكل إيه؟

"هي": ما انا ممكن ما أكلش أصلا معاك

"هو": رحمتك يا رب

"هي": مالك فيه إيه ؟؟

"هو": يعني دلوقتي لو أنتي ما أكلتيش ، أنا هاكل بيتزا مش بحبها

"هي": يعني أنت تاكل و أنا ما أكلش؟

[طه بغدادى]

ههههههههههههههههههههه

[حمادة حسينى عطية]

هههههههههههههههههههه
بجد موضوع حكاية
تسلم يا باشا

[@@@ محمد كمبيوتر @@@]

ههههههههههههههههه
مميز استاذى

[TBO2036]

احتمال موضوع شيق وجميل جدا الف شكر

[زيكو غانم]

هههههههههههههههههههههههههه

[احمدالبريدينى]

ايه الغباوة دى ربنا يستر
هههههههههههههههههههههههههه

[toopa_hasan]

هههههههههههههههه ميعجبهمش العجب ولا الصيام فى رجب

[asd7777]

يا اخى عنها مكلت

[احمد سمير]

ياعم الحاج

كالها أتوبيس تكون زمارته عطلانه هههههههه

علشان يدوس على طول من غير ميعرف يزمر

وليه بتقول غباوه يا اخى فيه كتير من النساء كده برده ههههههه

انته بأه قولى انته بتحب البيتزا بالتونه ولا ؟؟؟؟؟؟؟ اصل انا مبحبهاش بالتونه

ههههههههههههههههههههه

[احمد سمير]

المشاركة الأصلية كتبت بواسطة asd7777

يا اخى عنها مكلت

ولا تطفحه

اه والله هههههههههههه

ستين سنه عنها ماكلت ووفرت بجد والله

دى معندهاش ريحة الدم

[أم رانا]

هههههههههههههههههههههههههههههههه
واللهى الله يكون فى عونه
البنت دى جبتلى الضغط والسكر
بس موش كل البنات نفس الحكايه
البنت دى مفتريه اووووووووى
لكن البنات طيبين جداااااااااا
مشكوووووووور اخى الفاضل
موضوع ظريف وجميل جدا

[أبوأمير2011]

لو انا كنت مكانك كنت وكلتها جوز -----------------------------؟ افهم انت بقا

[احمد سمير]

جوز ايه ــــــــــــــــــــــــــــــ قول

هههههههههههههههههه

[عبدالفضيل]

هههههههههههههههههههههههههههههههههههههههههههههههههه هه