[ميدوا]

اخواني الكرام


طبعا لما فتحت الجهاز علشان اصوره لقيت البروسيسور بتاعه عليه مشتت حراري فقط !!!!!!!!!!رغم ان بيقوم بمهام معالجيه كبيره

وهذا لايكفي ....

سخونه الجهاز الناتجه عن الاستخدام العادي مابالك بالجو الحار اللي احنا فيه

بيؤدي الي انخفاض في القدره التشغيليه للجهاز زي ..........

1*ان التقليب بين القنوات بيبقي بطىء كلنا لاحظنا ده
2*استجابه الجهاز للريموت بتحس انها مش لحظيه بياخد اجزاء من الثانيه واكيد الكل لاحظ دي
3*طلب ****** من ******* ابطأ
وده من الاسباب اللي بتخليه يكتب No Video or Scrambled

ولذلك قررت ان
اركب مروحه تبريد علي البروسيسور اكنه زي الكمبيوتر

وطبعا مش هتصدقوا الفرق بين الجهاز قبل وبعد التركيب
سرعه في التقليب بين القنوات وسرعه في استجابته للريموت

دا غير ان الرساله المزعجه دي مبتقش تيجي والله ده حصل

نيجي بأ للخطوات...هتنزل اي محل كمبيوترات وتشتري( فانه )مقاس صغير جدا

وتركبها علي المشتت بمسمارين صغيرين


نوصل الاسلاك من الجنب من اي فتحه




ترنس 12 فولت ب10جنيه موجود في كل حته



بعد التركيب والعمل


ولاحظ الفرق وادعيلي

خاص طبعا بمصراوى سات

إضافة جديدة لتوصيل مروحة التبريد
بكهرباء داخلية من بوردة الجهاز

الان علي مصراوى سات يمكنك تركيب مروحه التبريد علي بورده الجهاز مباشره
بدون الحاجه الي ترنس خارجي


الخطوات:
يتم توصيل السلكين
الاول:الي اول بنه في الجاك
الثاني:الي البنه رقم6بعد البنه الفاضيه علي طول(للمرواح 12 فولت)

المروحه مكتوب عليه هي كام فولت واذا كانت مروحتك 6 فولت فيتم تركيب الطرف الثاني الي البنه رقم 7

منظر عام لبورده الكهرباء ومكان الجاك اللي هناخد منه

خاص وحصري مصراوى سات
ومرفق الصور كامله للتوضيح لتعم الفائده

[m.the.king]

الف شكر لك يا معلم على الشغل الجامد ده

[muhammad iprahem]

مثبت للأهميه

تسلم ياغالى عمل روعه

[ميدوا]

شكرا يا غالى على الثبيت و إن شاء الله فى الأيام الجايه فكره لو نجحت هتكون افضل إن شاء الله

[hopakola]

اول حاجه شكرا على الموضوع
تانى حاجه الموضوع منقول من منتدى تانى بالحرف فياريت كنت حضرتك تقول انه منقول

[mamad]

الموضوع ده قديم و منقول فعلا انا شوفته فى منتدى اخر من شهر اكتوبر 2010 و بنفس الصور

[ميدوا]

المشاركة الأصلية كتبت بواسطة hopakola

اول حاجه شكرا على الموضوع
تانى حاجه الموضوع منقول من منتدى تانى بالحرف فياريت كنت حضرتك تقول انه منقول

حضرتك شوفت الموضوع فى منتدى تانى غيرك مشفهوش وإن شاء الله التجربه اللى جايه هتكون حصريه للمنتدى هنا وبس وان كنت عامل مشاركه للموضوع قبل كده http://www.masrawysat.com/vb/showthread.php?t=218456
والأعضاء هم اللى طلبوا الصور والهدف الأساسى هو غن الفايده تعم على الجميع

[ABOAMRO_65]

مروحه لاب توب ب 15 جنيه تغنى عن كل ده وموجوده فى كل مكان وبتاخد كهربا من ال usb

[waleeed_209]

[ميدوا]

المشاركة الأصلية كتبت بواسطة waleeed_209

بارك الله فبك أستاذ وليد وشكرا لمرور حضرتك ونورت الموضوع

[mofasa1310]

طبعا مشكور على المجهود والنقل
لكم من الامانه انك تقول انك ناقل الموضوع والصور ولا ايه

[hopakola]

المشاركة الأصلية كتبت بواسطة ميدوا

حضرتك شوفت الموضوع فى منتدى تانى غيرك مشفهوش وإن شاء الله التجربه اللى جايه هتكون حصريه للمنتدى هنا وبس وان كنت عامل مشاركه للموضوع قبل كده http://www.masrawysat.com/vb/showthread.php?t=218456
والأعضاء هم اللى طلبوا الصور والهدف الأساسى هو غن الفايده تعم على الجميع

يا غالى مختلفناش انا كان قصدى تكتب انه منقول مش انك متحطش الموضوع اصلا و شكرا مره تانيه على الموضوع

[samanoudy2010]

مشكوووووووووور علىى تلك الافاده الغاليه لكل من يملك الجوكر

[أ/حــمــاده الــجــوكــــر]

تسلم يداك اخى الكريم وهيا الفكره ممتاازه جدا جدا

وافضل ايضا لو اشترينا مروحه اكبر لتبريد اقوى

وتكون 12 فولت اقوى

وافضل

وشكرا لك

[ziko2011]

ممكن نجيب مروحه لاب توب ومن غير ما نفك او نشيل نحطها تحت الجهاز وفي منها انواع كتير ويو اس بي مش افضل عشان فك الجهاز محتاج شخص يكون بيفهم وعندو درايه