[محمد مهداوى]

انا إشتريت هذا الجهاز بعد
ان
اقنعنى اخ وقال دا حته جهاز

عمرك ما هتشوف احسن منه فى حياتك


ألاقى عمرى ما شوفت أسوأ من هذا الجهاز فى حياتى


بعد ما الواحد قال يحوش ويجيب هذا الجهاز

يطلع فى الآخر فشنك

ليس فيه اى مميزات خالص


حتى الدعم صفر%


يعنى من الآخر جهاز فاشل بكل معانى الكلمه


ولولا أن هذا المنتدى الكبير له فضل عليا كثيرا

ما كنتش ذكرت هذا الكلام




اللهم ما إنى قد بلغت اللهم ما فأشهد

[wwwh]

ممكن اخى الكريم تبدل الدريك بالترومان بلاص وهتفع 200 جتيه فرق
قولت ايه ---- وشكرا

[Mohamed_Amr]

مستعد البدل معك
عندى دريم 800 اصلى
لو عندك امكانيه دفع الفرق بلغنى
وبالتوفيق

[ميدومريم]

حضرتك اول مستخدم يشتكى من الجهاز اللى لسه نازل مفيش شهر ونصف
على الاكثر!!!!
وماذا تقصد حضرتك بقلة الدعم رغم ان الاخوه بسم الله ماشاء الله مش مقصرين
وتم تنزيل الانيجما والترجمه بكل سلاسه وسهوله
بخلاف ان الجهاز يمكن تحويله للعديد من الاجهزه والمتوفر لها الدعم على كافة المنتديات سواء سوفتات او بلجنز
وبماذا تنصح الاعضاء فى حالة شرائهم جهاز محترم ومتوفر له الدعم ؟؟

[ميدومريم]

المشاركة الأصلية كتبت بواسطة mohamed_amr

مستعد البدل معك
عندى دريم 800 اصلى
لو عندك امكانيه دفع الفرق بلغنى
وبالتوفيق

منور الدنيا ياحاج محمد
اخوك / عبدالعزيز

[tati kamans]

لماذا حضرتك لم تذكر الاسباب؟؟
قمة النفاق!!!!!

[احمد دراجون]

لو فعلا ذى ما بتقول قلنا ايه العيوب عشان تقنعنا وعلى فكرة لو الجهاز مضايقك قوى انا ممكن اشتريه منك بس قلنا ايه عيوبة ؟؟؟؟؟؟؟؟؟؟؟!!

[عصام عفيفى]

يا استاذ محمد مهداوى
انا شاهدة جميع موضعاتك فى المنتدا وجدت انك ليس لك علاقة باى قسم من اقسام اجهزة الاتش دى يعنى ممكن نقول انك معندكشى هذا الجهاز ياريت ياستاذ محمد نقول اى العيوب اللى انت ملقتلهاش حل لانك عمرك مسالت على هذا الجهاز وده واضح من مشاهدة موضوعاتك بالمنتدا
اتمنا انك تكون مهدى وليسا العكس

[إبراهيم النمر]

يا جماعه ليه الهجوم علي الراجل نسأله الاول ايه وجه نظره ممكن يكون عنده حق وانا شايف ان النرفزه دي ملهاش لازمه
الاستاذ mohamed_amr عندك دريم بوكس اصلي وهتبدله بدريك طب ازاي
الاخ كامنس عيب تشتم الراجل وتنعته بالمنافق انت عارف عنده كام سنه عنده 49 سنه يعني قد ابوك تقدر تقول لابوك يا منافق عيب عليك يا عم ممكن اسئل حضرتك سئوال انت اضايقت ليه لما عمل المشاركه دي المفروض انك ملاكش مصلحه يبقي ترد بطريقه الطف من كده صح ولا انا غلطان

[محمد مهداوى]

المشاركة الأصلية كتبت بواسطة wwwh

ممكن اخى الكريم تبدل الدريك بالترومان بلاص وهتفع 200 جتيه فرق
قولت ايه ---- وشكرا

مستعد ابيع هذا الجهاز الفاشل لأى حد

بس انا معرفش يعنى ايه ترومان بلاص

ارجو التوضيح اخى

[محمد مهداوى]

المشاركة الأصلية كتبت بواسطة mohamed_amr

مستعد البدل معك
عندى دريم 800 اصلى
لو عندك امكانيه دفع الفرق بلغنى
وبالتوفيق

برده معرفش يعنى ايه دريم

يعنى جهاز يستحق ولا لا

ولو هو يستحق إنتا عاوز تبيعه ليه

[محمد مهداوى]

المشاركة الأصلية كتبت بواسطة ميدومريم

حضرتك اول مستخدم يشتكى من الجهاز اللى لسه نازل مفيش شهر ونصف
على الاكثر!!!!
وماذا تقصد حضرتك بقلة الدعم رغم ان الاخوه بسم الله ماشاء الله مش مقصرين
وتم تنزيل الانيجما والترجمه بكل سلاسه وسهوله
بخلاف ان الجهاز يمكن تحويله للعديد من الاجهزه والمتوفر لها الدعم على كافة المنتديات سواء سوفتات او بلجنز
وبماذا تنصح الاعضاء فى حالة شرائهم جهاز محترم ومتوفر له الدعم ؟؟

اولا يا اخى انا معرفش انصحك
بأى جهاز لإنى معرفش اى جهاز

آخر غير كيوماكس الجوكر

لإن هو الجهاز الإتش دى الوحيد إل إشتريته قبل الدريك

وهو طبعا جهاز افشل من الدريك بكثير



اما بقى بخصوص انا ليه عاوز ابيعه

هقولك

سببه إن وانا بشتريه كان التاجر ربنا يسامحه بيقول حته جهاز

وطبعا إنتو عارفين التجار

قعد يعدلى يجى 500 ميزه

فى الجهاز


وزى المثال العربى إل بيقول

ياريتك يا بو زيد ما غزيت


لم اجد اى شئ مما قال


كان بيقولى الجهاز فيه إنترنت متكامل أكنك قاعد على جهاز كمبيوتر

وداون لود وآبلود

وترجمة للمباريات مباشره
على اى قناه



وذكر مميزات كثيره لا تعد ولا تحصى من كثرة كلامه


وبعدين إنتا بتقولى الدعم موجود ؟؟

فين الدعم ده

موضوعين ثلاثه بدون تفاصيل بتسمى هذا دعم

دا الدعم الصحيح لأى جهاز

موضعين او ثلا ثه شهريا على الأقل


وطبعا روحت للراجل إمبارح علشان اقوله أقسم لى

إل كل المميزات إل هو قالهالى موجوده فى الجهاز


بس عاوز حد يدعمه ويعرفلك الجهاز
ويطلعلك مميزاته

طب دلوقتى تروح فين علشان حد يطلعلك مميزاته

مفيش قدامك إل إنتا تجيب خواجه يدعملك الجهاز
ويطلعلك مميزاته

[محمد مهداوى]

المشاركة الأصلية كتبت بواسطة tati kamans

لماذا حضرتك لم تذكر الاسباب؟؟
قمة النفاق!!!!!

الله يسامحك يا اخى

ليه الشتيمه بس

ادعو الله ان يسامحك على ما قولت


فرب ذلة لسان تدخل صاحبها الى النار

وليعاذ بالله

وانا ادرؤ بك ذالك

يا اخى فى الله

فالموضوع لا يستاهل هذه السبه


فنحن المسلمون

لا نبيع ديننا بعرض من الدنيا



وتم التفسير فى الرد إل قبل ذالك

[محمد مهداوى]

المشاركة الأصلية كتبت بواسطة احمد دراجون

لو فعلا ذى ما بتقول قلنا ايه العيوب عشان تقنعنا وعلى فكرة لو الجهاز مضايقك قوى انا ممكن اشتريه منك بس قلنا ايه عيوبة ؟؟؟؟؟؟؟؟؟؟؟!!

تم ذكر الأسباب فوق

وهل هناك اكثر من قلة الدعم

بدون دعم يعتبر الجهاز ميت


وانا مستعد للبيع الآن

[محمد مهداوى]

المشاركة الأصلية كتبت بواسطة عصام عفيفى

يا استاذ محمد مهداوى
انا شاهدة جميع موضعاتك فى المنتدا وجدت انك ليس لك علاقة باى قسم من اقسام اجهزة الاتش دى يعنى ممكن نقول انك معندكشى هذا الجهاز ياريت ياستاذ محمد نقول اى العيوب اللى انت ملقتلهاش حل لانك عمرك مسالت على هذا الجهاز وده واضح من مشاهدة موضوعاتك بالمنتدا
اتمنا انك تكون مهدى وليسا العكس

بخصوص إل انا ليس لى علاقه بأجهزة الإتش دى فى هذا المنتدى

الإجابه تكون نعم ليس لى علاقه

بس هنا فى هذا المنتدى فقط


وأضف الى معلوماتك يا اخى

إل انا كنت من كبار الشخصيات


فى هذا المنتدى العظيم بس قبل ما ***** المنتدى يعطل

لذالك إشتركت فى منتدى آخر

وبقيت هناك حاليا مشرف مميز


بس انا عمرى ما انسى مصراوى بيتى الأول

فأدخل هنا كل ما أشتاق الدخول إليه



اما بخصوص مهدى فهذا والدى رحمه الله


وليا الفخر ان يطلق على

ويكون إسم على مسمى

بإذن الله

والله اعلم بى وبك


وتم الرد على كلامك فوق

تقبل خالص تحياتى