[ابراهيم مدحت]

السلام عليكم ياشباب عندي جهاز ترومان 1000 فاصل صوت وصوره باشغله بيشتغل عادي والبور منور (اللمبه الخضرا) ياريت لو فيه حل

[WALID85AYA]

بص حبيبي اولا حاول تجرب تحميل سوفت وير للجهاز ...إذا ظلت المشكلة كما هي ... افتح الجهاز ونظفه جيدا بفرشااااه وثنر ، واذا استمرت المشكلة راجع فولتيات الباور لديك ...وتأكد إنه جميع الفولتيات سليمة ...جرب ومتابع معك .

[ابراهيم مدحت]

شكرا اخي الكريم لردك وتم تجريب سوفت وير جديد ولكن دون فائده اعتقد مراجعة فولتيات الباور دي محتاجه فني صيانه لو هي سهله ياريت تشرح الطريقه اسف على الاطاله

[WALID85AYA]

اخي الغالي احنا بنستخدم في قياس العناصر الالكترونية ( مكثفات ، مقاومات ، ترانزستورات ...الخ ) وكمان بنستخدم في قياس الفولت والامبير ..جهاز يسمي أفو ميتر ..تمام الجهاز ده عليه مؤشر تدريجي للتيار المستمر ، والتيار المتردد 220 فولت ـ تمام، وكمان عليه تدريج خاص بقياس المقاومات ، وكمان تدريج خاص بقياس شدة التيار ( الامبير) ..تمام وكمان وضع الصفارة ، احنا بقي بنضبط مؤشر الافو علي وضع التيار المستمر وعلي الوضع تحديداً 200 dcv وبعدها بنمسك عصا الافو السالب وهو ذو اللون الاسود ده بنضعه علي جسم الريسفر لأنه ارضي ارجو تكون فاهم ، وباستخدام العصا الثانية وهي الموجب ذو اللون الاحمر ..نمشي علي مشط التغذية بتاع دائرة الباور (سوكيت الباور ) نجرب علي كل طرف في الدائرة ستجد الافو يقوم بالقراءة مثلا يقرأ 5 علي طرف ال 5 فولت ، ويقرأ 12 علي طرف 12 فولت ، ويقرأ 3.3 علي طرف 3.3 فولت وهكذا ...قم بقياس جميع الفولتيات ، وإذا وجدنا الافو يكتب القراءة صحيحة كما هي مدونة علي لوحة الباور عندك ..يبقي كده الباور سليم عندك ..دا كان شرح مبسط جدا لكل مبتدئ في الصيانة او لكل من يريد تعلم طريقة القياس ، وكمان اخي الغالي هناك مظاهر للاعطال بتكون ظاهرة يمكن اكتشافها بمجرد النظر بالعين كأيسيه باور مفحم محترق ، كمكثف منتفع من اعلي او به تسريب للمادة الكيميائية من اسفل .....الخ ..وتحت امرك اخي الغالي

[islam_mohsen]

متابع اكثر من رائع اخي وليد وبالنسبة للاخ السائل لو ماوصلتش لحل عليك بالذهاب الي مركز صيانه حفاظا علي سلامك وعلي جهازك

[ابراهيم مدحت]

شكرا جزيلا اخي وليد لاهتمامك وتجاوبك السريع وشكرا للمشرف (المميز) اسلام محسن الحمد لله تم حل المشكله:d

[محمدالنوبي]

الف مبروووووووك ياغالي

متابع اكثر من رائع الله ينور

[مهندس محمودعبدالحميد]

المشاركة الأصلية كتبت بواسطة ابراهيم مدحت

شكرا جزيلا اخي وليد لاهتمامك وتجاوبك السريع وشكرا للمشرف (المميز) اسلام محسن الحمد لله تم حل المشكله:d

الف مبروك لعوده جهازك للعمل يا غالى بس يا ريت توضح انت عملته ازاى حتى نستفيد ويستفيد باقى الاعضاء

[م/محمود العطفى]

الف الف مبروك وتسلم لتبيغك بأزاله العطل

وللافاده والاستفاده العامه اذكر ما قاله اخى الحبيب محمود عبد الحميد

[ابراهيم مدحت]

المشاركة الأصلية كتبت بواسطة مهندس محمودعبدالحميد

الف مبروك لعوده جهازك للعمل يا غالى بس يا ريت توضح انت عملته ازاى حتى نستفيد ويستفيد باقى الاعضاء

والله روحت لفني صيانه وعمل نفس الي الاخ وليد بيقول عليه بظبط معلش اخوكم مش متمرس اوي في حكاية الصيانه دي بس ان شاء الله هاخد دورة صيانه شكرا لمتابعتكم جميعا

[مهندس محمودعبدالحميد]

المشاركة الأصلية كتبت بواسطة ابراهيم مدحت

والله روحت لفني صيانه وعمل نفس الي الاخ وليد بيقول عليه بظبط معلش اخوكم مش متمرس اوي في حكاية الصيانه دي بس ان شاء الله هاخد دورة صيانه شكرا لمتابعتكم جميعا

ولا يهمك يا غالى والف شكر ليك على ردك وتسلم لمتابعتك لموضوعك وان شاء الله هنا فى مصراوى سات تتعلم كل شئ